BTLFAM (Final 30)Unicode

11.1K 422 26
                                    

Behind the lust for a man
(ယောင်္ကျားတစ်ယောက်အပေါ်တပ်မက်ခြင်းရဲ့နောက်ကွယ်..)

အပိုင်း(၃၀) ဇာတ်သိမ်းပိုင်း

(°°...°°က အင်္ဂလိပ်လိုပြောတာကို ရည်ညွှန်းတာပါ။ "..."က ဂျာမန်လိုပြောတာကိုရည်ညွှန်းတာဖြစ်ပြီး /.../က မြန်မာလိုပြောတာကိုရည်ညွှန်းပါတယ်)

တိမ်စိုင်တွေလို လေနှင်ရာ‌ကို ‌ရွေ့ခဲ့ပြီးပြီ။ ငှက်ကလေးတွေလို အနှောင်အဖွဲ့ကင်းကင်း ပျံသန်းခဲ့ဖူးပြီ။ လက်ဖက်ရည်တစ်ခွက်နဲ့ တက်သစ်စနေမင်းကနေ တောင်တန်းတွေကြား တိုးဝင်သွားတဲ့ နေညိုချိန်ကိုလည်း မေ့မေ့မောမော ငေးမောဖူးပြီ။

ဘဝရဲ့ လွတ်လပ်ခြင်းတွေကို သုံးနှစ်လုံးလုံးလုပ်ခဲ့ပြီးပြီ။ ‌မိသားစုကကျေကျေနပ်နပ် လွှတ်ထားပေမယ့် မိသားစုဆိုတဲ့ စကားလုံးရဲ့ တာဝန်ကိုကျေပွန်ဖို့ လွတ်လပ်ခြင်းတစ်ဝက်ကို စွန့်လွှတ်ခဲ့ရပြန်သည်။ တစ်ဝက်ဆုံးရှုံးသွားတဲ့လွတ်လပ်ခြင်းကို အပျော်တွေနဲ့ယှဉ်လိုက်ရင် တုနှိုင်းမဲ့ပါသည်။ ဒါဟာ မိသားစုဆိုတဲ့ အသိုက်အမြုံလေးရဲ့ အနှိုင်းမဲ့တန်ခိုးစွမ်းအားပင်။

Baz Momရဲ့အိပ်ရာဘေးမှာထိုင်ကာ သုံးပုံတစ်ပုံလောက်ပိန်ကျသွားသော Momရဲ့လက်ချောင်းသွယ်သွယ်တွေကို တယုတယကိုင်ပြီး ချောင်ကျသွားတဲ့ ကျက်သရေရှိရှိမျက်နှာ၏အစိတ်အပိုင်းတိုင်းကို တမေ့တမော ငေးမောနေသည်။ အရှိန်အဝါကြီးသော အမျိုးသမီးတစ်ယောက်ဖြစ်သည့် အလျောက် နာမကျန်းတာတောင် အရှိန်အဝါ၏အငွေ့အသက်တို့ရစေသည်။

တစ်ချက် တစ်ချက်လူးလွန့်လာသည့် မျက်ဆံအိမ်ကြောင့် နိုးထတော့မည်ကို သိသည့်အားလျှော်စွာ Bazစောင့်စိုင်းနေခဲ့သည်။ ဖြေးဖြေးချင်းပွင့်ဟလာသော မျက်လုံးအိမ်တို့သည် သားငယ်ကိုမြင်လိုက်ရ၍ ပျော်ရွှင်ခြင်းအသွင်ဆောင်နေသော်လည်း ဝမ်းနည်းခြင်းအသွင်လည်းဆောင်နေပြန်သည်။ ဇွတ်တရွတ်ဆန်သော အမျိုးသမီးပီသစွာ ကောက်ခါငင်ခါ ထလိုက်တော့ ခန္ဓာကိုယ်က မျက်ခနဲနာကျင်သွားရသည်။

" ဖြေးဖြေး Mom "

Baz Momနောက်ကို ခေါင်းအုံးခံပေးပြီး ကုတင်ကိုမှီစေလိုက်သည်။

Behind the lust for a man(Complete)Where stories live. Discover now