43

8.1K 237 4
                                    

قصص عراقية:
ﺍﻟﺒﺎﺭﺕ 43
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔
ﺍﻵﻥ ـ ﻳﻜﺘﻤـــﻞ ﺳﻴﻨﺎﺭﻳﻮ ﺣﺰﻧــــﻲ .. ﻓـ ﻳﺘﺄﻟﻒ ﻣﺴﻠﺴﻞ ﻍ ـﺮﻳﺐ ﺑﻄﻠﺘﻪ ﺃﻧﺂ 💔
ﺗﻨﺒﻴﺔ ... ﺭﺟﺎﺀﺍ ﺑﻨﺎﺕ ﺭﺍﻋﻮﺍ ﺷﻌﻮﺭ ﺟﻮﻟﻴﻴﺖ ﺑﻬﺬﺍ ﺍﻟﺒﺎﺭﺕ ﻣﻬﻤﺎ ﻳﻜﻮﻥ ﺣﺎﺯﻡ ﺗﺮﺉ ﻫﻮ ﺍﺧﻮﻫﺎ ﺍﻟﺪﻡ ﻳﺤﻦ ﻫﻲ ﺗﺘﻘﺒﻞ ﻛﻮﻭﻟﺸﻲ ﺑﺲ ﻣﺎ ﻗﺒﻠﺖ ﻭﺍﺣﺪ ﻳﻐﻠﻂ ﻋﻠﻴﻬﺎ ﺑﺘﺼﺮﻓﻬﺎ ﺑﻬﺬﺍ ﺍﻟﺒﺎﺭﺕ ... ﻭﺍﻛﻴﺪ ﺍﻟﻬﺎ ﺍﺣﺘﺮﺍﻣﻬﺎ ﻭﺧﺼﻮﺻﻴﺘﻬﺎ ...
ﺍﻗﺘﻀﺊ ﺍﻟﺘﻨﻮﻳﺔ 😘😘😘...
..................................
ﺍﻧﺘﺰﻋﺖ ﺷﻈﺎﻳﺎ ﺭﻭﺣﻲ ﺑﺎﻭﻝ ﻛﻠﻤﻪ ﻣﻦ ﻫﺎﻟﻪ ﺍﺧﻔﻴﺖ ﺷﻬﮕﻪ ﻭﻏﺼﻪ ﻃﻠﻌﺖ ﻣﻦ ﺭﻭﺣﻲ
ﺗﺮﻛﺘﻨﻲ ﻭﻣﺸﺖ ﺧﻄﻮﺍﺕ ﺑﺴﻴﻄﻪ ﻫﻤﺴﺖ ﺑﺎﻟﻢ ﻣﺨﻔﻲ ... ﺣﺮﺍﻡ ﻋﻠﻴﺞ ﻟﻴﺶ ﺗﻜﺴﺮﻳﻦ ﺑﻴﻪ ﻭﺗﻌﺬﺑﻴﻨﻲ ﺍﺩﺭﻱ ﺑﻴﺞ ﺟﺬﺍﺑﻪ ﻭﺣﺎﺯﻡ ﻣﻮ ﻋﻨﺪ ﺟﺎﺳﺮ
ﺣﺮﻛﺖ ﺷﻌﺮﻫﺎ ﺑﻐﺮﻭﺭ ﻭﺭﺩﻳﺖ ﻣﻦ ﺑﻴﻦ ﺳﻤﻮﻡ ﺃﻻﻓﺎﻋﻲ ﻛﻴﻔﺞ ﻻ ﺗﺼﺪﻛﻴﻦ
ﻧﻄﻘﺖ ﺍﺧﺮ ﻛﻠﻤﺘﻴﻦ ﻭﺭﺍﺣﺖ ... ﺍﻣﺎ ﺍﻧﻲ ﺟﻨﺖ ﺑﺤﺎﻟﺔ ﺫﻫﻮﻝ ﻭﺻﺪﻣﻪ ﻭﻋﺪﻡ ﺗﺼﺪﻳﻖ
ﺗﻮﺟﻬﺖ ﺍﻟﻐﺮﻓﺘﻲ ﺑﺨﻄﻮﺍﺕ ﻣﻠﻴﺎﻧﻪ ﻏﻀﺐ ﻗﻔﻠﺖ ﺍﻟﺒﺎﺏ ﺑﻘﻮﻭﻩ ﻛﺒﻴﺮﻩ ﺑﺤﻴﺚ ﺻﻮﺗﻪ ﺻﺪﻉ ﺑﺪﺍﺧﻞ ﺍﻟﻐﺮﻓﺔ ﺍﻟﻬﺎﺩﺋﻪ ...
