31

8.8K 288 6
                                    

قصص عراقية:
ﺍﻟﺒﺎﺭﺕ 31
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔💔
ﺑﻌﺾ ﺍﻟﻜﻠﻤﺎﺕ ﺍﻥ ﺑﻘﻴﺖ ﺑﺪﺍﺧﻠﻨﺎ ﺗﻘﺘﻠﻨﺎ ... ﻭﺍﻥ ﺧﺮﺟﺖ ﻓﻨﺤﻦ ﺑﻴﻬﺎ ﻣﻘﺘﻮﻟﻮﻥ ...
ﻓﻼ ﺑﺎﻟﺼﻤﺖ ﺭﺍﺣﻪ ﻭﻻ ﺑﺎﻟﺒﻮﺡ ﺭﺍﺣﻪ 💔...
..........................................
ﺟﺎﺑﺮ ...
ﺧﺎﺑﺮﺗﻨﻲ ﺧﺎﻟﺘﻲ ﺻﺒﺮﻳﻪ ﻛﺎﻟﺖ ... ﺟﺎﺑﺮ ﺗﻜﺪﺭ ﺗﺠﻴﻨﻲ ﻟﺪﻳﺎﻟﺊ ﻋﻮﻳﻨﺎﺗﻲ ﻣﺎ ﺍﺩﺭﻱ ﺷﺒﻴﻬﻦ ﻣﺎ ﺍﺷﻮﻑ ﻭﺍﺭﻳﺪﻙ ﺗﺄﺧﺬﻧﻲ ﻟﻠﺪﻛﺘﻮﺭ ...
ﻃﺒﻌﺎ ﺍﻧﻲ ﻣﺎ ﺍﺭﻓﺾ ﺍﻟﻬﺎ ﻃﻠﺐ ﺍﻛﻮﻝ ﺧﻄﻴﻪ ﻣﺤﺪ ﺍﻟﻬﺎ ﻭﺗﻀﻞ ﺣﺮﻣﻪ ﻭﺟﺒﻴﺮﻩ ﻭﺧﺎﻟﺘﻲ ﺭﺩﻳﺖ ﻋﻠﻴﻬﺎ ﺑﺤﺰﻡ ... ﻋﺪ ﻋﻴﻨﺎﺝ ﺧﺎﻟﻪ ﺍﻥ ﺷﺎﺀ ﺍﻟﻠﻪ ﺍﻟﻌﺼﺮ ﺍﻧﻲ ﻳﻤﺞ ...
ﻛﺎﻟﺖ ... ﻻ ﺗﻌﺎﻝ ﻫﺴﻪ ﻏﺪﺍﻙ ﻋﻨﺪﻱ ﻭﻻ ﺩﻛﻮﻝ ﺩﻭﺍﻡ ﺍﻟﻴﻮﻡ ﺟﻤﻌﻪ ﺍﻧﻲ ﺟﺎﺍﺍ ﺍﺟﻴﺘﻜﻢ ﺑﺲ ﻛﻨﻮﺵ ﻳﺴﺘﺎﺣﺶ ﻭﻃﻠﻴﺎﺗﻲ ﻣﺤﺪ ﺍﻟﻬﻦ
ﺧﻠﻴﺖ ﻭﺭﺣﺖ ﺍﻟﻬﺎ ﺑﻌﺪ ﻣﺎ ﺧﺎﺑﺮﺕ ﺍﻫﻠﻲ ﻃﻤﻨﺘﻬﻢ ...
