Unicode
" ပိုင်အာ ခြေထောက်က တပတ်တော့နားရမယ်တဲ့...ဆေးပုံမှန်ထည့်ပြီးသေချာဂရုစိုက်ရင်မကြာခင်ပြန်ထောက်နိုင်မှာပါတဲ့... သမီး ဒီရက်ပိုင်းတော့ ကျောင်းမသွားနဲ့တော့နော်...မေမေ သမီးကိုစိတ်မချဘူး..."
" ဟုတ် မေမေ သမီး အိမ်မှာပဲနားနေပါ့မယ်.."
ယွဲ့ယင်းဝေ သမီးဖြစ်သူရဲ့စကားကြောင့် အနည်းငယ်အံ့အားသင့်သွားပေမဲ့ ရှင်းဝေ့ပိုင်ရဲ့ခေါင်းကို ပုတ်ကာ..
" ဒါဆိုလဲ နားတော့နော်...ထမင်းစားခါနီးကျရင် မေမေပြင်ဆင်ပြီးလာခေါ်မယ်..."
" ဟုတ် မေမေ.."
ယွဲ့ယင်းဝေ အခန်းတံခါးအား ပိတ်ကာ အောက်ထပ်သို့ ဆင်းလာခဲ့သည်။ ရှင်းကျန့် သမီးဖြစ်သူဒဏ်ရာရကြောင်းသိရသဖြင့် ကုမ္ပဏီမှ ချက်ချင်းပြန်လာခဲ့သည်။လှေကားမှ တိတ်တဆိတ်ဆင်းလာသောဇနီးသည်ကိုမြင်လိုက်သည်။
" မိန်းမ.. ပိုင်အာ ဘယ်လိုနေသေးလဲ?.. အတော်ထိခိုက်သွားလား?..ဆေးရုံကိုမသွားဘူးလား?..မိသားစုဆရာဝန်ကဘာပြောလဲ?.."
" ....."
" မိန်းမ.."
ရှင်းကျန့် ယွဲ့ယင်းဝေရဲ့လက်မောင်းကို လှုပ်ကိုင်ကာ မေးလိုက်သည်။ထိုအခါမှ သတိပြန်ဝင်လာသောဇနီးသည်က...
" ပိုင်အာ ခြေထောက်အဆစ်လွဲသွားတာ..တပတ်လောက်နားရမယ်...ဒီရက်ပိုင်း အိမ်မှာပဲနေဖို့ပြောထားတယ်.."
" အော် တော်သေးတာပေါ့.. ဒါနဲ့ မင်းကဘာဖြစ်နေတာလဲ.. အသိစိတ်လွတ်နေတဲ့လူလိုပဲ.."
" ပိုင်အာက ကျမကို ဟုတ်ကဲ့မေမေတဲ့သမီးအိမ်မှာပဲနားနေပါ့မယ်တဲ့.."
" မိန်းမ သမီးလေး ခြေထောက်ပဲထိတာသေချာလား?..ခေါင်းရောမထိသွားဘူးလား?..စစ်ဆေးကြည့်ရဲ့လား?..."
"....."
ထိုအချိန် ရှင်းဖေးပိုင် ကျောင်းမှ ပြန်လာကာ မိခင်ဖြစ်သူအား ညီမဖြစ်သူရဲ့သတင်းကိုမေးလေသည်။ ယွဲ့ယင်းဝေက ရှင်းကျန့်ကိုပြောပြခဲ့သလို ရှင်းဖေးပိုင်ကို ပြန်ပြောပြသည်။
ရှင်းဖေးပိုင် တခဏမျှတိတ်ဆိတ်နေပြီးနောက်..
" ညီမလေးကို ဆေးရုံမှာ သေချာစစ်ဆေးသင့်တာ သေချာတယ် မေမေ.."
(W/လိုက်လဲလိုက်တဲ့မိသားစု😂)
-----------------
အိမ်အောက်ထပ်မှာကမ္ဘာပျက်နေတာမသိတဲ့ရှင်းဝေ့ပိုင်ကတော့ ကုတင်ပေါ်မှာ ကွန်ပျူတာတလုံးကိုကိုင်ကာ ဇာတ်လိုက်နဲ့ပက်သက်တာတွေကိုရှာနေသည်။ကျောင်းဖိုရမ်ထဲတွင် ဇာတ်လိုက်ရဲ့အကြောင်းတွေဟာ မသိချင်မှအဆုံးပလူပျံနေလေသည်။နတ်ဘုရားကုကဘယ်လိုချောတာ၊နတ်ဘုရားကုကစာအရမ်းတော်တာ၊နတ်ဘုရားကုကဘက်စုံအားကစားမှာဘယ်လိုထူးချွန်တာစသည့်ဖြင့်....များပြားလှသောအချက်အလက်တွေရလိုက်သည်။
YOU ARE READING
ကူးပြောင်းလာပြီးနောက် ငါလေးက စောက်ရမ်းမိုက်လာတယ်
Fantasyမီးခလုတ်အား ခြေထောက်မှာ ရှုပ်သည်ဟုဆိုကာ ခြေထောက်နဲ့ကန်လိုက်မိလို့ ဓာတ်လိုက်သေသွားတယ်။ သူမလေး သေပြီး mary sue ဇာတ်အိမ်ထဲကို ကူးပြောင်းသွားတယ်။ ငါလေးက အရမ်းကိုအားနည်းပြီးသနားစရာလေးပဲ သူမကြောင့် နာကျင်သွားသူများ '........' Zawgyiနဲ့Unicodeကို တပို...