ﺗﺠﻤﻌﺖ ﺍﻟﺪﻣﻮﻉ ﺍﻟﺤﺎﺭﻩ ﺑﻌﻴﻮﻧﻲ ﻭﺍﺟﻬﺸﺖ ﺑﺎﻟﺒﻜﺎﺀ ﺑﺼﻮﺕ ﺧﺎﺍﻓﺖ ...
ﻫﻤﺴﺖ ﺑﻌﺬﺍﺏ ﻭﻋﺒﺮﻩ ... ﻭﻳﻴﻨﺞ ﻳﻤﻤﻪ ﺍﻛﻴﺪ ﻣﺘﻌﺬﺑﻪ ﻭﺗﺒﺠﻴﻦ ﺩﻡ ﻋﻠﻴﻪ ﻭﻋﻠﺊ ﺣﺎﺯﻡ ...
ﺍﺧﻮﻳﻪ ﺣﺎﺯﻡ ﺳﻮﺩﻩ ﻋﻠﻴﻪ ﺍﻛﻴﺪ ﺿﺮﺑﻚ ﻭﺍﺫﺍﻙ ﻫﻞ
ﺍﻟﻜﺎﺳﺮ ...
ﺷﻬﻜﺖ ﺑﺮﻋﺐ ... ﻣﺎ ﺍﺭﻳﺪﻩ ﺍﺭﺟﻌﻠﻲ ﻳﺎﺍﺍﺑﻪ ﺍﺧﺬﻧﻲ ﻭﻳﺎﻙ ﻭﺧﻠﺼﻨﻲ ﻣﻦ ﻫﻞ ﻭﺣﺶ ﻻ ﺗﺨﻠﻴﻨﻲ ﻭﻳﺎﻩ ﺿﺎﻗﺖ ﺍﻟﺪﻧﻴﺎ ﺑﻴﻪ ﻭﺍﻟﻠﻪ ﻳﺎﺑﻪ
ﺍﺣﺲ ﻧﻔﺴﻲ ﻓﺎﻗﺖ ﻣﻦ ﺍﻟﺼﺒﺮ ﻭﻣﺎ ﺑﺎﻗﻴﻠﻲ ﺑﺲ ﻋﺪﺓ ﺍﻳﺎﻡ ﺍﺣﺲ ﺭﻭﺣﻲ ﺣﺘﻔﺎﺭﻙ ﻫﻞ ﺟﺴﺪ ﺍﻟﻤﺘﻌﻮﻭﺏ
ﻳﺎﺑﻪ ﺍﻟﺪﻧﻴﺎ ﺗﻀﺮﺏ ﺑﻴﻪ ﻣﻦ ﻛﻞ ﺻﻮﻭﺏ ﻭﺍﻷﻣﺎﻛﻦ ﺻﺎﺭﺕ ﺑﻌﻴﻨﻲ ﺿﻴﮕﻪ .. ﻭﻳﻦ ﺍﻟﻔﺮﺡ ﻋﻨﻲ ﻳﺎﺑﻪ
ﻳﺎﺑﻪ ﺍﻟﺤﺰﻥ ﺍﺣﺘﻀﻨﻲ ﻣﻦ ﻳﻮﻡ ﺍﻟﻲ ﺗﺨﻠﻴﺖ ﺑﻲ ﻋﻨﻚ ﺣﻀﻨﻚ ﻭﺍﻟﺘﺠﺌﺖ ﺍﻟﺤﻀﻦ ﺍﻟﻜﺎﺳﺮ
ﻳﺎﺑﻪ ﺍﻟﺪﻧﻴﺎ ﺗﻜﺴﺮﺕ ﺑﻌﻴﻨﻲ ﻭﻛﻞ ﺷﺊ ﻳﻨﺴﻤﻊ ﺍﻟﻪ ﺻﻮﺕ ﻭﻳﺘﺼﻠﺢ ﺍﻟﻪ ﮔﻠﺒﻲ ﺍﻧﻜﺴﺮ ﻭﻣﺤﺪ ﺳﻤﻌﻪ ﻭﺣﺲ ﺑﺎﻧﻴﻨﻪ ﻏﻴﺮﻱ ...