ﻣﺴﺎﻓﺔ ﺍﻟﻄﺮﻳﻖ ﻭﺻﻠﺖ ﻟﺪﻳﺎﻟﻲ ﺩﺧﻠﺖ ﺑﺸﺎﺭﻋﻬﻢ ﺷﻔﺖ ﺧﺎﻟﺘﻲ ﺻﺒﺮﻳﻪ ﻣﻦ ﺑﻌﻴﺪ ﺗﺤﺶ ﺑﺎﻟﺰﺭﻉ ﺍﺑﺘﺴﻤﺖ ﻋﻠﻴﻬﺎ ﺍﺗﺬﻛﺮﺕ ﺟﻮﻟﻴﻴﺖ ﻣﻦ ﺟﺒﺘﻬﺎ ﻫﻨﺎ ﻭﺗﻌﺎﺭﻛﺖ ﻫﻲ ﻭﺻﺒﺮﻳﻪ ﻭﺍﻧﻲ ﺑﻨﺼﻬﻦ ﻣﺤﺘﺎﺭ
ﻧﺰﻟﺖ ﻣﻦ ﺳﻴﺎﺭﺗﻲ ﻭﻫﻲ ﺑﺎﻭﻋﺘﻠﻲ ﻛﺎﻟﺖ ... ﻳﻤﻪ ﻫﻠﻪ ﺑﺠﻮﻳﺒﺮ ﺍﺑﻮ ﺍﻟﻤﺘﻌﻪ
ﺍﻧﺼﺪﻣﺖ ﻓﺘﺤﺖ ﻋﻴﻮﻧﻲ ﺑﺘﻔﺎﺟﺊ ... ﺷﻨﻮ ﺍﺑﻮ ﺍﻟﻤﺘﻌﻪ ؟
ﺿﺤﻜﺖ ... ﺗﻌﻠﻤﻨﻲ ﺑﺴﻮﺍﻟﻔﻚ ﺭﺣﺖ ﻻﻳﺮﺍﻥ ﻭﺷﻤﺮﺗﻨﻲ ﻳﻢ ﺍﻟﻐﮕﺎ ﻭﺧﻠﺼﺘﻬﺎ ﺗﺪﻭﺭ ﻣﺘﻌﻪ ﻭﻳﻪ ﺍﻣﻬﺎﺕ ﺍﻟﺜﻮﻡ
ﺗﺎﻓﺌﻔﺖ ﺑﻀﻴﻖ ... ﺻﺪﻙ ﺗﺤﺠﻴﻦ ﺧﺎﻟﻪ ﻭﺣﻖ ﺍﻟﺮﺿﺎ ﻟﻄﻔﺖ ﺑﺤﻀﺮﺗﻪ ﺍﻧﻲ ﻣﻮ ﻣﻦ ﻫﺬﺍ ﺍﻟﻨﻮﻉ ﻭﻻ ﻣﺪﻭﺭ ﺍﺻﻼ ﺗﻠﻌﺐ ﻧﻔﺴﻲ ﻣﻦ ﻫﺎﻱ ﺍﻟﺴﻮﺍﻟﻒ ...
ﺿﺮﺑﺘﻨﻲ ﺑﻘﻮﻩ ﻋﻠﺊ ﻛﺘﻔﻲ ... ﻫﻬﻬﻬﻬﻪ ﺩﻫﺮ ﻓﺮﻙ ﻛﻮﻭﻥ ﻭﻟﻚ ﺷﺒﻴﻚ ﺍﺗﻐﺸﻤﺮ ﻭﻳﺎﻙ ...
ﺗﻨﻔﺴﺖ ﺑﻀﻴﻒ ﻭﺍﺳﺘﻐﻔﺮﺕ ﺭﺑﻲ ﺑﻤﻠﻞ ... ﺧﺎﻟﻪ ﺍﻧﺘﻲ ﻣﻮ ﺩﻛﻮﻟﻴﻦ ﻣﺮﻳﻀﻪ ﺍﺷﻮ ﺍﺻﺤﻪ ﻣﻨﻲ ﺗﺠﺬﺑﻴﻦ ﻋﻠﻴﻪ ﻣﺜﻼ
ﺟﺮﺕ ﻧﻔﺲ ﻭﺗﻜﻠﻤﺖ ﺑﺠﺪﻳﻪ ... ﻓﻮﺕ ﺟﻮﻩ ﺧﻠﻴﻨﻲ ﺍﺷﺮﺏ ﭼﻮﻱ ﻭﺍﻥ ﺷﺎﺀ ﺍﻟﻠﻪ ﻧﺤﺠﻲ ﺍﻟﺼﺎﺭ ...
