သစ္စာနွယ်တော်ပျော်မွေ့ရာ[ ‌Completed]

အပိုင်း၃။ အကြင်သူ

Uni

မနက်မိုးသောက်ချိန်။
နှင်းဆီမြိုင်စံအိမ်၌ဝယ် အဆိုရှင်မမေရှင်၏ သီချင်းသံများဖြင့်ဖုံးလွမ်းလို့နေသည်ဖြစ်သည်။ အကြောင်းသည်ကား စံအိမ်ပိုင်ရှင် မမချိုသည် မမေရှင်၏ အကြီးစားပရိတ်သတ်တစ်ယောက်ဖြစ်သည့်အတွက်ပင်ဖြစ်သည်။ ဤသည်ကြောင့် စံအိမ်တွင် မမေရှင်၏ သီချင်းသံကိုမကြားမလပ်ရသည့်နေ့ မရှိပေ။

ယနေ့မနက်ခင်း၌လည်း မမေရှင်နှင့်‌ေအဝမ်းတင်‌ေမာင် သီဆိုထားသည့် ရုံး‌ေတာ်လွတ်တော် ဆိုသည့်သီချင်းသံသည်ကား စံအိမ်တစ်ခုလုံးကို လွမ်းခြုံလို့ထားတော့သည်။

(သဘာဝကို ပုံထင်ပြကာ
ထိကရုန်းကလေးလေးများလို
လူတွေ့ရင်မူကာနွဲ့ကာ
ယိမ်းနွဲ့ခင်ပျို🎶🎶🎶)

အနွယ် အောက်ထပ်ကို ဆင်းလာရင်း တနေ့တခြားမရိုးရအောင်ကြားနေသည့် မမေရှင်၏ သီချင်းသံများကြောင့်ခပ် နွဲ့နွဲ့ပြုံးမိသည်။

ထမင်းစားဆောင်သို့လျောက်သွားလိုက်ပြီး ပြင်ဆင်ပေးထားသည့် မနက်စာဝိုင်းထဲမှ လဘ္ကက်ရည် ချိုပေါ့တစ်ခွက်နဲ့ နံပြားတစ်ချပ်ကိုသာယူပြီး အိမ်ရှေ့ဧည့်ခန်းကို ယူသွားလိုက်သည်။ စားပွဲပေါ်မှာဘိလပ်က လာသည့် မုန့်မျိုးစုံ တင်ထားသော်ငြားလည်း အနွယ်ကတော့ နံပြားနဲ့လဘ္ကက်ရည်ကိုသာ နှစ်သက်သည်။

အနွယ် လဘ္ကက်ရည်ခွက်ထဲကိုနံပြားချပ်ကို တစ်ခါစားဖွယ် အပိုင်းလေး ပိုင်းလိုက်ပြီး လဘ္ကက်ရည်ခွက်ထဲသို့ နှစ်လိုက်သည်။ ဒီလို တို့စားရသည်ကို အနွယ် လွန်စွာပင်နှစ်ချိုက်သည်။

အရသာခံကာစားနေတုန်း ဧည့်ခန်းထဲသို့ ယိုင်နဲ့နဲ့ဝင်လာသောမမချိုကြောင့် အနွယ်မှာကြောင်အလျက်။

အနွယ့်ဘေးမှာဝင်ထိုင်ပြီး သက်ပြင်းတချချဖြင့် ထိုင်ခုံပေါ်မှာလျောထိုင်နေသည့် မမချိုကိုလျစ်လျူရှုပြီး လဘ္ကက်ရည်အသောက်မပျက်ပဲကြည့်နေလိုက်သည်။ အတော်ကြာသည်ထိ လျစ်လျူရှုထားသော်ငြားလည်း သေတော့မဲ့ဆဲဆဲရုပ်ကြောင့် အနွယ့်မှာ ထပ်မနေနိုင်ပဲမေးလိုက်တော့သည်။

" မမချို ဘာဖြစ်နေတာလဲ ပုံစံက နုန်းနေပုံရတယ် ဖျားနေတယ်လား မမချို"