Mistakes We Can't Laugh About (Loser #2)

Chapter 3

Chapter 3

"Totoo bang bet ni Leon si Zoey?"

That was the first thing I heard when I walked into our room, one week before we left for the summer convention in Davao.

"Hindi ko alam. Sabi lang nina Maricar. Baka napag-usapan nilang magkakabarkada."

"Sabagay, maganda at matalino naman 'yon. Hindi rin kataka-taka."

Dumiretso ako sa upuan ko. Unlike the usual days, medyo maaga ako ngayon. Ni wala pa sina Shaira at Meg. Pagkauwi ko kasi kaninang madaling araw mula sa bahay ng kliyenteng inayusan ko ay hindi na ako nakatulog.

Maricar entered the room and sat with our classmates who were just talking about Leon and Zoey.

"Totoong bet!" sabi pa niya. "Nakita naming magkasama kahapon sa Sway's!"

"Oh my god!"

"Korek! Ang cute nga nila kasi para silang nasa study date."

Naiiling kong ibinaba ang tingin sa Theories of Personality book ko. Wala ba silang ibang pag-uusapan? Ang ingay nila. Para namang maraming may pakialam sa buhay pag-ibig ni Leon.

"Akala ko pa naman si Mari ang gusto!"

Nagpatuloy ako sa pagbabasa na parang walang narinig kahit pa alam kong sinadya nilang ilakas 'yon para marinig ko.

"Gaga, hindi!" tawa ni Maricar. "Hindi raw niya type, eh. Okay lang 'yon kasi ayaw rin naman ni Mari sa kanya!"

I silently agreed. Tama! Kung hindi niya ako type, mas hindi ko siya type!

"After class sila nag-date ni Zoey?"

"Hindi. Naka-shorts na si Leon no'n."

"May landi rin palang tinatago si Leon! Hindi halata!"

Muling tumawa si Maricar. "Marami pa kayong hindi alam do'n."

"Eh, 'di ba, aalis na sila next week? Mari, third wheel ka pala, eh!"

When I heard my name for the second time, I lifted my face and smiled at them. "Okay lang! Maghahanap ako ng mga guwapong psych major do'n!"

I gripped my pastel yellow highlighter and continued to work on my readings. Tuloy-tuloy ang kwentuhan nila at hindi ko maiwasang mainis dahil sa lakas ng boses nila. Wala naman akong pake! Gusto ko lang maintindihan ang binabasa ko!

At dapat lang lumandi na si Leon! Doon siya mag-focus! Huwag na siyang mag-aral!

Ganoon pala ang type niya, ha? Maputi, makulit at palangiti? Edi sila na ang bagay tutal opposite attracts, 'di ba?! Mag-date sila nang mag-date para wala na akong ka-tie!

"Ang aga naman ng pagbusangot mo."

Napaangat ako ng tingin ako kay Shaira na inilalagay na ang gamit niya sa upuang katabi ko.

"Hindi ako nakabusangot."

Umupo siya. "Anong oras kayo aalis next week?" tanong niya, hindi na pinansin ang sinabi ko.

"Alas nuebe ang flight namin."

Habang sinasabi iyon ay napatingin ako kay Leon na pumapasok sa room namin. Bagong libro na naman ang bitbit niya. He took a seat and bowed his head to read. Ni hindi man lang tumingin sa paligid niya! Diretso basa agad talaga!

"Paano kayo naging friends n'yan sa Facebook?"

I turned to face Shaira. "Nino?"

She grinned. "Ni Leon."

Inirapan ko siya. I returned my gaze to my book. Ang babaeng 'to! Hindi ako titigilan kay Leon!

"In-add mo o in-add ka?" she asked as she chuckled. "Parang imposibleng i-add mo, eh. Wala ka namang ina-add sa mga kaklase natin."