ﺩﺧﻠﺖ ﺍﻟﺒﻴﺘﻬﺎ ﺍﻟﻤﺘﻬﺎﻟﻚ ﺗﺤﺐ ﻛﻞ ﻗﺪﻳﻢ ﻭﻃﻴﻦ ﻭﮔﺼﺐ ﻣﺘﺤﺐ ﺗﺠﺪﺩ ﺍﺑﺒﺪ
ﺷﺮﺑﺖ ﺟﺎﻱ ﻭﻣﻲ ﻭﻫﻲ ﻛﺎﻟﺖ ﺑﺘﻨﻬﻴﺪﻩ ﻃﻮﻭﻭﻳﻠﻪ ... ﺷﺮﺍﻳﻚ ﺑﺪﺍﻭﻭﺩ ﺍﺑﻮ ﺳﻠﻌﻮﻡ ﻣﻦ ﺧﻄﺐ ﻭﻗﺎﺭ ﺑﺖ ﻣﻬﻴﻮﺏ ﻋﻤﻚ؟
ﺭﺩﻳﺖ ﺑﺎﺳﺘﻐﺮﺍﺏ ... ﻫﻮ ﺻﺢ ﺍﺑﻦ ﺧﺎﻟﻲ ﺑﺲ ﻣﺎ ﻋﻨﺪﻱ ﻋﻼﻗﻪ ﻗﻮﻳﻪ ﺑﻲ ﻣﺠﺮﺩ ﻋﻼﻗﻪ ﺳﻄﺤﻴﻪ ... ﻟﻴﺶ ﺻﺎﻳﺮ ﺷﺊ؟
ﻫﺰﺕ ﺍﻳﺪﻫﺎ ﺑﻘﻬﺮ ... ﺧﺎﻳﺐ ﺻﺪﻙ ﻧﺎﻳﻢ ﻭﺭﺟﻠﻴﻪ ﺳﺎﻣﻄﺘﻬﺎ ﺍﻟﺸﻤﺲ ...
ﻭﻛﻒ ﺑﻌﺼﺒﻴﺔ ... ﺻﺒﺮﻳﻪ ﺗﺮﺉ ﺟﺰﻋﺖ ﺷﻜﻮﻭﻭ ؟
ﺑﻠﻌﺖ ﺭﻳﻜﻬﺎ ﻭﺟﺮﺕ ﻧﻔﺲ ﻃﻮﻭﻭﻳﻞ ﻛﺎﻟﺖ ... ﻫﺬﺍ ﺩﺍﻭﻭﺩ ﻋﺎﺭ ﻭﺣﺮﺍﻣﺎﺕ ﻳﺘﺰﻭﺝ ﻭﻗﺎﺭ ﺍﺭﻳﺪﺗﻚ ﺗﺨﺮﺏ ﺍﻟﺨﻄﺒﻪ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺏ ﻣﻦ ﻃﻠﺒﻬﺎ ﺍﻧﻲ ﻭﻗﺎﺭ ﺣﻴﻴﻞ ﺍﺣﺒﻬﺎ ﻭﺍﺣﺘﺮﻣﻬﺎ ﻫﻲ،ﺻﺪﻳﻘﺔ ﺍﺧﺘﻲ ﺭﻳﻬﺎﻡ ﻭﺍﺑﺪ ﻣﺎ ﺷﻔﺖ ﻣﻨﻬﺎ ﺗﺼﺮﻑ ﻣﻮ ﺣﻠﻮ ﻣﻦ ﻋﺮﻓﺖ ﺑﻴﻬﺎ ﻣﺨﻄﻮﺑﻪ ﻛﻠﺖ ﻣﺒﺮﻭﻙ ﺍﻟﻠﻪ ﻳﻬﻨﻴﻬﺎ ...
