Uni
"ကို သူရ"
"ဟုတ်ကဲ့ Boss "
"ဒါပြီးရင် ဘာလုပ်ဖို့ရှိသေးလဲ"
"မရှိတော့ပါဘူး boss "
"ဒါဆို အလုပ်ဆင်းပြီနော် "
ဒီနေ့ Boss မျက်နှာ ပြုံးရွှင်နေသည်။ သူ့ ချစ်သူ နဲ့ ဝေးပြီး ပထမဆုံး Boss ပျော်နေတာ မြင်ဖူးတာပဲ။ ခေတ် ထွက်သွားတာ ၂နှစ်ကျော် အတွင်း သူ့ Boss စိတ်ပျော်နေတာ ဒီတခါပဲတွေ့ဘူးတာ ။ အရင်နေ့တွေကဆို မျက်နှာက မာထန်ပြီး အလုပ်ပြီး အလုပ်ပဲ ။ ထမင်းတောင် ကျွေးမှစားတာ ။ သံပတ်ပေးထားတဲ့စက်ရုပ်လိုပဲ အလုပ် လုပ်နေတာ ။ ဒီနေ့တော့ မနက် meeting မှာ ကတည်းက ပြုံးနေတာ ။ လူစားလဲခံထားရတဲ့ လူလိုပဲ။ ဘာတွေပျော်စရာရှိပါလိမ့် ။ ဒီလို ပျော်နေတော့လည်းစိတ်ချမ်းသာ စရာ ကောင်းလှသည်။ Boss က အသက် ငယ်ငယ်ရွယ်ရွယ် နဲ့ အသစ်တစ်ယောက် မရှာပဲနေတာလည်း အံသြမိသည်။ တကယ်ဆို သူ့ကို လိုချင်တဲ့ သူတွေဝိုင်းဝိုင်းလည်။ သားမက်တော်ချင်တဲ့ သူတွေဆိုလည်းပေါမှပေါ။ Boss က အလုပ်နဲ့ အိမ်ထောင်ပြုထားသလားအောင်းမေ့ရတယ် အလုပ်မှအလုပ် ။ အလုပ်ထဲခေါင်းစိုက်ထားတာက အဆိုးဆုံးပဲ ။ သူမနားတော့ ကို သူရလည်း မနားရ ။ အခု သူ့ လက်ထောက် အောင်မြင်သူ က အားကိုးရလို့တော်သေးတယ်။ သူ့Boss လုပ်သလောက်သာ လိုက်လုပ်ရရင် အရိုးတောင်ကျန်မှာမဟုတ်။ ပြုံးရွှင်ပြီးအခန်းထဲက ထွက်သွားတဲ့ သူ့ Boss ကို ကြည့်ပြီး
"ဒီနေ့တော့ အိမ်ကို အစော ပြန်ရမယ့်
နေ့ပဲ "
စိတ်ထဲမှာ ကြိတ်ပြီး ပြုံးလိုက်မိတော့သည်။
ရွှေဘုန်း ကားပေါ်က ဆင်းပြီး ဧည့်ခန်းထဲဝင်တော့ ဒယ်ဒီနဲ့ မာမီက ဧည့်ခန်းမှာ ထိုင်ပြီး စကားပြောနေကြသည်။
"ဟော သားငယ်လေး
ဒီနေ့အစောကြီးပဲပြန်လာတာ "
"ဟုတ်တယ်မာမီ "
မာမီနဲ့ ဒယ်ဒီ နားလေး ကပ်ထိုင် လိုက်ပြီးတော့ စကားပြောရန် ကြံလိုက်သည်။
"သားငယ်လေး ဘာပျော်စရာ ရှိလာတာလည်း မျက်နှာက ပြုံးနေတာပဲ "
YOU ARE READING
Forever Together (Completed)
Romanceအရာအားလုံးက ပြောင်းလဲနေတဲ့ နိယာမ တစ်ခုကို ကျနော် လက်ခံတယ် ဒါပေမယ့် မင်းကိုချစ်ခဲ့ပါတယ်ဆိုတဲ့ အချက်ကတော့ သံသရာ အဆက်ဆက်မပြောင်းလဲဘူးဆိုတာ ယုံ❤ တခေတ်ဆန်းသစ် မင်း နဲ့စတွေ့ ပြီးကတည်း ထာဝရ အတူတူ လက်တွဲထားချင်တာမျိုး ❤ ရွှေဘုန်းတန်ခိုး