ﺻﺪﻙ ﻳﺎﺑﻪ ﺣﺎﺯﻡ ﻋﻨﺪﻩ؟ﻛﻞ ﻣﺎ ﺍﺭﻳﺪ ﺗﺘﺼﻠﺢ ﻫﻞ ﻓﺠﻮﻩ ﺍﻟﻲ ﺑﻴﻨﻲ ﻭﺑﻴﻨﻪ ﺍﻃﻠﻊ ﻏﻠﻄﺎﻧﻪ ﻭﺍﺗﻴﻘﻦ ﻫﻞ ﻓﺠﻮﻩ ﻣﺎ ﺍﻟﻬﺎ ﺣﻞ ﻏﻴﺮ ﺍﻟﻔﺮﺍﮒ
ﺷﻠﻮﻭﻥ ﺑﻴﻪ ﺷﻠﻮﻭﻭﻥ ﻣﺎ ﺍﺭﻳﺪﻩ ﻳﻘﺘﻞ ﺣﺎﺯﻡ ﻭﻳﻜﻮﻥ ﻣﺠﺮﻡ ﻣﺜﻞ ﻋﺎﺻﻢ ﻻﺍﺍ ﻳﺎﺭﺑﻲ ﻻﺍﺍﺍﺍ ...
ﻭﻛﻔﺖ ﻭﺍﻧﻲ ﺍﻓﺘﺮ ﺑﺎﻟﻐﺮﻓﻪ ﻭﺍﻓﺮﻙ ﺑﺎﺻﺎﺑﻌﻲ ... ﺍﺧﺎﻑ ﻫﺎﻟﻪ ﺟﺬﺍﺑﻪ ﻳﻤﻜﻦ ﺗﺠﺬﺏ ﻋﻠﻴﻪ ﻻﻥ ﺗﻜﺮﻫﻨﻲ ﻳﻤﻜﻦ ﺗﺮﻳﺪ ﺗﻐﺜﻨﻲ ...
ﺑﻠﻌﺖ ﺭﻳﻜﻲ ﺑﻐﺼﻪ ... ﻻ ﻣﺴﺘﺤﻴﻞ ﺻﺢ ﺗﻜﺮﻫﻨﻲ ﺑﺲ ﻣﺴﺘﺤﻴﻴﻞ ﺗﺘﻬﻢ ﺟﺎﺳﺮ ﺑﺎﻃﻞ ﻭﻫﻲ ﺗﻌﺮﻑ ﺟﺎﺳﺮ ﺷﻨﻮﻭ
ﺯﻳﻦ ﺍﺫﺍ ﺣﺎﺯﻡ ﻋﻨﺪﻩ ﻓﺄﻛﻴﺪ ﻫﻲ ﺍﻟﻲ ﺧﺒﺮﺕ ﻋﻦ ﺣﺎﺯﻡ ﻭﻟﺰﻣﻪ ﺟﺎﺍﺍﺳﺮ ...
ﺗﻜﻠﻤﺖ ﻭﻫﻲ ﻧﻔﺴﻲ ﻭﺍﻧﻲ ﺍﻃﻤﻨﻬﺎ ... ﺍﻫﺪﻱ ﺟﻮﻟﻴﻴﺖ ﻣﻮ ﻫﻴﻴﺞ ﺣﺘﺨﺴﺮﻳﻦ ﺍﻻﻭﻝ ﻭﺍﻟﺘﺎﻟﻲ ﻭﺗﺨﻠﻴﻦ ﺟﺎﺳﺮ ﻳﺘﻬﻮﺭ ﺣﺎﻭﻟﻲ ﺗﻜﻮﻧﻴﻦ ﻃﺒﻴﻌﻴﺔ ...
