قصص عراقية:
ﺍﻟﺒﺎﺭﺕ ﺍﻟﺨﺎﻣﺲ ﻭ ﺍﻟﻌﺸﺮﻳﻦ
ﺭﻭﺍﻳﺔ .. ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ ..
💔💔💔💔💔💔💔💔💔
ﺑﺎﻋﻮﻙ ﺻﻔﻘﺔ ﺧﺸﺐ
ﻭﺍﺣﺪ ﻳﺮﻳﺪﻙ ﺩﺭﺝ
ﻭ ﻭﺍﺣﺪ ﻳﺮﻳﺪﻙ ﺟﺴﺮ
ﻭﺛﻨﻴﻨﻬﻢ ﺗﻨﺪﺍﺱ 💔💔
ﺍﻳﻬﺎﺏ ﺍﻟﻤﺎﻟﻜﻲ ...
..................................
ﻭﻗﻔﺔ ﺣﺪﺍﺩ ... ﻧﻌﺒﺮ ﻋﻦ ﺑﺎﻟﻎ ﺣﺰﻧﻨﺎ، ﻭﺃﺳﻔﻨﺎ ﻟﻤﺼﺎﺑﻨﺎ ﺍﻷﻟﻴﻢ ﺑﻮﻓﺎﺓ ﻓﻘﻴﺪﺗﻨﺎ ﺍﻟﻐﺎﻟﻴﻪ ﺍﻟﻜﺘﺎﺑﻪ ... ﺍﻡ ﻏﺎﻳﺐ ﺍﻻﺀ ﺍﺣﻤﺪ ﺗﻐﻤﺪ ﺍﻟﻠﻪ ﺍﻟﻔﻘﻴﺪﻩ ﺑﻮﺍﺳﻊ ﺭﺣﻤﺘﻪ . ﻭﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ 💔...
.................................
ﺣﻄﺖ ﺍﻳﺪﻫﺎ ﻋﻠﺊ ﺧﺪﻱ ﺑﺤﻨﺎﻥ ﻫﻤﺴﺖ ﻭﻫﻲ ﺗﺤﺮﻙ ﺑﺸﻌﺮﻱ ... ﻳﻤﻤﻤﻪ ﺟﻮﻟﻴﻴﺖ ﺍﻧﺘﻲ ﺑﺨﻴﻴﺮ
ﻓﺰﻳﺖ ﻣﻦ ﻧﻮﻣﺘﻲ ﺑﻠﻬﻔﻪ ﻭﺣﻀﻨﺘﻬﺎ ﻭﺍﻧﻲ ﺍﺑﻮﺱ ﺑﻜﺘﻔﻬﺎ ﻭﺑﻔﻮﻃﺘﻬﺎ ﻟﻜﻠﻬﺎ ﺣﻨﺎﻥ ... ﺍﻳﻴﻲ ﺍﻧﻲ،ﺑﺨﻴﺮ ﻳﻤﻪ ﺍﻧﻲ ﺑﺨﻴﺮ ﻣﻦ ﺷﻔﺘﺞ ﺻﺮﺕ ﺑﺨﻴﺮ ...
ﻣﺴﺤﺖ ﺑﻴﺪﻫﺎ ﻋﻠﺊ ﻭﺟﻬﻲ ﻭﺑﻠﻌﺖ ﺭﻳﻜﻬﺎ ﻣﺜﻞ ﺍﻟﻌﻠﻘﻢ ... ﻟﻴﺶ ﻫﻴﺞ ﻭﺟﻬﺞ ﻳﻤﻪ ﺟﻮﻟﻴﻪ ﻣﻨﻮ ﺿﺎﺭﺑﺞ ﻫﻮﻭ ..
ﺷﻬﻜﺖ ﺑﺒﻜﺎﺀ ... ﺍﻱ ﻳﻤﻤﻤﻪ ﻋﺬﺑﻨﻲ ﺟﺮﺣﻨﻲ ﺍﺧﺬ ﺍﻃﻔﺎﻟﻲ ﻳﺘﻤﻨﻲ ﻣﻨﺞ ﻭﻣﻦ ﺍﻃﻔﺎﻟﻲ ﺫﺑﺤﻨﻲ ﺑﻴﺪﻩ ﻳﻤﻪ ..
