RO ( ရို ) (Completed)

အပိုင်း(၂၆)

'ငါဝေမှူးပိုင်နဲ့ တွဲနေပြီ။ ဒီနေ့ပဲ တွဲလိုက်တာ'

Group chat ထဲသို့ပို့လာသည့်
လွှမ်းသုတ၏message ကြောင့် ရှန်ခွန်းနောင်
ပြုံးလိုက်မိကာcongratulations ဟု ပြန်ပို့လိုက်၏။

နန်းရတီနဲ့ထက်နှင်းဝေကတော့ လွှမ်းသုတရဲ့
Message ကို sad react
အပြိုင်ပေးလိုက်ကြသည်။

ထို့နောက် message နှစ်စောင်ကလည်း
ပြိုင်တူဝင်လာလေသည်။

Htet Hnin Wai :

' နောက်ဆုံးတော့ ငါတို့နှစ်ယောက်ပဲ
သောင်ပြင်မှာလွှတ်တဲ့ အပျိုကြီးမမတွေ
ဖြစ်ကုန်ပြီ'

Nan Yati :

' congratulations လို့ ငိုသံကြီးနဲ့ပြောလိုက်ပါတယ်။အတွဲများအားလုံး ချစ်နိုင်ကြပါစေ'

ရှန်ခွန်းနောင်နဲ့ လွှမ်းသုတက သူတို့ရဲ့ message တွေကို haha emoji တွေဖြင့်သာ
reply ပြန်လိုက်သည်။

လွှမ်းသုတ ဆီမှ voice message ဝင်လာသည်။

"နှလုံးသားရေး အကြံပေးအရာရှိဖြစ်တဲ့
မနန်းရတီလည်း fa ဘဝမှ မြန်မြန်ကျွတ်ပါစေ ဟဲဟဲ"

'ဟဲ့ ဘဲ အားကိုးနဲ့ အနိုင်ကျင့်မနေနဲ့'

'အင်းအင်း အားကိုးမရှိတဲ့သူကို
အနိုင်မကျင့်တော့ပါဘူး'

'မိုက်တာလား နင်.. ငါနဲ့ by one ချမလား ဟမ်'

Message နဲ့ပင် ရန်သတ်နေကြသော
နှစ်ယောက်ကြောင့် ရှန်ခွန်းနောင်နဲ့ ထက်နှင်းဝေမှာ
Haha sticker တွေသာ ပို့နေရတော့သည်။

ဝေမှူးပိုင်ကတော့ message တွေလိုက်ဖတ်နေရုံကလွဲပြီး ဘာမှဝင်ပြောခြင်းမရှိပေ။
Group chat ထဲရောက်ကတည်းက
ဘယ်တုန်းကမှလည်း ဝင်မပြော။

တစ်ခါတလေကျ ရှန်ခွန်းနောင်
စပ်စပ်စုစုဖြင့် သိချင်မိပါသည်။
ဝေမှူးပိုင်က လွှမ်းသုတကို
ဘယ်လိုမျိုးလိုက်ခဲ့တာလဲ..။

"သားတို့ excursion ဘယ်နေ့ထွက်မှာလဲ..."

ရှန်ခွန်းနောင်ထမင်းစားခန်းထဲတွင် မနက်စာ
ထိုင်စားနေခိုက် အပြင်သွားရန်အသင့်ပြင်ထားဟန်
ရှိသည့်မေမေက အပေါ်ထပ်ကနေ ဆင်းလာကာ
ထမင်းစားခန်းထဲသို့ ဝင်လာပြီး မေးလာ၏။