နေရာလွတ်နှင့်အတူသားရဲကမ္ဘာဆီသို့ [COMPLETE]✓

Chapter 25.1

(Unicode)

နှစ်ယောက်သား ဗာရူတောင်ကို ရောက်တဲ့အခါ ပိုင်မုက သူတို့သွားခဲ့တဲ့လမ်းကြောင်းအတိုင်းသွားပြီး သကြားမေပယ်လ်ပင်ကိုတွေ့သွားတယ်။  ပိုင်မုက သူ့ကျောပေါ်ကမြေအိုးကို မြေကြီးပေါ်ချလိုက်ပြီး ခဲယ်လ်တစ်က သူ့ရဲ့ထက်မြတဲ့လက်သည်းတွေနဲ့ သစ်ပင်မှာ အပေါက်တစ်ခုကို လွယ်လွယ်ကူကူလုပ်လိုက်တယ်။ တစ်ချက်တည်းပဲ။ပိုင်မုက  orcsတွေရဲ့ ခြေသည်းလက်သည်းတွေက အရမ်းအသုံးဝင်တာကြောင့် သက်ပြင်းချခဲ့တယ်။  ထို့နောက် ပိုင်မုက ပြင်ဆင်ထားတဲ့ အပြာရောင်သစ်သားကို သစ်ပင်အပေါက်ထဲထည့်လိုက်ပြီး သစ်ရည်တွေက အပြာရောင်သစ်သားတစ်လျှောက် မြေအိုးထဲကို အလျင်အမြန် စိီးဆင်းသွားတယ်။ 

ဒီတကြိမ်မှာ သူတို့က စုစုပေါင်း မြေအိုးလေးလုံး ယူဆောင်လာပြီး တစ်လုံးကို ကီလိုဂရမ် ၄၀ လောက်ရမယ်လို့ ခန့်မှန်းထားတယ်။ ထို့နောက် နှစ်ယောက်သားက  တခြားသကြားမေပယ်ပင်သုံးပင်မှာ အပေါက်တွေ လုပ်‌တော့တယ်။

" ခဲယ်လ်တစ်၊ နေရာလွတ်ထဲ သွားပြီး ရင့်သန်နေတဲ့ အသီးအရွက်တွေကို အရင် စုဆောင်းကြရအောင် "သစ်ရည်စုဆောင်းမှုက သိပ်မမြန်တာကို ပိုင်မုကမြင်ပြီး အိုး ပြည့်ဖို့က ခဏလောက် အချိန်ယူရဦးမယ်လို့သူတွေးခဲ့တယ်။

"ကောင်းပြီလေ" ခဲလ်တစ် က ပိုင်မုရဲ့ တောင်းဆိုမှုဖြစ်နေသရွေ့ ငြင်းဆန်မှာ မဟုတ်ပါဘူး။ ပိုင်မုကို ကူညီနိုင်တာက သူအပျော်ရဆုံးပါပဲ။

ပိုင်မုက အိတ်အလွတ်ကို သူ့ကျောပေါ်  သယ်လိုက်ပြီး ခဲလ်တစ်ကို နေရာလွတ်ထဲ ဆွဲ၀င်လိုက်တယ်။သူ့လက်ပေါ်က နူးညံ့နွေးထွေးတဲ့ လက်ကလေးက အရမ်းသက်တောင့်သက်သာရှိတယ်လို့ ခဲယ်လ်တစ်က  ခံစားရတယ်။ ဒါပေမယ့် အဲ့ဒါကိုစဉ်းစားဖို့ အချိန်မရသေးခင်မှာပဲ နေရာလွတ်ထဲကို ဆွဲထည့်ခံလိုက်ရပြီး နူးညံ့တဲ့လက်လေးက သူ့ကို လွှတ်လိုက်ပြီးနေပြီ။

သူက ဆုပ်ကိုင်ခံရပြီးနောက် နွေးထွေးမှုကျန်နေသေးပုံရတဲ့ လက်ကို တစ်ချက်ကြည့်လိုက်ပြီး အနည်းငယ်ဆုံးရှုံးသလိုခံစားလိုက်ရကာ ပိုင်မုနောက်သို့ လိုက်၍ သိုလှောင်ခန်းကို ရောက်ရှိလာတယ်။