ﺭﻣﺸﺖ ﺑﻌﻴﻮﻧﻬﺎ ﺍﻟﺪﺍﻣﻌﻪ ﻭﺑﺎﺳﺘﻨﻲ،ﺑﺨﺪﻱ ... ﻳﻬﻮﻭﻥ ﻳﻤﻪ ﻳﻬﻮﻥ ﺍﻟﺮﺍﺣﻮﺍ ﻣﻮ ﺷﻮﻳﻪ
ﻓﺰﻳﺖ ﻣﻦ ﺣﻠﻤﻲ ﻣﺮﻋﻮﻭﻭﺑﻪ ﺭﻏﻢ ﺍﻟﺤﻠﻢ ﺣﻠﻮ ﻭﺷﻔﺖ ﺍﻣﻲ،ﺑﻲ ﺑﺲ ﻟﻴﺶ ﺩﺍﺧﻠﻲ ﻣﻘﺒﻮﺽ ﻭﻛﻠﺒﻲ ﻳﻨﺒﺾ ﺑﺴﺮﻋﻪ ...
ﺍﺗﺬﻛﺮﺕ ﺍﻣﻲ ﺑﺎﻟﺤﻠﻢ ﺳﺄﻟﺘﻨﻲ ... ﺷﻠﻮﻧﺞ ﻳﻤﻪ ﺟﻮﻟﻲ ﻭﺍﻧﻲ ﺟﺎﻭﺑﺘﻪ ﺑﻜﺬﺏ ﻛﻠﺖ ... ﺑﺨﻴﻴﺮ
ﻭﻛﻔﺖ ﺍﻣﺸﻲ ﻣﺜﻞ ﺍﻟﻌﻤﻴﻪ ﻓﺘﺤﺖ ﺍﻟﻀﻮﺀ ﻫﻤﺴﺖ ... ﺍﻱ ﻳﻤﻪ ﺍﻧﻲ ﺑﺨﻴﺮ ﺿﺎﻣﻪ ﺑﻌﻴﻮﻧﻲ ﺣﺰﻥ ﻫﻮﻭﻭﺍﻱ .
ﺻﺪﮔﻴﻨﻲ ﻳﻤﻪ ﺍﻧﻲ ﺑﺨﻴﻴﺮ ... ﻳﻮﻣﻴﻪ ﻣﺨﺪﺗﻲ ﺗﺤﻀﻨﻲ ﻭﺗﺴﺘﻤﻊ ﺍﻻﻧﻴﻨﻲ ... ﻭﺗﻄﺒﻄﺐ ﻋﻠﻴﻪ ﻣﻨﺎ ﻟﻤﻦ ﺍﻧﺎﻡ ﻭﺍﻏﻔﻪ
ﺍﻱ ﻳﻤﻪ ﻭﺍﻟﻠﻪ ﺑﺨﻴﺮ ﺻﺮﺕ ﻫﺎﺩﺋﻪ ﻣﻮ ﺧﺒﻠﻪ ﻣﺜﻞ ﻣﺎ ﺟﻨﺘﻲ ﺩﻛﻮﻟﻴﻦ ... ﻛﺒﺮﺕ ﻳﻤﻪ ﺍﻟﻬﻢ ﻛﺒﺮﻧﻲ ﺻﺮﺕ ﻋﺠﻮﺯ ﺑﺎﻭﻝ ﺳﻨﻴﻨﻲ ...
ﮔﻠﺒﻲ ﻳﻮﺟﻌﻨﻲ ﺷﻮﻳﻪ ﻻ ﺗﺨﺎﻓﻴﻦ ﻣﺎﺑﻴﻪ ﺷﺊ ... ﺻﺮﺕ ﺑﺲ ﺍﺑﺘﺴﻢ ﺍﺑﺘﺴﺎﻣﻪ ﻛﺎﺫﺑﻪ ﻣﻮ ﻣﺜﻞ ﻗﺒﻞ ﻣﻦ ﺟﻨﺘﻲ ﺗﺮﺯﻟﻴﻨﻲ ﻋﻠﺊ ﺿﺤﻜﺘﻲ ﺍﻟﻤﺸﻬﻮﺭﻩ ﻭﺩﻛﻮﻟﻴﻦ ﺟﻮﻟﻲ ﻓﻀﺤﺘﻴﻨﻪ ...
