သူ့ရဲ့ ချည်ဘောင်းဘီရှည်အသားရောင်လေးနဲ့
ကြယ်သီးတပ်ရှပ်အင်္ကျီလက်ရှည် အဖြူလေးကို
ဝတ်ထားသော ရှန်ခွန်းနောင်ကို ကြည့်၍
စိုင်းအံ့သျှိုင်းယံပြုံးလိုက်မိသည်။
သူနဲ့ယှဉ်ရင် အလွန်သေးကွေးသော ခန္ဓာကိုယ်လေး
ဖြစ်တာကြောင့် .. ခြေဖျားလက်ဖျားလေးတွေပေါ်အောင် အင်္ကျီအနား၊
ဘောင်းဘီအနားတွေကို
ခေါက်တင်ထားသည်က
တစ်ခေါက်နှစ်ခေါက်မျှပင် မက။
" ကိုကို ..အဝတ်စိုတွေ ဘယ်ထားရမှာလဲ မသိလို့..
အဝတ်လျှော်စက်ထဲ ထည့်ခဲ့တယ်"
Kitchen ထဲတွင်
ကော်ဖီဖျော်နေသောသူ့ဆီကို လျှောက်လာကာ..
ဘေးနားက ရပ်ကြည့်ရင်းပြောလာသည်။
" အင်း ရတယ်။ ကိုယ် ညကျ
လျှော်ပေးထားလိုက်မယ်.."
"သန့်ရှင်းရေး အလုပ်သမား မခေါ်ဘူးလား.."
" တစ်ပတ်မှတစ်ခေါက်လောက်ပဲ"
ရှန်ခွန်းနောင်က ခေါင်းလေးကို
တဆတ်ဆတ် ညိတ်သည်။
" မိုင်လို ပူပူလေး သောက်ချင်တယ်.."
" ကိုယ်အခုဖျော်ပေးမလို့.."
" ဝယ်ထားတာရှိတယ်ပေါ့.."
"ကိုယ့်ကောင်လေးက ကြိုက်တော့လည်း ..
ဝယ်ထားရတာပေါ့ကွာ.."
ရှန်ခွန်းနောင် သဘောတကျလေး
ရယ်လိုက်မိသည်။
" ဗိုက်ရော ပြန်ဆာပြီလား"
" မဆာသေးပါဘူးကိုကိုကလည်း..ခုနကမှ
မုန့်တွေအများကြီး စားလာတာ"
ကော်ဖီခွက်နဲ့ မိုင်လိုခွက်ကို တစ်ဖက်စီကိုင်ရင်း
ကိုကိုက kitchen ထဲက ထွက်ဖို့ပြင်သည့်အခါ
ရှန်ခွန်းနောင်က ဘေးနားကနေ လိုက်လာခဲ့သည်။
အိမ်ရှေ့ခန်းက မှန်တံခါးကို ကိုကိုက
အနည်းငယ်ဟကာ
ဖွင့်လိုက်သည်နှင့်တပြိုင်နက်
အေးမြသည့်လေနှင့်..
မြေသင်းနံ့လေးကိုပါ..ဝေ့ခနဲရလိုက်၏။
မိုးက အရမ်းမသည်းတော့တာကြောင့်
မိုးရေတော့ဖြင့် အိမ်ထဲထိ စင်လာခြင်းမရှိပေ။
ကိုကိုက စားပွဲပေါ်မှာတင်ထားသည့်
မိုင်လိုခွက်လေးကို လှမ်းပေးလာပြီး
သူကိုယ်တိုင်လည်း ကော်ဖီခွက်ကိုယူလိုက်ကာ
ရှန်ခွန်းနောင်ရဲ့ဘေးမှာ ထိုင်လိုက်သည်။
YOU ARE READING
RO ( ရို ) (Completed)
RomanceMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
