> Unicode <
ဂျောက် ။ ဂျောက် ။
အရှိန်မှန်မှန်ရွေ့လျားနေသည့် နာရီလက်တံလည်ပတွသံဟာဖြင့် တိတ်ဆိတ်ကာနေသည့် အိမ်အိုလေးထက် ကျယ်လောင် ခြောက်ခြားဖွယ်ပြန့်နှံ့လျက် ရှိလေသည် ။
ထိုစဥ်ဖြည်းညှင်းစွာပွင့်လာသည့် တံခါးပေါက်အိုနဲ့အတူ မီးပုံအလင်းရောင်ဖျော့ဖျော့ကြောင့် မှောင်ရီလျက်ရှိသည့်တစ်လျောက် အလင်းတန်းတစ်ခုဟာ ခြေသံခပ်ဖွဖွနဲ့အတူ တိုးညှင်းစွာဝင်ရောက်လာလေ၏ ။
" ပြီးပြီ အခုအားလုံး ပြီးပြီ... "
အသာအယာဖွင့်ဟကာသွားသည့် စကားသံခပ်တိုးတိုးမှာ တောင်ပေါ်ဒေသငယ်လေး၏ ဆောင်းဦး အအေးဒဏ်ကြောင့် မြူအငွေ့များဟာလည်း ယှဥ်တွဲ ပေါ်ထွက်လာလေသည် ။
အအေးဒဏ်ကြောင့် ယိုင်နဲ့ကာလျှောက်လှမ်းသွားသည့်ကြားမှ ထိုလူ ကိုင်ဆောင်ကာထားသည့်အလင်းတန်းဖျော့ဖျော့အောက် သွေးစက်များဟာ ခပ်ပါးပါးရှပ်အကျီအဖြူထံမှ တစ်စက်စက် စီးကျလျက်ရှိလေ၏ ။
မီးခိုခေါင်တိုင်ငယ်ရှေ့ ဒူးထောက်ကာ လဲကျသွားချိန် ယာဘက်လက်အတွင်း ဆုပ်ကိုင်ကာလာသည့် သွေးစက်များဖြင့် အဝတ်စပြတ်တစ်ခုကို ထိုမီးပုံအတွင်းသို့ ပစ်ချလိုက်လေရာ တောက်လောင်သွားသည့် မီးအရှိန်နဲ့အတူ ထိုလူဟာလည်း ထိုနေရာတွင်သာ လဲကျ ငြိမ်သက်သွားလေသည် ။
ဝုန်း ။
အိပ်စက်နေရာမှပင် ဆောင်းတွင်းအအေးဒဏ်ကြား ချွေးစေးများဖြင့် အမျိုးသားတစ်ယောက်မှာ တစ်ရွေ့ရွေ့မောင်းနှင်နေသည့် လှေငယ်လေးထက် အညိုရောင်မာဖလာတစ်ထည်ကို ရစ်ပတ်လွှမ်းခြုံထားကာပင် ထူးဆန်းသည့်အိမ်မက်တစ်ယံကြား မသိစိတ်များဟာတော့ လွင့်မြောနေစဲပင်ဖြစ်သည် ။
" အကိုကြီး ရှေ့ဆို ယိမ်းမင်းတောင်ကို ရောက်ပြီနော်... "
" အော် အင်း အင်း "
ငိုက်ကျကာနေသည့် မျက်မှန်ကိုင်းကို တစ်ချက်ပင့်တင်ရင်း ဘေးနားတွင် ကပ်ကာထားသည့် ကျောပိုးလွယ်အိတ်ထံ လက်လှမ်းကာပင် အစောက ခေါင်းအုံးအဖြစ်ယာယီအသုံးပြုခဲ့သည့် ကုတ်အကျီကို လုံးခြေလျက်ပင် ထိုးထည့်ကာ ထိုင်ရာမှ ထလိုက်လေသည် ။
YOU ARE READING
အိပ်ဖန်စောင့် | အိပ္ဖန္ေစာင့္
Mystery / Thrillerအထက်ပါ ဇာတ်လမ်းအတွင်းရှိ အကြောင်းအရာ အဖြစ်အပျက် ၊ နေရာ ၊ ဇာတ်ကောင်များမှာ စာရေးသူ၏ စိတ်ကူးယဉ်သက်သက်သာဖြစ်သည် ။ 🌱 အထက္ပါ ဇာတ္လမ္းအတြင္း႐ွိ အေၾကာင္းအရာ အျဖစ္အပ်က္ ၊ ေနရာ ၊ ဇာတ္ေကာင္မ်ားမွာ စာေရးသူ၏ စိတ္ကူးယဥ္သက္သက္သာျဖစ္သည္ ။ 🌱