ﻭﻛﻌﺖ ﻋﻠﺊ ﺍﻻﺭﺽ ﻭﺍﻧﻲ ﺍﺣﻀﻦ ﻧﻔﺴﻲ ﺑﻨﻔﺴﻲ ﻭﺟﻬﺸﺖ ﺑﺒﻜﺎﺀ ﻓﻀﻴﻊ ... ﻻ ﻳﻤﻪ ﺍﻧﻲ ﻭﺍﻟﻠﻪ ﭼﺬﺍﺑﻪ ﻣﻮ ﺑﺨﻴﺮ ﺍﺑﺒﺒﺪ ﻣﻮ ﺑﺨﻴﺮ ﻣﺤﺘﺎﺟﺘﻠﺞ ﺗﻄﻴﺒﻴﻦ ﺧﺎﻃﺮﻱ ﺗﺤﻀﻨﻴﻨﻲ ﺩﻛﻠﻴﻠﻲ ﺍﺑﺠﻲ ﻋﻠﺊ ﺻﺪﺭﻱ . .
ﻣﺤﺪ ﻣﺜﻠﺞ ﻳﻤﻪ ﻣﺤﺪ ﺍﻓﺘﻘﺪﻧﻲ ﻭﻛﺎﻝ ﻫﺎﻱ ﺍﻛﻠﺖ ﺷﺮﺑﺖ ﻭﻳﻦ ﺭﺍﺣﺖ ﺑﺲ ﺭﺿﻴﻪ ﺧﻠﻒ ﺍﻟﻠﻪ ﻋﻠﻴﻬﺎ ...
ﻭﻳﻨﺞ ﻳﻤﻪ ﺻﺎﺭ ﺗﻠﺚ ﺍﻳﺎﻡ ﺍﻟﺰﺍﺩ ﻣﺎ ﺩﺧﻞ ﺑﻄﻨﻲ ﻣﺠﺮﻭﺣﻪ ﻣﺤﺪ ﻃﻴﺐ ﺟﺮﺣﻲ ﻳﻤﻤﻤﻪ
ﻋﻀﻴﺖ ﺍﻳﺪﻱ ﺍﻣﻨﻊ ﺻﻮﺕ ﺑﻜﺎﺋﻲ ... ﻭﻟﺞ ﻳﻤﻤﻤﻪ ﺗﻌﺎﻟﻴﻠﻲ ﻭﻟﺞ ﺍﺧﺘﻨﻜﺖ ﺭﺍﺡ ﺍﻣﻮﻭﻭﻭﺕ
ﻧﻤﺖ ﻋﻠﺊ ﺍﻻﺭﺽ ﻭﺍﻧﻲ ﺍﺷﻬﻚ ﺳﺤﺒﺖ ﺗﺸﻴﺮﺕ ﻣﺮﺗﻀﺊ ﻟﻜﻴﺘﻪ ﻋﻠﺊ ﺍﻻﺭﺽ ﺍﻟﺒﺎﺭﺩﻩ ﺣﻀﻨﺘﻪ ﻋﻠﺊ ﺻﺪﺭﻱ ...
ﺿﻠﻤﺖ ﻧﻔﺴﻲ ﻫﻮﻭﻭﺍﻱ ﻭﺍﻧﻲ ﺍﺩﻭﺭ ﺳﻌﺎﺩﺗﻬﻢ ﺑﺲ ﻣﺎ ﺣﺼﺪﺕ ﻏﻴﺮ ﺍﻟﻮﺟﻊ ...
ﻣﺎ ﺍﺭﻳﺪﻫﻢ ﻳﻤﻪ ﺑﺲ ﺍﺭﻳﺪﺝ ﺍﻧﺘﻲ ﻭﺍﻃﻔﺎﻟﻲ ﻻ ﻳﻜﺴﺮ ﻇﻬﺮﻱ ﺑﻴﻬﻢ ...
