My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟷𝟿《ကမ္ဘာပျက်ကပ်ကြီး ရောက်လာခဲ့ပြီ》

My Cherry Will Explode in the Apocalypse

Chapter 19

Author: Drunken Light Song
Source: Jostena M
Translator: オタク

【Unicode】

သွေးစွန်းနေသောလ၏အသွင်အပြင်သည် သွေးမုန်တိုင်းတစ်ခု၏အစကို ဆိုလိုချင်နေပုံရသည်။ ကမ္ဘာတစ်ဝှန်းလုံးရှိ အပူရှပ်ခံနေ‌ရသောလူများနှင့်ဖျားနာနေသောလူများအားလုံးသည် တစ်ချိန်တည်းမှာပင် သေဆုံးသွားကြပြီး နေရာတိုင်းတွင် လူများငိုယိုနေသံများကြားနေရသည်။

ရုတ်တရက်ကြီး ဆေးရုံ၌ တစ်ချိန်းတည်းမှာပင် လူနာအရေအတွက်များပြားစွာ သေဆုံးသွားပြီး ဆေးဝန်ထမ်းများကို သူတို့၏ခြေလက်များဆုံးရှုံးသွား(ထိတ်လန့်တုန်လှုပ်)စေတော့သည်။ လူနာများ၏ ဆွေမျိုးများသည် ဘာတွေဖြစ်သွားမှန်းမသိလိုက်ကြပေ။ သူတို့သိတာ တစ်ခုတည်းမှာ သူတို့၏ဆွေမျိုးများသေဆုံးသွားသည်ကိုပင်။ သူတို့သည် ဆေးရုံ၌ လှံများထိုးချိန်ကာ ပဋိပက္ခများဖြစ်အံဆဲဆဲပင်။

တချို့လူများမှာလည်း သူတို့၏ မသက်မသာဖြစ်နေသော ဆွေမျိုးမျနှင့် သူငယ်ချင်းများက်ု ဆေးရုံသို့ကမောင်းပို့လာကြသည်။ သူတို့သည် ရုတ်တရက်ပင် တစ်ဖက်လူသည် အသက်ရှိသည့်လက္ခဏာမပြတော့သည်ကိုရှာတွေ့လိုက်ကြပြီး အံဩကြီးစွာ ငိုယိုကြတော့သည်။

မိသားစုများစွာတွင် တချို့သည် အဖျားရှိကြသော်လည်း ဆေးရံသို့သွားရန် တွန့်ဆုတ်နေကြပြီး အပူရှပ်ရုံလေးသာဖြစ်သဖြင့် ဆေး‌နှင့် ရေ အချို့သောက်ပြီး ကောင်းကောင်းအိပ်လိုက်လျှင် ပိုကောင်းလာလိမ့်မည်ဟုသာ တွေးနေခဲ့ကြသည်။ မထင်မှတ်ထားသည်မှာ ရုတ်တရက်ကြီး အသက်မရှူကြတော့သဖြင့် သူတို့၏ဆွေမျိုးများသည် ကြက်သေ သေသွားကြ‌တော့သည်။

လမ်းမပေါ်တွင်လည်း လမ်းလျှောက်နေသော လူအများအပြားသည် ရုတ်တရက်လဲကျသွားပြီး လှုပ်ရှားမှုများရပ်တန့်သွားကြသည်။ သူတို့တွင် အဖျားရှိနေ၍လည်းဖြစ်မည်။ လမ်းသွားလမ်းလာများသည် ထို့နောက် သတိပြုမိသွားကြပြီး အကူအညီပေးရန် ပြေးလွှားသွားကြ၏....

ထိုရုတ်တရက်သေဆုံးမှုအလုံးအရင်းသည် အရာအားလုံး၏အဆုံးသတ်မဟုတ်ကြောင်း လူတိုင်းမသိခဲ့ကြချေ...သို့သော်လည်း အဆုံးသတ်၏ အစသာလျှင်ဖြစ်လေသည်။