دقات علي باب منزلها اخرجتها من دوامه شرودها وبوتقه ذكرياتها معه.... ذهبت بخطي بطيئه متردده تجاه باب المنزل وهي تتعجب ..... فهي منذ ان رجعت الي منزلها لم يأتي لها سوي صديقتها ورده والتي تملك نسخه من مفتاح المنزل بالفعل ... من اذا يدق الباب بتلك الطريقه الملحه .
فتحت عهود الباب وثواني فقط حتي قطبت حاجبيها في استغراب وهي تنظر الي الشخص الماثل امامها بابتسامه هادئه ولم يخفي عليه تعجبها من زيارته.
احمد : ازيك يا عهود ..... انا اسف لو جيت من غير ما ابلغك بس تليفونك مقفول .... وجيبت عنوانك من السي ڤي اللي في المستشفي .
نظرت له عهود بتوتر فهي لا طاقه لها للحديث ولا استقبال الزوار ...... ولكنها فتحت الباب قليلا ودعته للدخول .
عهود : اتفضل يا مستر احمد مايصحش نتكلم علي الباب كده .....
دخل احمد بخطي بطيئه داخل المنزل جال بعينيه في انحاء الشقه وشقت ابتسامه خفيفه ملامحه وهو يري شخصيتها الجامحه تنعكس حتي علي اثاث منزلها والوان الحوائط والديكورات ..... جلس بهدوء بعد ان استئذنته عهود لتبديل ثيابها .
بعد قليل خرجت عهود بملابس رسميه عكس ما كانت ترتديه قبل قدومه .... وتحمل معها كوبين من العصير وضعتهم علي الطاوله امامه وهي تتنهد بنفاذ صبر.
عهود : نورت يا مستر احمد .
احمد : الدنيا كلها نورت برجوعك بالسلامه يا عهود .... الف حمد لله علي سلامتك .
عهود بابتسامه مصطنعة: الله يسلمك .... شكرا اوي لزيارتك .... مكنش فيه داعي تتعب نفسك
احمد : مفيش تعب ولا حاجه ..... ورده حكتلي الفتره اللي فاتت علي تفاصيل الحادثه وانا بعتذر لاني كنت سبب من اسبابها .... اكيد لو اعرف ان كل ده هيحصل مكنتش بعتك مع تركيب الاجهزه دي ابدا .
عهود : حصل خير .... ده نصيبي في الاول وفي الاخر * تنبهت فجأه لكلامه * صحيح مين راح مكاني واشرف علي تركيب الاجهزه دي .
احمد : الملك ومساعده رفضوا ان حد يروح من عندنا لانهم افتكروا تأخيرك مقصود وهما جابوا حد اشرف علي التركيبات .
عهود : مستر احمد ..... ممكن تقولي مقر شركات الملك فين بالظبط .
احمد ببساطه: ماعرفش .... مايخصنيش اعرف انا كل دوري اسلمهم الاجهزه .... هيودوها فين وهيعملوا بيها ايه ده مش شغلي يا عهود .... بس بتسألي ليه .
عهود باحباط : ولا حاجه خلاص .
احمد : طيب بما انك بخير الحمد لله.... ليه مش راضيه ترجعي الشغل.
ضيقت عهود حاجبيها باستغراب.: شغل ايه يا مستر احمد .... انا بقالي شهور ماجيتش الشغل .
احمد : وايه يعني ..... ورده مضيتلك اجازه مرضيه بعد حادثتك بشويه .... وكمان من يومين سلمت كل التقارير الطبيه اللي تثبت حالتك الشهور اللي فاتت .... وياستي انا صاحب المستشفي وشركه الاجهزه الطبيه وبقولك مكانك محفوظ و مستنيكي تنوريه .
أنت تقرأ
مستذئب من شارع الهرم ( كامله )
Werewolfالاساطير ماهي الا حقائق بدون ادله ..... مهما اختلفت حكاياتها .....هي لم تخلق من عدم ..... فلنترك عقولنا في عالم الواقع ونسبح في عالم من الخيالات المختلفه 🥰 حاصله علي المركز 1مستذئب 1 صداقه 1 حلم 1 شوق 1 اشتياق 1 وجع 2 خطف 2 فراق