ﻻﻭﻝ ﻣﺮﻩ ﺍﺑﺠﻲ ﻣﻘﻬﻮﺭﻩ ﻋﻠﺊ ﺍﻧﺴﺎﻧﻪ ﺿﺎﻋﺖ ﻣﻦ ﺯﻣﺎﻥ ﺍﺑﺠﻲ ﻋﻠﺊ ﺷﺨﺼﻴﺔ ﺗﺪﻣﺮﺕ ﻣﻦ ﺯﻣﺎﻥ ﺍﺑﺠﻲ ﻋﻠﺊ ﺟﻮﻟﻴﻴﺖ ﺷﺎﻳﻔﻴﻦ ﻭﺍﺣﺪ ﻳﺒﺠﻲ ﻋﻠﺊ ﻧﻔﺴﻪ ﺷﺎﻳﻔﻴﻦ ﻭﺍﺣﺪ ﻳﻨﻘﻬﺮ ﻭﺗﺜﻴﺮﺓ ﻋﺎﻃﻔﺘﻪ ﻋﻠﻰ ﻧﻔﺴﻪ ...
ﻭﺍﻟﻠﻪ ﺑﺠﻴﺖ ﻋﻠﺊ ﺭﻭﺣﻲ ﺑﺠﻴﺖ ﺣﺰﻳﻨﻪ ﻋﻠﺊ ﻧﻔﺴﻲ ﻣﻜﺴﻮﺭ ﺧﺎﻃﺮﻱ ﻋﻠﺊ ﺟﻮﻟﻴﻴﺖ ﺍﻟﻲ ﻫﻲ ﺍﻧﻴﻲ ...
ﻭﺻﻠﺖ ﻟﻬﻞ ﻣﺮﺣﻠﻪ ﺍﺑﺠﻲ ﻋﻠﺊ ﺍﻧﺴﺎﻧﻪ ﻭﻫﻲ ﺍﻧﻴﻴﻲ
ﻭﺻﻠﺖ ﻟﺤﺎﻟﺔ ﺍﻧﺘﻘﺎﻡ ﻣﻦ ﻧﻔﺴﻲ ﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﻣﻼﺑﺴﻲ ﻭﻃﻠﻌﺖ ﺛﻮﺏ ﺍﻟﻨﻮﻡ ﺍﻟﻲ ﺟﺎﺑﺘﻪ ﺻﺒﺮﻳﻪ ﺟﻤﻌﺘﻬﻦ ﻛﻠﻬﻦ ﺑﻌﻼﮔﻪ ﺳﺤﺒﺖ ﺍﻟﺒﻮﻡ ﺍﻟﺼﻮﺭ ﻣﺎﻟﺖ ﺍﻟﻌﺮﺱ ... ﻭﺩﺑﺪﻭﺏ ﻛﺒﻴﺮ ﻋﺒﺎﻟﻚ ﺑﺤﺠﻤﻲ
ﺟﺎﻧﺖ ﻣﻦ ﺑﻴﻦ ﺍﻟﺼﻮﺭ ﺻﻮﺭﻩ ﻛﺒﻴﺮﻩ ﺟﻨﺖ ﻛﺎﻋﺪﻩ ﺑﺤﻀﻨﻪ ﺑﻠﻘﻄﻪ ﺟﺮﻳﺌﻪ ﻭﻣﺮﻛﺰﻩ ﻟﻌﻴﻮﻧﻪ ﺑﺨﻮﻑ ﻭﺣﺘﺊ ﺑﻌﺮﺳﻲ ﺧﺎﻳﻔﻪ ﻣﻨﻪ ...
ﺍﺧﺎﻑ ﻣﻨﻪ ﺍﺧﺎﻑ ﻏﺮﺍﻡ ﺍﻻﺳﻴﺎﺩ ﻭﺍﺿﺢ ﻋﻠﺊ ﻣﻼﻣﺤﻲ ﻣﻜﺴﻮﺭﺓ ﺍﻟﻬﻮﺉ ﻭﺍﻧﻲ ﺑﺤﻀﺮﺓ ﺣﻀﻨﻪ ...