ﻃﻠﻌﺖ ﺑﺮﻩ ﺑﻌﺪ ﻣﺎ ﺣﺎﻭﻟﺖ ﻭﻳﻪ ﻧﻔﺴﻲ ﻫﻮﻭﺍﻳﻪ ﻟﻜﻴﺘﻬﻢ ﺑﻌﺪﻫﻢ ﻣﻠﺘﻬﻴﻴﻦ ﺑﺎﻟﻌﺮﺱ ﻭﺻﺒﺮﻳﻪ ﺷﺎﻓﺖ ﺟﺎﺳﺮ ﺩﺧﻞ ﻭﻫﻲ ﺗﻬﻮﻭﺱ ... ﻫﻞ ﮔﻀﺖ ﻭﺍﻟﻠﻪ ﮔﻀﺎﻫﺎ ﻭﻋﻨﺪ ﺍﺑﻮ ﺭﺿﻴﻮﻱ ﻋﺸﺎﻫﺎ ...
ﻫﻮ ﺍﺑﺘﺴﻢ ﻭﺷﺎﻝ ﺭﺿﺎﻭﻱ ﻭﺑﺎﺳﻪ ﺑﻌﺪﻫﺎ ﺑﺎﻭﻋﻠﻲ ﺑﻨﻈﺮﻩ ﺯﻟﺰﻟﺖ ﻛﻞ ﻛﻴﺎﻧﻲ ﻭﻫﺒﻄﺘﻨﻲ ﺭﻏﻢ ﻧﻈﺮﺗﻪ ﻋﺎﺩﻳﻪ ﺑﺲ ﻣﺠﺮﺩ ﻣﺎ ﺍﺗﺬﻛﺮﺕ ﺣﺎﺯﻡ ﻋﻨﺪﻩ ﺍﻧﺮﻋﺒﺖ ....
ﺷﻔﺖ ﻫﺎﻟﻪ ﻭﺍﻛﻔﻪ ﻭﻫﻲ ﻧﺎﺯﻋﻪ ﺣﺠﺎﺑﻬﺎ ﻭﺗﺼﻔﮓ ﻭﺗﺒﺘﺴﻢ ﺟﺮﻳﺖ ﻧﻔﺲ ﺣﺰﻳﻦ ... ﺷﻨﻮ ﺍﻟﻤﻜﺎﻓﺄﺓ ﺍﻟﻲ ﻳﻜﺎﻓﺌﻬﺎ ﺑﻴﻬﺎ ﺟﺎﺳﺮ ﺑﻌﺪ ﻣﺎ ﺳﻠﻤﺖ ﺣﺎﺯﻡ ﺍﺧﻮﻳﻪ ﻳﺘﺰﻭﺟﻬﺎ ﻟﻮ ﻳﻄﻠﻜﻨﻲ؟
ﺭﺩﻳﺖ ﻋﻠﺊ ﻧﻔﺴﻲ ﺑﻨﻬﺮ ﻭﻋﺼﺒﻴﺔ ... ﻳﻄﺒﻬﻢ ﻣﺮﺽ ﻳﺘﺰﻭﺟﻮﻥ ﻳﻮﻟﻮﻥ ﻣﻮ ﺫﺍﺕ ﺍﻫﻤﻴﻪ ﻭﻳﺎﺭﻳﺖ ﻳﻄﻠﻜﻨﻲ ﻭﺍﻟﻠﻪ ﺍﺧﻠﺺ ﻣﻨﻪ ...
ﺗﻘﺮﺑﺖ ﻣﻨﻲ ﻭﺣﺠﺖ ﺑﻬﻤﺲ ... ﺗﻘﺒﻠﻴﻦ ﺗﻌﻴﺸﻴﻦ ﻭﻳﺎﻩ ﺑﻌﺪ ﻣﺎ ﻳﻘﺘﻞ ﺍﺧﻮﻭﻭﺝ ﺣﺎﺯﻡ
ﺑﺎﻭﻋﺘﻠﻬﺎ ﺑﺤﺪﻩ ﻭﻣﺠﺎﻭﺑﺘﻬﺎ ...
ﺿﺤﻜﺖ ﺑﺎﺳﺘﻬﺰﺀ ... ﺍﻛﻴﺪ ﺗﻘﺒﻠﻴﻦ ﻳﺎﻟﻠﻪ ﺍﻥ ﺷﺎﺀ ﺍﻟﻠﻪ ﻧﺸﻮﻑ ﺍﻟﻨﻬﺎﻳﺔ ﺷﻨﻮ ...
