قصص عراقية:
ﺍﻟﺒﺎﺭﺕ ﺍﻟﺴﺎﺑﻊ ﻋﺸﺮ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔💔
ﻭﻣﻦ ﻳﺘﻖ ﺍﻟﻠﻪ﴾ ﻫﺬﺍ ﺷﺮﻁٌ .. ﴿ﻳﺠﻌﻞ ﻟﻪ ﻣﺨﺮﺟًﺎ﴾ ﻫﺬﺍ ﻭﻋﺪٌ .. ﴿ﻭﻳﺮﺯﻗﻪ ﻣﻦ ﺣﻴﺚ ﻻ ﻳﺤﺘﺴﺐ﴾ ﻫﺬﻩ ﻣﻜﺎﻓﺄﺓٌ .. ﻓﺤﻘﻖ ﺍﻟﺸﺮﻁ .. ﺗﺴﺘﺤﻖ ﺍﻟﻮﻋﺪ .. ﻭﺗﻨﻞ ﺍﻟﻤﻜﺎﻓﺄﺓ
.....................................................
ﺭﻳﻬﺎﻡ ...
ﻓﻤﺎ ﺿﻨﻚ ﺑﺮﺏ ﺍﻟﻌﺎﻟﻤﻴﻦ ...
ﺍﻟﺜﻘﻪ ﺑﺎﻟﻠﻪ ﺷﮕﺖ ﺍﻟﺒﺤﺮ ﺍﻟﻤﻮﺳﺊ ﻋﻠﻴﻪ ﺍﻟﺴﻼﻡ ﻭﻧﻘﺬﺗﻪ ﻣﻦ ﻓﺮﻋﻮﻥ ﻭﻗﻮﻣﻪ
ﻭﺍﻟﺜﻘﻪ ﺑﺎﻟﻠﻪ ﻧﻘﺬﺕ ﺍﺑﺮﺍﻫﻴﻢ ﻭﺟﻌﻠﺖ ﺍﻟﻨﺎﺭ ﺑﺮﺩﺍ ﻭﺳﻼﻣﺎ ﻋﻠﺊ ﺍﺑﺮﺍﻫﻴﻢ
ﻭﺍﻟﺜﻘﻪ ﺑﺎﻟﻠﻪ ﻧﺠﺖ ﻧﺒﻴﻨﺎ ﻣﺤﻤﺪ ﺻﻠﺊ ﺍﻟﻠﻪ ﻋﻠﻴﻪ ﻭﺁﻟﻪ ﻭﺳﻠﻢ ﻣﻦ ﺍﻟﻐﺎﺭ ﻭﻣﻦ ﺍﻟﻜﻔﺎﺭ
ﻟﺬﻟﻚ ﺍﻟﺜﻘﻪ ﺑﺎﻟﻠﻪ ﻣﺤﺪ ﻳﻜﺪﺭ ﻳﺤﺲ ﺑﻴﻬﺎ ﺍﻟﻪ ﺍﻟﺊ ﻳﻌﺮﻑ ﻣﻦ ﺭﺑﻪ
ﻭﺍﻟﺤﻤﺪ ﻟﻠﻪ ﺍﻧﻲ ﺛﻘﺘﻲ ﺑﺎﻟﻠﻪ ﻛﺒﻴﺮﻩ ﻭﻳﻘﻴﻨﻲ ﻣﻮﺟﻮﺩ ﻭﺭﺑﻲ ﺍﺑﺪ ﻣﺎ ﺧﻴﻴﺐ ﺿﻨﻲ ﻭﺍﻧﻄﺎﻧﻲ ﻋﻠﺊ ﻛﺪ ﻧﻴﺘﻲ