ﻃﻠﻌﺖ ﺑﺨﻄﻮﺍﺕ ﻳﺎﺋﺴﻪ ﺷﻔﺖ ﺍﻟﺒﻴﺖ ﻫﺪﻭﺀ ﺩﺧﻠﺖ ﻟﻠﻤﻄﺒﺦ ﺍﺧﺬﺕ ﺟﺪﺍﺣﻪ ﻭﻃﻠﻌﺖ ...
ﺍﺧﺬﺕ ﻛﻞ ﺍﻻﻏﺮﺍﺽ ﻭﺍﻟﺬﻛﺮﻳﺎﺕ ﻭﺍﻧﻲ ﻧﺎﻭﻳﻪ ﺍﻧﻬﻲ ﻛﻮﻭﻭﻟﺸﻲ ..
ﻣﺸﻴﺖ ﺣﺎﻓﻴﻪ ﺻﻌﺪﺕ ﺍﻟﺪﺭﺝ ﻭﺍﻧﻲ ﺗﻌﺒﺎﻧﻪ ﺑﻜﺪ ﺍﻟﺴﻤﺎﺀ .. ﻣﺮﻫﻘﻪ ﻣﺴﻠﻮﺑﺔ ﺍﻟﺤﺮﻳﺔ ...
ﺍﺗﻮﺳﻞ ﺑﺎﻟﺤﻴﺎﻃﻴﻴﻦ ﺍﺩﻭﺭ ﻋﻠﻴﻪ ... ﻫﻬﻪ ﺍﺩﻭﺭ ﻋﻠﻴﻪ ﻫﻮ ﻋﻨﻚ ﻳﺎ ﻛﺎﺳﺮ ﺍﻧﺖ
ﺍﺩﻭﺭ ﻋﻠﻴﻚ ﻭﺍﻧﻲ ﺧﺎﻳﻔﻪ ﻣﻨﻚ ﺍﺣﻠﻢ ﺑﻴﻚ ﻣﺜﻞ ﺣﻠﻢ ﻣﺴﺠﻮﻥ ﻭﻳﺪﻭﺭ ﺍﻟﺤﺮﻳﻪ ....
ﺷﻮﻛﺖ ﻳﺴﻤﺤﻠﻚ ﻏﺮﻭﺭﻙ ﻭﻛﺒﺮﻳﺎﺋﻚ ﺗﻨﻄﻖ ﻣﻦ ﺑﻴﻦ ﺷﻔﺎﻳﻔﻚ ﻛﻠﻤﻪ ﻣﺬﺑﻮﻭﻭﺣﻪ ﻭﺷﻮﻛﺖ ﺗﻘﺘﻞ ﻛﺒﺮﻳﺎﺋﻚ ﻭﺗﻄﻤﻨﻲ ﺑﻜﻠﻤﻪ ﻭﺩﻛﻮﻝ ﻭﻳﻦ ﺍﻃﻔﺎﻟﻲ ﻭﻳﻴﻦ؟
ﺣﻄﻴﺘﻬﻢ ﻭﻛﻌﺪﺕ ﺍﺑﺎﻭﻉ ﺍﻟﻬﻢ ﺑﻘﻬﺮ ﻫﻞ ﺫﻛﺮﻳﺎﺕ ﺗﺎﺳﺮﻧﻲ ﺗﻌﺬﺑﻨﻲ ﺗﺤﻄﻤﻨﻲ ...
ﺭﺟﻌﺖ ﺑﺬﻛﺮﻳﺎﺗﻲ ﺍﻟﻘﺪﻳﻤﻪ ﺟﻨﺖ ﻫﺴﻪ ﻣﺘﺰﻭﺟﻪ . .
ﻃﻠﻌﺖ ﻟﻠﻤﻄﺒﺦ ﺧﺠﻼﻧﻪ ﻣﻨﻬﻢ ﻭﻣﺴﺘﺤﻴﻪ ﻋﺰﻟﺖ ﺍﻟﻜﺎﻭﻧﺘﺮ ﻭﻧﻀﻔﺖ ﺍﻟﻤﻮﺍﻋﻴﻦ ﻏﺴﻠﺘﻬﻢ ...