ﺑﺲ ﺍﺫﺍ ﺷﺊ ﻳﻤﺴﻬﺎ ﻭﻳﻤﺲ ﺳﻌﺎﺩﺗﻬﺎ ﺍﻛﻴﺪ ﺍﺧﻠﺼﻬﺎ ﻣﻦ ﻫﻞ ﺧﻄﻮﺑﻪ ﻟﻮ ﺍﻋﺮﻑ ﺍﺑﻴﻊ ﺭﻭﺣﻲ ﺑﺲ ﺍﺭﻳﺪ ﺳﺒﺐ ﻣﻘﻨﻊ ﺣﺘﺊ ﺍﺧﻄﻲ ﻫﻴﺞ ﺧﻄﻮﻩ ﻭﺍﺣﺘﻤﺎﻝ ﺍﻟﺒﻨﻴﻪ ﺗﻜﻮﻥ ﺗﺤﺐ ﺩﺍﻭﻭﺩ ﻟﻴﺶ ﺍﺿﻠﻤﻬﺎ؟
ﻧﻔﺨﺖ ﺑﻤﻠﻞ ... ﺍﺣﺠﻴﻠﻲ ﺷﻨﻮ ﺍﻟﺼﺎﺭ ﺑﺎﻟﻀﺒﻂ ﻻ ﺗﻀﻠﻴﻦ ﺗﻠﻮﻓﻴﻦ ﻭﺗﺪﻭﺭﻳﻦ ﻟﻴﺶ ﺗﻌﺘﺒﺮﻳﻦ ﺩﺍﻭﻭﺩ ﻋﺎﺭ
ﻃﻠﻌﺖ ﺟﻜﺎﺭﺗﻬﺎ ﻭﺿﻠﺖ ﺗﻨﻔﺦ ﺑﻴﻬﺎ ﺑﻐﻀﺐ ﻛﺎﻟﺖ ... ﺩﺍﻭﻭﺩ ﺍﻟﻌﺎﺭ ﻣﻦ ﺧﻄﺐ ﻭﻗﺎﺭ ﺍﻟﻪ ﻏﺎﻳﻪ ﻣﺮﻩ ﻣﻦ ﺍﻟﻤﺮﺍﺕ ﺍﺟﻪ ﻭﺷﺎﻑ ﺟﻜﻠﻴﻴﺘﻪ ﻋﻨﺪﻱ ﻭﻛﺘﻞ ﺭﻭﺣﻪ ﻋﻠﻴﻬﺎ ﻭﺿﻞ ﻳﺘﺮﺩﺩ ﻋﻠﻴﻪ ﺧﻔﺖ ﻣﻨﻪ ﻭﻣﺮﻩ ﺷﻔﺘﻪ ﻳﺮﻳﺪ ﻳﺘﺤﺮﺵ ﺑﻴﻬﺎ ﺭﻛﻌﺘﻪ ﺑﺮﺍﺳﻪ ﻭﻓﻠﺸﺘﻪ
ﻭﻫﻮ ﺗﺨﺒﻞ ﺷﻠﻮﻥ ﻫﻴﺞ ﺳﻮﻳﺖ ﻭﻣﻦ ﺣﺠﻴﺖ ﻭﻳﺎﻩ ﻻﻥ ﺧﻄﺐ ﻭﻗﺎﺭ ﻳﻜﻠﻲ ﺑﺲ ﺗﺤﺠﻴﻦ ﺍﻓﻀﺢ ﺟﻜﻠﻴﻴﺖ ﻭﺍﺫﺏ ﺗﻬﻤﻪ ﻋﻠﻴﻬﺎ
ﺣﺴﻴﺖ ﻓﻘﺪﺕ ﺃﻋﺼﺎﺑﻲ ... ﻻ ﻳﺎﺍﺍﺍ . ﻋﺎﺍﺍﺍﺍﺍﺭ ﻳﺎﻛﻠﺐ ﻭﺍﻟﻠﻪ ﺍﻟﻴﻮﻡ ﺍﻟﻪ ﺍﺩﻓﻨﻪ ﺑﺼﻒ ﺍﻟﺜﻮﺭ
ﻟﺰﻣﺘﻨﻲ ﻣﻦ ﻗﻤﻴﺼﻪ ﻭﺍﻧﻲ ﺍﺩﻓﻊ ﺑﻴﻬﺎ ﺑﺲ ﻫﻲ ﻗﻮﻭﻭﻳﻪ ﺩﻓﻌﺘﻬﺎ ﻭﺭﻛﻀﺖ ﻭﻫﻲ ﻃﻠﻌﺖ ﻭﺭﺍﻱ ﺗﺮﻛﺾ ﻣﺎ ﺣﺴﻴﺖ ﻏﻴﺮ ﺑﺼﻮﺕ ﻃﻠﻘﻪ ﻃﻠﻌﺖ ﻣﻦ ﻣﺴﺪﺳﻪ