ﺍﺟﻤﻞ ﺧﺒﺮ ﻭﺍﺳﻌﺪ ﺧﺒﺮ ﺑﺮﺑﻲ ﺍﻧﻄﻪ ﻟﻼﻧﺴﺎﻥ ﻫﻮﻭﻭﺍﻳﻪ ﺍﻧﻌﺎﻡ ﺑﺲ ﺍﺟﻤﻞ ﻧﻌﻤﻪ ﺍﻧﻲ ﺍﺣﺴﻬﺎ ﺑﺮﺃﻳﻲ ﻫﻲ ﺍﻻﻣﻮﻣﻪ
ﻭﺍﺣﺲ ﺍﻻﻣﻮﻣﻪ ﻫﻲ ﺍﻟﻌﺎﻃﻔﻪ ﺍﻻﻛﺒﺮ ﻋﻨﺪ ﻛﻞ ﻣﺮﺃﻩ
ﻣﻤﺼﺪﻛﻪ ﺍﻧﻲ ﺣﺼﻴﺮ ﺍﻡ ﺍﻟﺤﻤﺪ ﻟﻠﻪ ﺍﻟﻲ ﺭﺯﻗﻨﻲ ﺑﻬﺎﻱ ﺍﻟﻨﻌﻤﻪ ﺑﻌﺪ ﻣﺎ ﻓﻘﺪﺕ ﺍﻻﻣﻞ ﻭﺍﻟﻤﺮﺽ ﺍﺳﺘﻮﻟﺊ ﻋﻠﺊ ﺟﺴﻤﻲ ﺑﺲ ﺭﺑﻲ ﻣﺎ ﻗﺼﺮ ﻓﻘﺪﺕ ﺍﻻﻣﻞ ﺑﻜﻮﻭﻭﻟﺸﻲ ﺍﻟﻪ ﺑﺮﺑﻲ
ﺍﺧﺬﺕ ﺍﻟﺘﺤﻠﻴﻞ ﻣﻦ ﺍﻳﺪ ﺍﻟﺪﻛﺘﻮﺭ ﻭﺍﻧﻲ ﺍﺑﺎﻭﻉ ﻟﻠﺘﺤﻠﻴﻞ ﺑﻔﺮﺣﻪ ﻋﺎﺭﻣﻪ ﻭﺍﺑﻌﺪ ﻋﻦ ﻋﻴﻮﻧﻲ ﺍﻟﺪﻣﻮﻉ ﺍﻟﺤﺎﺭﻗﻪ ﺍﻟﻲ ﺣﺠﺒﺖ ﻋﻨﺪﻱ ﺍﻟﺮﺅﻳﻪ ...
ﺷﻬﻜﺖ ﻭﺍﻧﻲ ﺍﺑﺎﻭﻉ ﻟﻠﺪﻛﺘﻮﺭ ... ﻓﺪﻭﻭﻭﻩ ﺩﻛﺘﻮﺭ ﻓﺪﻭﻭﻩ ﻣﺘﺄﻛﺪ ﻳﻌﻨﻲ ﺻﺢ ﺍﻧﻲ ﺣﺎﺍﺍﺍﻣﻞ ﻟﻮ ﻳﻌﻨﻲ ﻣﻤﺘﺎﻛﺪ
ﺍﺑﺘﺴﻢ ﺑﻬﺪﻭﺀ ﻭﺭﺩ ﻋﻠﻴﻪ ... ﻻ ﺑﺎﺑﺎ ﺍﻧﺘﻲ ﺣﺎﻣﻞ ﻭﺣﻤﻠﺞ ﻭﺍﺿﺢ
ﻭﺍﺭﺩﻑ ﺑﺠﺪﻳﻪ ... ﺷﻮﻓﻲ ﺑﺎﺑﺎ ﺭﻳﻬﺎﻡ ﺍﻧﺘﻲ ﻛﻨﺘﻲ ﻣﺮﻳﻀﻪ ﺑﺎﻟﺴﺮﻃﺎﻥ ﻭﺍﻟﻄﻔﻞ ﺣﻴﺘﻐﺬﻩ ﻋﻠﺊ ﺟﺴﻤﺞ ﻟﺬﻟﻚ ﻳﺎ ﺑﻨﺘﻲ ﺍﻧﺘﻲ ﻛﻞ ﺷﻬﺮ ﺗﺮﺍﺟﻌﻴﻨﻪ ﻧﻨﻄﻴﺞ ﻟﻘﺎﺡ ﻭﻧﻌﺎﻳﻦ ﺣﺎﻟﺘﺞ ﻭﻧﻨﻄﻴﺞ ﻭﻗﺎﻳﻪ ﻭﻣﻘﻮﻳﺎﺕ ﻭﺍﻥ ﺷﺎﺀ ﺍﻟﻠﻪ ﻛﻞ ﺧﻴﻴﺮ