ﺭﺩﻳﺖ ﻋﻠﻴﻬﺎ ﻣﻦ ﺑﻴﻦ ﺍﺳﻨﺎﻧﻲ ... ﺍﻥ ﺷﺎﺀ ﺍﻟﻠﻪ ﻧﺸﻮﻑ ﻧﻬﺎﻳﺘﺞ ﺑﻨﺎﺭ ﺟﻬﻨﻢ ﻳﺎ ﻛﻠﺒﻪ
ﻭﺍﻛﻴﺪ ﺍﻧﺘﻲ ﺍﻟﻲ ﺳﻠﻤﺘﻲ ﺣﺎﺯﻡ ﺍﻟﺠﺎﺳﺮ
ﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ ... ﺑﻠﻪ ﺍﺳﻜﺘﻲ ﻻ ﺗﺒﻠﻴﻨﻲ ﺍﻧﻲ ﺷﺪﺧﻠﻨﻲ ﻫﻮ ﺍﺟﺎﻧﻪ ﺍﺧﺬ ﻓﻠﻮﺱ ﻣﻦ ﺑﺎﺑﺎ ﻭﺧﺎﺑﺮ ﻋﺎﺻﻢ ﻛﺎﻝ ﻟﺤﺪ ﺍﻻﻥ ﻣﺎﻛﻮﻭ ﺣﺎﺯﻡ ﻭﺍﺗﺼﻞ ﻋﻠﻴﻪ ﻣﺎﻛﻮﻭ
ﻓﺎﻛﻴﺪ ﺯﻭﺟﺞ ﺍﻟﻤﺼﻮﻥ ﺧﻄﻔﻪ ﻫﺎﻱ ﺍﺫﺍ ﻣﻘﺘﻠﻪ
ﺍﺗﻤﻨﻴﺖ ﺍﺿﺮﺑﻬﺎ ﺭﺍﺷﺪﻱ ﺑﺲ ﻛﻠﺖ ﻻﺍ ﻣﺎ ﺍﺭﻳﺪ ﺍﻓﻀﺢ ﺷﺊ ﺧﻠﻴﻬﺎ ﻫﺴﻪ ...
ﻓﺾ ﺍﻟﻌﺮﺱ ﻭﺧﻠﺺ ...
ﻭﺍﻧﻲ ﻭﺭﻳﻬﺎﻡ ﻭﺭﺿﻴﻪ ﻭﺧﺎﻟﺘﻲ ﺍﻡ ﻓﻼﺡ ﻭﺍﺷﻮﺍﻕ ﻭ ﻭﻗﺎﺭ ﺿﻠﻴﻨﻪ ﻧﻨﻀﻒ ﻭﻧﺮﺗﺐ ﺑﺎﻟﺒﻴﺖ ﺑﺲ ﺍﻧﻲ ﺷﻌﻮﺭﻱ ﻃﺎﻳﺮ ﻭﻣﻮ ﺑﺲ ﻫﻴﻴﺞ ﻣﻦ ﻳﺴﺎﻟﻨﻲ ﻣﺎ ﺍﺟﺎﻭﺑﻪ ﻋﺒﺎﻟﻚ ﺑﻐﻴﺮ ﻋﺎﻟﻢ ...
ﻛﻤﻠﺖ ﺷﻐﻞ ﻭﻛﻌﺪﺕ ﺑﺎﻟﻐﺮﻓﺔ ﺍﻧﺪﻙ ﺍﻟﺒﺎﺏ ﻗﺒﻞ ﻻ ﺍﻛﻮﻝ ﻣﻨﻮ ﺳﻤﻌﺘﻪ ﻛﺎﻝ ... ﺟﻮﻟﻴﻴﺖ ﺗﻌﺎﻟﻲ ﺻﺒﻴﻠﻲ ﻋﺸﺎ ﺍﻧﻲ ﻭﺟﺎﺑﺮ ...