ﻭﻛﻔﺖ ﻣﺼﺪﻭﻭﻡ ﺩﺭﺕ ﻭﺟﻬﻲ ﻋﻠﻴﻪ ﻭﺍﻧﻲ ﺍﺭﻣﺶ ﺑﻌﺪﻡ ﺍﺳﺘﻴﻌﺎﺏ ... ﺷﺶ ﺷﺒﻴﻴﺞ
ﻭﺟﻬﺖ ﺍﺳﻼﺣﻬﺎ ﻋﻠﻴﻪ ﻭﺻﺮﺧﺖ ﺑﻮﺟﻬﻲ ﺑﻌﺼﺒﻴﺔ ... ﺍﻭﻛﻒ ﻭﻟﻚ ﺑﺲ ﺗﺘﺤﺮﻙ ﺧﻄﻮﻩ ﻭﺣﺪﻩ ﺍﺑﻴﺖ ﺍﻟﺮﺻﺎﺻﻪ ﺑﺮﺍﺳﻚ
ﺑﺎﻭﻋﻠﺘﻬﺎ ﺑﺬﻫﻮﻭﻝ ﻣﺴﺘﻐﺮﺏ ﻣﻨﻬﺎ ﺗﻘﺪﻣﺖ ﻋﻠﻴﻪ ﺧﻄﻮﺍﺕ ﻭﻛﺎﻟﺖ ... ﺟﺎﺍﺍﺍ ﻳﺎ ﺟﺎﺑﺮ ﺭﺩﺗﻚ ﻋﻮﻭﻥ ﺗﻄﻠﻌﻠﻲ ﻓﺮﻋﻮﻭﻥ ﻭﻟﻚ ﺍﻟﺠﺎﻱ ﺗﺴﻮﻱ ﻏﻠﻂ ﺍﻧﻲ ﺑﺲ ﺍﺭﻳﺪ ﺍﻓﻬﻢ ﺷﻐﻠﻪ ﻭﺣﺪﻩ ﻛﻨﻮﺵ ﻟﻴﺶ ﺍﻓﻬﻢ ﻣﻨﻚ ﻭﺍﻧﺘﻢ ﻣﻄﺎﻳﻪ
ﻭﻟﻚ ﺍﺫﺍ ﺭﺣﺘﻠﻪ ﻭﺗﻌﺎﺭﻛﺘﻮﺍ ﻭﺻﺎﺭﺕ ﺍﻣﺎﻟﺦ ﻭﺑﻌﺪﻫﺎ ﺧﻠﻴﺘﻬﺎ ﻳﻔﺴﺦ ﺍﻟﺨﻄﺒﻪ ﻣﻦ ﺑﺖ ﻋﻤﻚ ﺍﻟﻮﺍﺩﻡ ﺭﺍﺡ ﺗﻨﺸﺪ ﻟﻴﺶ ﺟﺎﺑﺮ ﻛﺘﻞ ﺍﺑﻦ ﺧﺎﻟﻪ ﻭﻟﻴﺶ ﻓﺴﺨﻮﺍ ﺍﻟﺨﻄﺒﻪ
ﺍﺩﺭﻱ ﺑﻴﻚ ﺩﻣﻚ ﺣﻤﻪ ﻋﻠﺊ ﻋﺮﺿﻚ ﺑﺲ ﻻ ﺗﺰﻳﺪ ﺍﻟﺬﻳﻦ ﺑﻠﻪ ﻭﺧﻠﻴﻨﻪ ﻧﻌﺮﻑ ﺷﻠﻮﻥ ﻧﺤﻠﻬﺎ ﻭﻣﺎ ﻧﻀﺮﺭ ﻻ ﺟﻜﻠﻴﺘﻪ ﺍﻟﻤﺎﻳﻌﻪ ﻭﻻ ﻭﻗﻴﺮﻩ ﺍﻟﺤﻠﻮﻩ
ﺷﺊ ﺑﺪﺍﺧﻠﻲ ﻳﻐﻠﻲ ﻣﺎ ﻣﺴﺘﻮﻋﺐ ﻛﻼﻣﻬﺎ ﻭﻻ ﻣﻘﺘﻨﻊ ﺑﻲ ﺑﺲ ﻫﻲ ﻟﺰﻣﺘﻨﻲ ﺑﻤﺴﺪﺳﻪ ﺿﻠﺖ ﺗﺤﺠﻲ ﻭﺗﻘﻨﻊ ﺑﻴﻪ