ﻫﺰﻳﺖ ﺭﺍﺳﻲ ﺑﻠﻬﻔﻪ ﻭﻗﺒﻮﻝ ﻭﺍﻧﻲ ﺍﻣﺴﺢ ﺩﻣﻮﻋﻲ ... ﺍﻱ ﺩﻛﺘﻮﺭ ﺍﻥ ﺷﺎﺀ ﺍﻟﻠﻪ ﻭﺍﻟﻠﻪ ﻛﻞ ﺷﻬﺮ ﺍﺭﺍﺟﻊ ﻫﻨﺎ ﻭﺍﺑﺪ ﻣﺎ ﺍﻗﺼﺮ
ﺍﺑﺘﺴﻢ ﻭﻫﺰ ﺭﺍﺳﻪ ﺑﻘﺒﻮﻝ ﻭﺍﻧﻲ ﺧﻠﻴﺖ ﻭﻃﻠﻌﺖ ﻣﻠﻬﻮﻭﻭﻓﻪ ﻭﺍﻟﺪﻣﻮﻉ ﺑﻌﻴﻨﻲ ﺟﺎﻥ ﺻﻼﺡ ﻣﻨﺘﻈﺮﻧﻲ ﺑﺎﻻﻧﺘﻈﺎﺭ
ﻣﻦ ﺷﺎﻓﻨﻲ ﻭﻛﻒ ﺑﻘﻠﻖ ﻭﺍﺿﺢ ﻋﻠﺊ ﻣﻼﻣﺤﻪ ﺍﻻﺳﺮﻩ ﻭﺍﺟﺎﻧﻲ ﺑﺨﻄﻮﺍﺕ ﺳﺮﻳﻌﻪ ﻟﺰﻡ ﺍﺩﻳﻪ ﺑﺨﻮﻭﻑ ﻭﻫﻮ ﻳﺸﻮﻑ ﺩﻣﻮﻋﻲ ... ﻫﺎﺍﺍﺍ ﺭﻳﻬﺎﻡ ﺷﺒﻴﻴﺞ ﺷﻜﻮﻭﻭ ﻟﻴﺶ ﺗﺒﺠﻴﻦ
ﻧﺰﻟﺖ ﻋﻴﻮﻧﻲ ﺑﺎﺳﺊ ﻭﺍﻧﻲ ﺍﺧﻔﻲ ﻓﺮﺣﺘﻲ ... ﺍﻟﻤﺮﺽ ﺭﺟﻊ ﻋﻠﻴﻪ
ﺑﻬﺘﺖ ﻣﻼﻣﺤﻪ ﻭﺗﻨﻬﺪ ﺑﻀﻴﻖ ﺍﺑﺘﺴﻢ ﺑﻬﺪﻭﺀ ﻭﺭﺟﻊ ﻟﺰﻡ ﺍﻳﺪﻱ ﻛﺎﻝ ... ﻳﺎﻟﻠﻪ ﺣﺒﻴﺒﻲ ﻻ ﺗﻀﻮﺟﻴﻦ ﻣﻴﺨﺎﻟﻒ ﺗﺘﻌﺎﻟﺠﻴﻦ ﻋﺎﺩﻱ
ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﺍﻧﻲ ﺍﺭﻳﺪ ﺍﻛﺘﻢ ﺿﺤﻜﺘﻲ ﻭﺍﻛﻤﻞ ﺗﻤﺜﻴﻠﻴﺘﻲ ﻋﻀﻴﺖ ﺷﻔﺎﻳﻔﻲ ... ﻳﺎﺭﺑﻲ ﺳﺎﻣﺤﻨﻲ ﺳﺎﻣﺤﻨﻲ ﻣﺎ ﻗﺼﺪﻱ ﺍﻛﺬﺏ ﻭﺍﻟﻠﻪ ﺑﺲ ﻛﺬﺑﻪ ﺑﻴﻀﻪ ﺍﺭﻳﺪ ﺍﺷﻮﻑ ﻣﻌﺰﺗﻲ ﻋﻨﺪ ﺻﻼﺡ ﻫﻬﻬﻬﻪ
