Chapter 154

20K 3.2K 142
                                    

Unicode

အချစ်မှာပျော်ဝင်နေတဲ့ ဆယ်ကျော်သက်လေးတွေ ချိန်းတွေ့ကြသလိုမျိုး
_________________________________

ယန်းချင်းချီနဲ့ ကျန်းမော့ချန်တို့နှစ်ယောက် အားလုံးမျက်စိရှေ့မှာတင် ထွက်လာခဲ့ကြသည်။ သို့သော် တော်တော်လေးမှောင်နေပြီဖြစ်တာကြောင့် နှစ်ယောက်စလုံးအဝေးကြီးသွားဖို့ မစီစဥ်ထားကြပဲ လမ်းပေါက်သည့်နေရာအချို့လောက် လျှောက်ကြည့်ဖို့ကိုသာ စိတ်ကူးထားလေသည်။

ယန်းချင်းချီ လက်ထဲကဓာတ်မီးကို မြေကြီးပေါ်လျှောက်ထိုးနေရင်း သူ့ဘေးက ကျန်းမော့ချန်ကိုမေးလိုက်သည်။

''ခင်ဗျားပြောကြည့် ဒီတောင်ပေါ်မှာ အမဲလိုက်ဖို့ သားကောင်တွေရှိလောက်လား ''

'' မင်း မဟုတ်တာတွေ နည်းနည်းလောက်လျှော့ပြောလို့မရဘူးလား '' သူ့ကြင်သူက ညကြီးမင်းကြီးအမဲလိုက်ဖို့တွေးနေတဲ့အတွက် တကယ့်ကိုရဲစွမ်းသတ္တိပြည့်စုံသည့် သိုင်းဆရာကြီးလို့တောင် ခံစားလိုက်ရသည်။ '' တကယ်လို့ ကိုယ်တို့ အကောင်ငယ်လေးနဲ့တွေ့ရင် ကိုယ်တို့ညစာထဲထည့်လိုက်လို့ရတယ် ဒါပေမဲ့ အကောင်ကြီးနဲ့သွားတွေ့ရင်တော့ သူတို့ညစာဖြစ်သွားလိမ့်မယ် ''

ယန်းချင်းချီရယ်လိုက်ကာ

''စိတ်မပူပါနဲ့ ရိုက်ကူးရေးလုပ်တော့မယ်ဆိုကတည်းက သူတို့ဒီတောင်အကြောင်းစနည်းနာပြီး ဒီနေရာကိုကြိုရောက်ဖူးပြီးသားပါ တကယ်လို့ ဒီမှာသာ လူကိုအန္တရာယ်ပြုနိုင်တဲ့ သားကောင်ကြီးတွေရှိခဲ့ရင် အေးအေးဆေးဆေး ရိုက်ကူးရေးလုပ်ပါ့မလားမင်းသားမင်းသမီးတွေ မတော်တဆမှုတစ်ခုခုနဲ့ ကြုံရရင် သူတို့ပဲနာမည်ပျက်သွားမှာပေါ့ ''

''ကိုယ်တို့ကမတူဘူးလေကွာ '' ကျန်းမော့ချန် ဆက်ပြောလာသည်။ '' တကယ်လို့တစ်ခုခုဖြစ်ခဲ့ရင် ကိုယ်တို့ကျ ကိုယ့်သေတွင်းကိုတူးသွားတာလို့ခေါ်တယ် ဒါရိုက်တာက မသွားရင်အကောင်းဆုံးပဲလို့ပြောပြီး တားနေတာတောင် မရမကထွက်လာတာကိုယ်တို့လေ တကယ်လို့တစ်ခုခုဖြစ်ခဲ့ရင် ကိုယ့်ကိုကိုယ်ပဲအပြစ်တင်ရမှာ ရိုက်ကူးရေးအဖွဲ့ကိုသွားပြီး အပြစ်တင်စရာအကြောင်းမရှိဘူး ''

ရုပ်ရှင်ဧကရာဇ်၏ သေလမ်းရှာ စေ့စပ်ထားသူလေး [ ဘာသာပြန် ] || Completed ||Where stories live. Discover now