ﻭﻛﺎﻟﺖ ... ﺟﻜﻠﻴﺘﻪ ﺍﺫﺍ ﺩﺭﻩ ﺍﻟﻜﺎﺳﺮ ﻫﻞ ﻧﺬﻝ ﺣﺎﻁ ﻋﻴﻨﻪ ﻋﻠﻴﻬﺎ ﺗﺼﻴﺮ ﻣﺼﺎﻳﺐ ﻭﻣﻮ ﺑﺲ ﺟﻜﻠﻴﺘﻪ ﻭﻗﻴﺮﻩ ﻫﻢ ﺧﻄﻴﻪ ﺗﺎﺧﺬ ﻭﺍﺣﺪ ﻋﺎﺭ ﻣﺜﻞ ﺩﺍﻭﻭﺩ
ﻭﺍﻧﺖ ﺍﺫﺍ ﺗﺮﻳﺪ ﺗﺮﺩ ﺍﻋﺘﺒﺎﺭﻙ ﻭﺍﻋﺘﺒﺎﺭ ﻋﺮﺿﻚ ﻻ ﺗﺨﻠﻲ ﻳﺤﻘﻖ ﻏﺎﻳﺘﻪ ﻭﺍﻧﻬﻲ ﻋﻠﺊ ﻭﻗﻴﺮﻩ ﻭﺍﺧﺬﻫﺎ ...
ﺣﺴﻴﺖ ﻧﻔﺴﻲ ﺑﺪﻭﺍﻣﻪ ... ﺍﺗﺰﻭﺝ ﻭﻗﺎﺭ ﺍﻧﻬﻲ ﻋﻠﻴﻬﺎ؟
ﺭﺩﺕ ﺑﺠﺰﻉ ﻭﻫﻲ ﺗﻐﻢ ﺑﺮﻭﺣﻬﺎ ... ﺧﻴﺒﻪ ﺍﻣﺪﺍﻧﻲ ﻭﺷﺒﻴﻬﺎ ﻭﻗﻴﺮﻩ ﺍﻧﺖ ﺍﺣﻠﻪ ﻣﻨﻬﺎ ﻋﺸﺘﻮﻭﻭ ﻭﻟﻚ ﺷﻮ ﺷﺤﻼﺗﻬﺎ ﺑﺲ ﺍﻧﺘﻢ ﻭﻳﻦ ﺍﻟﺰﻟﻢ ﺗﺤﺒﻮﻥ ﺍﻟﻜﺢ ... ﻣﺜﻞ ﺣﺴﻨﻪ ﺍﻡ ﺍﻟﻮﺳﺦ ﺷﺒﻴﻬﺎ ﺑﺎﻟﻠﻪ ﻭﻗﻴﺮﻩ ﻭﻣﺎ ﺗﺮﻳﺪﻫﺎ ﻟﻮ ﻋﻘﻞ ﻛﻨﻮﺵ ﺗﻤﺪﺩ ﺑﺮﺍﺳﻚ؟
ﻭﻋﻠﻲ ﺍﺑﻮ ﺍﻟﺤﺴﻦ ﻫﺴﻪ ﻣﻦ ﻛﻮﻥ ﺍﺧﺬﻙ ﻟﻠﺪﻛﺘﻮﺭ ﻭﺍﺳﻮﻳﻠﻚ ﻣﺦ ﺭﺍﺱ .. ‏« ﻣﻔﺮﺍﺱ ‏» ﺍﻟﻜﻪ ﻣﺨﻚ ﺑﻲ ﻣﺦ ﻣﻄﻲ ﻣﺴﻮﺩﻥ
ﻫﺰﻳﺖ ﺭﺍﺳﻲ ﺑﺎﺳﺊ ... ﻣﻮ ﻫﻴﻴﺞ ﺑﺲ ﻣﺎ ﻣﺴﺘﻮﻋﺐ ﺍﻧﻄﻴﻨﻲ ﻣﺠﺎﻝ ﺷﻮﻳﻪ ﺍﻛﻠﺘﻴﻨﻲ ﺣﺎﺻﻞ ﻓﺎﺻﻞ ﺑﺎﻟﻌﻪ ﻣﺬﻳﻊ ﺗﺨﺮﻃﻴﻦ ﺧﺮﻁ

جوليت واسرارهاحيث تعيش القصص. اكتشف الآن