ﻛﺎﻝ ... ﺯﻳﻦ ﺣﺒﻴﺒﺘﻲ ﺍﻧﺘﻲ ﺗﻨﺎﻣﻴﻦ ﺑﺎﻟﻤﺴﺘﺸﻔﺊ ﻟﻮ ﺷﻨﻮﻭ
ﻟﺰﻣﺖ ﺍﻳﺪﻩ ﻭﻣﺸﻴﺖ ... ﺍﻣﻤﻢ ﻻﺍﺍﺍ ﻛﺎﻟﻮ ﺗﻌﺎﻟﻲ ﺑﻌﺪ ﺷﻬﺮ
ﺭﻛﺒﻨﻪ ﺑﺎﻟﺴﻴﺎﺭﻩ ﺑﻌﺪ ﻣﺎ ﻃﻠﻌﻨﻪ ﻣﻦ ﺍﻟﻤﺴﺘﺸﻔﺊ ﻭﻫﻮ ﺷﻔﺘﻪ ﺣﻴﻴﻴﻞ ﺍﻧﻘﻬﺮ ﻭﺗﻀﺎﻳﻖ ﺳﺎﻕ ﺑﺴﺮﻋﻪ ﻭﺭﺟﻊ ﺑﺎﻭﻋﻠﻲ ﻛﺎﻝ ... ﺯﻳﻦ ﺭﻫﻮﻭﻣﻪ ﻟﻴﺶ ﺑﻌﺪ ﺷﻬﺮ ﻣﻮ ﺍﺧﺎﻑ ﺍﻟﻤﺮﺽ ﻳﻨﺘﺸﺮ
ﺭﻓﻌﺖ ﻋﻴﻮﻧﻲ ﺑﺘﻔﻜﻴﺮ ... ﻣﻤﻤﻢ ﻣﻮ ﻫﻮ ﺍﻟﻠﻘﺎﺡ ﻻﺯﻡ ﺑﻌﺪ ﺷﻬﺮ ﻭﻟﻮ ﻻﺍﺍ ﻳﻤﻜﻦ ﻣﻦ ﺍﺩﺧﻞ ﺑﺸﻬﺮ ﺍﻟﺨﺎﻣﺲ ... ﺍﻫﻮﻭﻭ ﻫﺴﻪ ﺍﻧﻲ ﺷﻌﺮﻓﻨﻲ ﺍﺭﺍﺟﻊ ﺩﻛﺘﻮﺭﻩ ﻧﺴﺎﺋﻴﻪ ﻭﻫﻲ ﺗﻔﻬﻤﻨﻲ ﺷﻨﻮ ﺍﻻﺳﻮﻳﻪ
ﻭﻛﻒ ﺍﻟﺴﻴﺎﺭﻩ ﺑﺎﺳﺘﻐﺮﺍﺏ ﻛﺎﻝ ... ﺍﻛﻠﺞ ﺍﻧﺘﻲ ﺷﺠﺎﻱ ﺗﺤﺠﻴﻦ ﻭﺑﻌﺪﻳﻦ ﺷﻮ ﺍﺣﺴﺞ ﻣﻤﻬﺘﻤﻪ ﺭﻳﻬﺎﻡ ﺷﺒﻴﻴﺞ ﺍﺣﺠﻲ ﺷﻨﻮ ﻟﻘﺎﺡ ﺷﻨﻮ ﺷﻬﺮ ﺍﻟﺨﺎﻣﺲ
ﺣﻄﻴﺖ ﺍﻳﺪﻱ ﻋﻠﺊ ﺑﻄﻨﻲ ﻭﺍﺑﺘﺴﻤﺖ ... ﻣﻮ ﻫﻮ ﺍﻟﺤﻤﻞ ﻫﻴﺞ ﻳﺘﻄﻠﺐ ﻟﻘﺎﺡ ﻭﻫﻤﺎﺗﻴﻦ ﻻﺯﻡ ﺍﺭﺍﺟﻊ ﺩﻛﺘﻮﺭﻩ ﻛﻞ ﺷﻬﺮ ﻻﻥ ﺍﻧﻲ ﺟﻨﺖ ﻣﺮﻳﻀﻪ ﻭﺍﺧﺬ ﻭﻗﺎﻳﻪ
