අළු පාට බොටම් එකට සුදු පාට ටීශර්ට් එකයි ස්ලිපර්ස් දෙකයි දාගෙන මං එලියට වෙලා බලන් හිටියේ ඩියෝනුයි චිරාත් අයියයි එනකන්. මාව ඇදගෙන ආවට මොකද උන් දෙන්නා තාම ලෑස්ති වෙලාවත් නෑ. ඩියොනුත් කලූ බොටම් එකකට ලා නිල් පාට ටී එකක් ඇඳලා හිටියා.
චිරාත් අයියා කලිසමකට එයාට වඩා ලොකු ටී ශර්ට් එකක් ඇඳන් එලියට ආවා. වෙනදා දාන කණ්ණාඩි දෙක නැති නිසා එයාට අමුතුම ලාබාල පෙනුමක් එක්ක කෙලිලොල් ගතියක් ඇවිත් තිබුනා.
"යං යං ඉක්මනට....බඩගිනියි අප්පා."ඩියෝන්ගේ කෑ ගැහිල්ල එක්කම අපි තුන්දෙනා වල්පල් කියව කියව පාර දිගේ හෙමීට ඇවිදන් යන්න පටන් ගත්තා. ඔහේ කියව කියව ගිහින් අපි තුන්දෙනා වෙනදා කෑම ගන්න තැනටම ගිහින් වාඩි වුනා.
ඩියෝන් ගිහින් කෑම ඕඩර් කරලා ආවා.
"අම්මෝ සීතල බං....." චිරාත් අයියා අත් දෙක එකට අතුල්ලන ගමන් කිව්වා.
"වහින්නත් වගේ අප්පා. අරූ ඇදන් ආවට කුඩයක්වත් නෑ." මං ඩියෝන්ට ඇද කරන ගමන් කියනකොට ඌත් ඇවිත් ඉඳගත්තා. අපි කෑම ගේනකන් එක එක දේවල් කියව කියව හිටියා.
"චිරාත් !!!!!! උඹ මෙහේ?" මගේ පිටිපස්සෙන් එක පාරටම ඇහිච්ච කටහඬ නිසා මං ගැස්සිලා ගියා. මං ඉඳපු තැනට මුහුණලා තිබ්බ පුටු දෙකේ තමයි චිරාත් අයියයි ඩියෝනුයි වාඩි වෙලා හිටියේ.
"මචං සාකේත.....කොච්චර කාලෙකින්ද බං...." චිරාත් අයියා එක පාරටම නැගිටවුනේ ආපු කෙනා දැකලා වෙන්නෝනේ. ආපු කෙනා ඉස්සරහට ඇවිත් චිරාත් අයියව හග් කරනකොටයි මං එයාව දැක්කේ. තද කොල පාට ටී ශර්ට් එකක් ඇදලා හිටපු එයාව දැක්ක ගමන් මට මතක් වුනා උදේට පාර දිගේ දුවන සෙට් එකට කමාන්ඩ්ස් දෙන්නේ මෙයා කියලා. උස මහත ශරීරයක්, කොටටම කපපු කොණ්ඩේ එක්ක එයාට තිබ්බේ නීට් & ටයිඩි පෙනුමක්.
"අඩෝ හෙන කාලෙකින්නේ බං....? උඹ නම් ඒ කාලෙ වගේම කැහැටුයි." ඒ ආපු කෙනා චිරාත් අයියගේ පිටට ගහලා ඇහුවා.
"පල යන්න උඹ මට නෝන්ඩිය දානවා. ආ මචං මේ ඉන්නේ බිනූශ අපේ අලුත් සර්ජන්. මේ ඩියෝන්....එයාවනම් දන්නවනේ." චිරාත් අයියා අපිව එයාට ඉන්ට්‍රොඩියුස් කරා. "මේ සාකේත මගේ ඉස්කෝලේ යාළුවෙක්. මෙයා එහා පැත්තේ කෑම්ප් එකේ ඉන්නේ. "
YOU ARE READING
Drizzle
General Fictionරළු දෙඅත'තර ගැවසෙමී නුඹෙ ආලේ තරමත් දන්නෙමී මුදු වදන් දෙන්නෙමී නුඹ අහිංසක බව දන්නෙමී _කොල පාට ඇස්_ තුරුල්ලේ සඟවමී නුඹව කාටත් නොමදෙමී රැකගමී තුටු කරනෙමී නුඹ මගෙම බව සපථ කරනෙමී _රත්තරන් ඇ...