ﺩﺧﻞ ﻋﻤﻮ ﺍﻟﺸﻴﺦ ﻣﻬﻴﻮﺏ ﺩﻳﺮﻳﺪ ﻳﻐﺴﻞ ﺍﺑﺘﺴﻢ ﺍﻟﻴﻪ ﺑﺤﻨﺎﻥ ﻛﺎﻝ . . ﻫﺎﺍﺍ ﺑﻮﻳﻪ ﺷﻠﻮﻧﺞ ﺍﻥ ﺷﺎﺀ ﺍﻟﻠﻪ ﻣﺮﺗﺎﺣﻪ ﻋﺪﻧﺎ
ﺍﺑﺘﺴﻤﺖ ﺑﺘﻮﺗﺮ . ﺍﻟﺤﻤﺪ ﻟﻠﻪ ﻋﻤﻮ ﻣﺮﺗﺎﺣﻪ
ﺿﺤﻚ ... ﺍﻥ ﺷﺎﺀ ﺍﻟﻠﻪ ﺩﻭﻡ ﻣﺮﺗﺎﺣﻪ ﺷﻠﻮﻧﻪ ﻭﻳﺎﺝ ﺍﺑﻮ ﻏﺰﻝ ﺧﻮ ﻣﺎ ﻣﺘﻌﺒﺞ
ﺿﺤﻜﺖ ﻭﻧﺰﻟﺖ ﺭﺍﺳﻲ .. ﻻ ﺍﻟﺤﻤﺪ ﻟﻠﻪ ﻭﺍﻟﻠﻪ ﺯﻳﻴﻦ
ﺩﺧﻞ ﺟﺎﺳﺮ ﻭﻫﻮ ﻳﺼﻴﺢ ... ﺟﻮﻟﻴﻴﺖ ﺍﺟﺖ ﺍﻣﺞ
ﺍﺑﻮ ﺑﺎﻭﻋﻠﻪ ﺑﻌﺘﺐ ﻛﺎﻝ . ﻭﻟﻚ ﺟﺎﺳﺮ ﻳﺎﻟﻈﺎﻟﻢ ﻭﻟﻚ ﻋﻨﺪﻙ ﻫﻴﺞ ﻭﺭﺩﻩ ﻭﻋﺎﻳﻔﻬﺎ ﻭﻣﻜﺎﺑﻠﻨﻲ ﻭﻛﺎﻋﺪ ﻭﺍﻟﻠﻪ ﺑﻌﺪ ﺍﺫﺍ ﻛﺎﺑﻠﺘﻨﻲ ﻭﻋﻔﺘﻬﺎ ﺍﻟﻪ ﺍﻃﺮﺩﻙ
ﺷﻌﺎﺟﺒﻚ ﻣﻨﻲ ﺷﻮﺭﺑﻲ ﺟﻨﻬﻦ ﻣﻜﻨﺎﺳﺔ ﺍﻟﺠﺎﻡ
ﺿﺤﻚ ﺟﺎﺳﺮ ﻭﻟﺰﻡ ﺍﻳﺪﻩ ﺑﺎﺳﻬﺎ ... ﻳﺎﺑﻪ ﻏﻴﺮ ﺍﻧﺖ ﺭﺣﻤﺔ ﻭﺭﻓﻌﺔ ﺭﺍﺱ ﻣﻦ ﺭﺏ ﺍﻟﻌﺎﻟﻤﻴﻦ ...
ﺳﺤﺐ ﺍﻳﺪﻩ ﺑﺴﺨﺮﻳﻪ ... ﺍﺳﻜﺖ ﻟﻚ ﻭﻟﻚ ﻫﻴﺞ ﻋﻨﺪﻙ ﻛﺘﻜﻮﺗﻪ ﻣﻠﻮﻭﻭﻧﻪ ﻭﺿﺎﻝ ﺻﺎﻓﻦ ﺷﺒﻴﻴﻚ ﺍﻋﻠﻤﻚ ﻟﻮ ﺷﻨﻮ ﻟﻴﺸﻮﻓﻚ ﻳﻜﻮﻝ ﺟﺪﻳﺪ ﻋﻠﺊ ﺍﻟﺸﻐﻠﻪ ﻣﺎ ﻣﺠﺮﺏ ﻗﺒﻞ ...