ﻫﻮ ﻓﺘﺢ ﻋﻴﻮﻧﻪ ﻋﻠﺊ ﻭﺳﻌﻬﻦ ﻭﺍﻟﻔﺮﺣﻪ ﺑﻴﻨﺖ ﻋﻠﺊ ﻭﺟﻬﻪ ﺍﺑﺎﻭﻉ ﺍﻻﺩﻳﻪ ﺗﺮﺟﻒ ﻣﺜﻞ ﺭﺟﻔﺘﻲ ﻣﻦ ﻛﻠﻲ ﺍﻟﺪﻛﺘﻮﺭ ﺣﺎﻣﻞ
ﻟﺰﻡ ﺍﺩﻳﻪ ﺑﻬﻤﻪ ﻭﺍﺭﺗﺒﺎﻙ ﻭﻓﺮﺭﺭﺭﺭﺣﻪ ﻋﺎﺍﺍﺍﺭﻣﻪ ... ﺭﻳﻬﺎﺍﺍﺍﻡ ﺭﺭ ﺭﻳﻪ ﺭﻳﻬﺎﺍﻡ ﺍﻧﺘﻲ ﺍﻧﺘﻲ ﺻﺪﻙ ﺣﺎﺍﺍﺗﺘﻤﻞ ﺩﻛﻮﻟﻴﻦ ﺣﻤﻞ ﻳﻌﻨﻲ ﺍﻧﺘﻲ ﺣﺎﻣﻞ ﻣﻮﻭﻭ ؟
ﺍﺑﺘﺴﻤﺖ ﻭﺍﻧﻲ ﺍﺑﺎﻭﻉ ﻟﻌﻴﻮﻧﻪ ﻭﺑﺮﻳﻘﻬﻦ ﺍﻟﻼﻣﻊ ﻫﺰﻳﺖ ﺭﺍﺳﻲ ﺑﺈﻳﺠﺎﺏ
ﻣﺎ ﺣﺴﻴﺖ ﺑﻲ ﻏﻴﺮ ﺳﺤﺒﻨﻲ ﻭﺣﻀﻨﻲ ﻭﻫﻮ ﻳﺒﻮﺱ ﺑﻴﻪ ﺑﺎﻟﺴﻴﺎﺭﻩ ﻭﺟﺎﻥ ﻧﻬﺎﺭ ﻭﺍﻟﺴﻴﺎﺭﺍﺕ ﺭﺍﻳﺤﻪ ﻭﺟﺎﻳﻪ
ﺣﺎﻭﻟﺖ ﺍﺧﻠﺺ ﻧﻔﺴﻲ ﻣﻨﻪ ﻭﺍﺩﻓﻌﻪ ﺑﺲ ﻣﺎ ﻛﺪﺭﺕ ﺣﺠﻴﺖ ﻭﻳﺎﻩ ﺑﺼﻮﺕ ﻫﺎﻣﺲ ... ﺻﻼﺍﺡ ﺻﻼﺡ ﻋﻴﻴﺐ ﻓﻀﺤﺘﻨﺎ ﻻ ﻳﺠﻮﻭﻥ ﺍﻟﺸﺮﻃﻪ ﻳﺎﺧﺬﻭﻧﻪ ﻫﺴﻪ ﻳﻜﻮﻟﻮﻥ ﺫﻭﻭﻝ ﻣﻨﺤﺮﻓﻴﻦ
ﺍﺑﺘﻌﺪ ﺷﻮﻳﻪ ﻭﻫﻮ ﻳﻀﺤﻚ ﻭﻳﺮﺟﻒ ﺑﻨﻔﺲ ﺍﻟﻮﻗﺖ ﻭﺑﻌﺪﻫﺎ ﺍﺣﺘﺪﺕ ﻣﻼﻣﺤﻪ ﺿﺮﺑﻨﻲ ﻋﻠﺊ ﺍﻳﺪﻱ ﺣﻴﻴﻞ ﻭﺍﻧﻲ ﻋﻄﺖ ﻭﺳﺤﺒﺖ ﺍﻳﺪﻱ ﺑﺎﻭﻋﺘﻠﻪ ﺑﺨﻮﻭﻑ ... ﻋﺰﺍﺍﺍ ﺷﺒﻴﻴﻚ
