Unicode
အခန်း(၅၅-၁) - ကန့်သတ်ချက်များ
ရန့်ရှန်သည် သူ့အရည်အချင်းများက အလယ်အလတ်သာ ရှိတယ်ဆိုတာအား အမြဲသိပြီးသားပင်။ သူက ချင်းယွင်ဂိုဏ်းကို ဝင်ခွင့်ရဖို့ထိ ကံကောင်းလွန်းတဲ့ သာမာန်လူတစ်ယောက်သာ
ထိုကံကောင်းမှုသည်လည်း စုန့်မင်းကြောင့်
စုန့်မင်းက သူ့ကိုမြင်တော့ အချိန်အကြာကြီး ကြည့်နေခဲ့သည်။ ထို့နောက် ဂရုမထားစွာ ပြောလာလေ၏။
"မင်းရဲ့ အရည်အသွေးက တော်တော်လေးကို သာမာန်ဆန်တယ်, ဒါပေမဲ့ မင်းသာ ကြိုးကြိုးစားစား လုပ်သ၍ မဖြစ်နိုင်တာတော့ မဟုတ်ဘူး"
ထိုစကားစုက ရန့်ရှန်၏ နှလုံးသားထဲက မီးစကို လောင်ကျွမ်းစေခဲ့သည်။
အကယ်၍ သူသာ သာမာန်လူ တစ်ယောက်ဖြစ်ခဲ့ရင် သူ့ကိုယ်သူ အများကြီး တွေးခဲ့မှာမဟုတ်ခဲ့။ သို့သော်လည်း စုန့်မင်းက သူ့ကို ချင်းယွင်ဂိုဏ်းဆီ ခေါ်လာပြီး သူ့အတွက် ကြီးကျယ်ခမ်းနားပုံပေါက်တဲ့ လမ်းအား ခင်းပေးခဲ့သည်။ အဲ့ဒါက သူ့အား လောဘကြီးလာစေပြီး တိမ်မြှုပ်သွားမယ့် လမ်းကြောင်းဆီသို့ မပြန်ချင်အောင် ဖြစ်သွားစေသည်ပင်။
ဖြစ်နိုင်တာ စုန့်မင်းအနေနဲ့ ရန့်ရှန်ဟာ အောင်မြင်ဖို့အတွက်ဆို တရားသည်ဖြစ်စေ မတရားသည်ဖြစ်စေ ရအောင်လုပ်ယူလိုစိတ် ရှိသည့် လူတစ်ယောက်ဟုနားလည်သွားတာကြောင့် ဖြစ်လိမ့်မည်။
စုန့်မင်းက အခွင့်ကောင်းယူပြီး သူ့အား ရှန်ကျစ်ရှန်းနဲ့ အမှတ်မထင် မိတ်ဆက်ပေးချင်ယောင်ဆောင်ခဲ့သည်။ ထိုအချိန်မှာ ရှန်ကျစ်ရှန်းက ရန်ကျင်းအား တပည့်အဖြစ် လက်ခံပြီးနေလေပြီ။ ရန့်ရှန်ကို မြင်တဲ့အခါ သဘောမတူကြောင်း အရိပ်အမြွက်မျှ ပြခဲ့ပေမယ့် ပြတ်ပြတ်သားသားလည်း မငြင်းဆန်ခဲ့ပေ။.
ရန့်ရှန်က ဒီလိုဆရာမျိုးကို ကိုးကွယ်ခဲ့သည်။ မူလကတော့သူ့မှာ တောက်ပပြီး ကျက်သရေရှိတဲ့ အနာဂတ်တစ်ခု အစပြိုးလာပြီလို့ ထင်ခဲ့ပေမယ့် နောက်ပိုင်းမှသာ သူတွင်းနက်ကြီး တစ်ခုထဲ သူ့ကိုယ်သူရောက်အောင် လုပ်လိုက်မိတာမှန်း ရှာဖွေတွေ့ရှိခဲ့မိ၏။ သူ့ကျင့်ကြံခြင်း အရည်အချင်းက သိပ်မကောင်းပေမယ့်လည်း သာမာန်လို မွေးဖွားလာတဲ့ လူတစ်ယောက်အနေနဲ့ တန်ပြန်အစီအစဉ်များအား အမြန် စဉ်းစားခဲ့သည်။
YOU ARE READING
(Completed) ဆရာဖြစ်ရတာမလွယ်ဘူး (ဆရာျဖစ္ရတာမလြယ္ဘူး)
Mystery / ThrillerTitle - It is not easy being a master Author - Jin Xi Gu Nian / Eng translator - Xi Xi Burmese translation period - Jan 5,2021 ~ Oct 14,2022 ရှန်ကျစ်ရှန်းသည်သူ့တပည့်ရဲ့အမြူတေကိုမုန်းတီးမှုကြောင့်ဖြတ်ထုတ်ပစ်ခဲ့သည့်အရံဇာတ်ကောင်ဆရာရဲ့ကိုယ်ထဲကူးပြောင်း...