ﺧﻠﻴﺖ ﻭﻃﻠﻌﺖ ﺑﺎﻭﻋﺘﻠﻪ ﺑﻨﻈﺮﻩ ﺣﺎﺩﻩ ﺣﺘﺊ ﻫﻮ ﺍﺳﺘﻐﺮﺏ ﻣﻨﻬﺎ ﺑﺲ ﻣﺎ ﺣﺠﻪ
ﺣﻀﺮﺕ ﺍﻟﻌﺸﺎ ﻭﺍﺧﺬﺗﻪ ﺍﻧﻄﻴﺘﻪ ﺍﻟﻪ ﺍﺧﺬﻩ ﻣﻨﻲ ﻭﺍﻧﻲ ﺭﺣﺖ ﻭﺑﻌﺪﻫﺎ ﺭﺟﻌﺖ ﺍﺭﻳﺪ ﺍﺗﺄﻛﺪ ﻣﻦ ﺻﺤﺔ ﻛﻼﻡ ﻫﺎﻟﻪ
ﺿﻠﻴﺖ ﻭﺍﻛﻔﻪ ﻫﻮﻭﺍﻳﻪ ﻳﺤﺠﻮﻥ ﻛﻼﻡ ﻋﺎﺩﻱ ﺣﺘﺊ ﺿﻠﻴﺖ ﺍﺷﻚ ﻳﺠﻮﺯ ﻫﺎﻟﻪ ﺟﺬﺍﺑﻪ ﻭﺩﺍ ﺍﺭﻭﺡ
ﻟﻜﻦ ﺍﺳﺘﻮﻗﻔﻨﻲ ﻛﻼﻣﻪ ﻣﻦ ﻛﺎﻝ ... ﺭﺣﺖ ﺷﻔﺖ ﺣﺎﺯﻡ ﻟﻮ ﺍﻟﺘﻬﻴﺖ ﻣﺜﻠﻨﺎ
ﺟﺎﻧﺖ ﺻﺪﻣﻪ ﻗﺎﺳﻴﻪ ﻭﻛﺴﺮﺕ ﻛﻞ ﺍﺟﺰﺍﺋﻲ ﺑﻠﻌﺖ ﺭﻳﻜﻲ ﻣﺮﺍﺭﺍ ﻭﺗﻜﺮﺍﺭﺍ ﻭﮔﻠﺒﻲ ﺟﺎﻥ ﻳﺨﻔﻖ ﺑﻘﻮﻭﻭﻩ ﻫﺰﻳﺖ ﺭﺍﺳﻲ ﺑﻨﻔﻲ ... ﻻﺍﺍﺍ ﻳﺎﺭﺑﻲ ﻻﺍﺍﺍﺍ ﺷﻠﻮﻥ ﻣﻌﻨﺎﻫﺎ ﺻﺪﻙ ﺣﺎﺯﻡ ﻋﻨﺪﻩ
ﻟﻴﺶ ﻳﺎﺗﺨﺬﻩ ﻛﺒﺶ ﻓﺪﺍﺀ ﺷﻨﻮ ﺣﺎﻝ ﺍﻣﻲ ﻳﺎﺭﺑﻲ
ﺣﻄﻴﺖ ﺍﺫﺍﻧﻲ ﻋﻠﺊ ﺍﻟﺒﺎﺏ ﻭﺍﻧﻲ ﺍﺳﺘﻤﻊ ﺍﻟﺒﺎﻗﻲ ﻛﻼﻣﻪ ﻭﺍﻟﺪﻣﻮﻉ ﺗﻨﻬﻤﺮ ﻣﻦ ﻋﻴﻮﻧﻲ ﻣﺜﻞ ﺍﻟﻤﻄﺮ ﺍﻟﻤﺎﻟﺢ
ﺍﺭﺩﻑ ﺑﻀﺤﻜﻪ ﻣﺴﺘﻬﺰﺋﻪ ... ﻭﺍﻟﻠﻪ ﻭﻫﻞ ﺑﻴﺖ ﻓﺎﺩﻧﻲ ﺍﺳﻮﻱ ﺑﻲ ﻣﺼﺎﻳﺐ ﻭﻣﺤﺪ ﻳﻌﺮﻑ ﺍﺧﺬﺕ ﺑﻲ ﺟﻮﻟﻴﻴﺖ ﻣﻦ ﺍﻧﻬﺰﻣﺖ ﻭﺍﺧﺬﺕ ﺑﻲ ﺍﻟﻲ ﺍﺧﺬﻭ ﻣﻬﺮ ﺭﻳﻬﺎﻡ ﻭﺳﻴﺎﺭﺓ ﺟﻌﻔﺮ ﻭﻫﺴﻪ ﺍﺳﺘﻀﺎﻓﻴﺖ ﺑﻲ ﻋﺎﺻﻢ ﻫﻬﻪ ..

جوليت واسرارهاحيث تعيش القصص. اكتشف الآن