ﺭﺩ ﺑﻐﻀﺐ ... ﻟﻴﺶ ﻭﻟﺞ ﺗﺨﻮﻓﻴﻨﻲ ﻋﻠﻴﻴﺞ ﻭﺩﻛﻠﻴﻠﻲ ﺭﺟﻊ ﺍﻟﻤﺮﺽ ﻭﻟﺞ ﻟﻮ ﻣﺠﻠﻮﻁ ﺑﺎﻟﻠﻪ ﺷﺪﻛﻠﻴﻦ ﺍﻻﻫﻠﻲ ﺟﻨﺖ ﺍﺷﺎﻗﻪ ﻭﻳﺎﻩ
ﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻲ ﻭﺍﻧﻲ ﺍﺿﺤﻚ ... ﺭﺩﺕ ﺍﺷﻮﻑ ﻏﻼﺗﻲ ﻋﻨﺪﻙ
ﺑﺎﻭﻋﻠﻲ ﺑﻄﺮﻑ ﻋﻴﻨﻪ ﻛﺎﻝ .... ﻟﻮ ﺗﺪﺭﻳﻦ ﺷﺼﺎﺭ ﺑﻴﻪ ﻣﻦ ﻛﻠﺘﻴﻠﻲ ﺭﺟﻊ ﺍﻟﻤﺮﺽ ﻏﻴﺮ ﻛﻠﺒﻲ ﻭ ﻭﻛﻊ ﺑﺒﻄﻨﻲ ﻭﺍﺟﻴﺖ ﺍﻟﻪ ﺷﻮﻳﻪ ﺍﺷﻚ ﺍﻟﻘﻤﻴﺺ ﻭﺍﺿﻐﺐ
ﺿﺤﻜﺖ .... ﻫﻬﻬﻬﻪ ﺧﻮ ﺍﻧﺖ ﻛﻞ ﻣﺎ ﺻﺎﺭ ﻭﻳﺎﻙ ﻣﻮﻗﻒ ﻭﺭﻛﻀﺖ ﻋﻠﺊ ﺍﻟﻘﻤﻴﺺ ﺗﺸﻜﻪ ﻋﺒﺎﻟﻚ ﺍﻟﻘﻤﻴﺺ ﺣﺎﻳﻂ ﻧﺼﻴﺺ
ﻟﺰﻡ ﺍﻳﺪﻱ ﻭﺗﻜﻠﻢ ﺑﺠﺪﻳﻪ ... ﻻ ﻭﺍﻟﻠﻪ ﺭﻳﻬﺎﻡ ﻟﻴﺶ ﻫﻴﺞ ﺗﺴﻮﻭﻳﻦ ﺑﻴﻪ ﻭﺍﻟﻠﻪ ﻣﺎ ﺍﺣﺐ ﻫﻴﺞ ﺷﻘﻪ ﺛﻜﻴﻴﻞ ﻭﺑﻌﺪﻳﻦ ﺗﺮﺉ ﺍﻧﺘﻲ ﺍﻧﺴﺎﻧﻪ ﻣﺘﺪﻳﻨﻪ ﻭﻫﺬﺍ ﺍﻧﺤﺴﺐ ﻋﻠﻴﺞ ﺍﺛﻢ ﻻﻥ ﺍﻧﺘﻲ ﺟﺬﺑﺘﻲ
ﺭﻓﻌﺖ ﺍﺻﺒﻌﻲ ﻟﺸﻔﺎﻳﻔﻲ ... ﺗﻮﻭﻭﻭﺑﻪ ﻛﺬﺑﻪ ﺑﻴﻀﻪ ﻭﺍﻟﻠﻪ
ﺳﺎﻕ ﺍﻟﺴﻴﺎﺭﻩ ﻭﺭﺩ ﺑﻌﺪﻡ ﺍﻫﺘﻤﺎﻡ ... ﻫﺎﻱ ﻣﺎﻝ ﺟﺬﺑﻪ ﺑﻴﻀﻪ ﺳﻮﻟﻔﻴﻬﺎ ﺍﻟﻌﺸﻴﺮﺗﺞ ﻭﺍﻧﻲ ﺧﻄﻴﺘﻲ ﺑﺮﻛﺒﺘﺞ
