" ဪ..."
ရွှေစင်က ခြေသံကြားသဖြင့် အိမ်ရှေ့ကိုအပြေးတပိုင်းထွက်လာပြီးမှ ဝင်လာသူကိုမြင်လျင် ရုတ်တရက်ဘာပြောရမှန်းမသိပဲ ခြေလှမ်းကိုရပ်တန့်လိုက်မိပါသည်။ဖြူဖွေးဆွတ်ကာ ကြွရွကားစွင့်နေသော ဂန္ဓမာအဖြူတွေတပွေ့တပိုက်နဲ့ လှပသော မိန်းကလေးကို မြင်ဖူးနေမှန်းတော့သိကာ ပြုံးလျက်ကြည့်နေမိဆဲ။
" ဘွားအတွက် ပန်းလာပို့တာပါ....မမကြီး..."
" ရွှေစင်ရေ...အပေါ်ကိုလွှတ်လိုက်.... ဘွားခေါ်ထားတာ..... အေး...အေး မဩလာခဲ့..."
အသံနှစ်ခုကပြိုင်တူထွက်လာတာမို့ လှေကားအရင်းက ဘွားကိုမော့ကြည့်ကာ " ဟုတ်ကဲ့..ဘွား.."ဟုဖြေလိုက်ပြီး မိန်းကလေးကိုပါပြုံးပြကာ ...
" တက်သွားလိုက် ညီမလေး..."
"ဟုတ်ကဲ့..."
ကိုယ်လုံးလှလှသွယ်လျလျနဲ့ ဆံပင်ရှည်တွေယိမ်းနွဲ့ကာ လှေကားထစ်တွေအတိုင်းတက်သွားတဲ့ မိန်းကလေးကို ခဏရပ်ကြည့်နေပြီးမှ ရွှေစင်က နောက်ဖေးဘက်ကိုပြန်ဝင်လာခဲ့ပါသည်။
ဘယ်သူပါလိမ့်...မြင်ဖူးလိုက်တာ....ခြံထဲကပဲထင်ပါရဲ့.... ရွှေစင်ကတော့ ပန်းစိုက်ခြံထဲမရောက်တာကြာပြီ... အိမ်ထောင်ကျပြီးအဝေးကိုပါသွားတော့ ခြံနဲ့အဆက်အသွယ်ပြတ်သွားလိုက်တာ... အသစ်ဝင်တဲ့လူတွေဆိုရင် သိတောင်မသိတော့... သူက ရွှေစင့်ကို ချမ်းတို့ခေါ်သလို မမကြီးလို့ခေါ်လိုက်တာမို့.... မကြာခဏပင် ဒီပါချမ်းမြကိုအဝင်အထွက်ရှိတဲ့သူဖြစ်မှာပဲ....
"ဘယ်သူလာတာလဲ ရွှေစင်.."
ဒေါ်ဝင်နီက oven ကိုဖွင့်ကာ ကွတ်ကီးဗန်းကလေးကို ဆွဲထုတ်ရင်း လှည့်မေးသည်။
" ကောင်မလေးတစ်ယောက်ပဲ အန်တီဝင်နီ... ပန်းလာပို့တာထင်တယ်.."
"ဪ...ဥဩထင်ပါရဲ့.... ဆံပင်ရှည်ရှည်နဲ့လား.."
" ဟုတ်တယ် အန်တီဝင်နီ... ဆံပင်ရှည်ရှည်နဲ့လှတပတလေးပဲ...သူကခြံထဲကလား..."
" ဟုတ်တယ်လေ... ရွှေစင်မြင်ဖူးမှာပါ.... သူကငယ်ငယ်ထဲက ခြံထဲမှာလာနေတာပဲ...."
" သိပ်မမှတ်မိဘူး.... ငယ်ရုပ်ကိုမဖမ်းမိတာထင်ပါရဲ့....သူက သမီးကို မမကြီးတဲ့.."
