Unicode"ဖုကျစ်ယွီ" ဆိုသော စကားလုံးကသူ့ဖုန်း စခရင်တွင်ပေါ်လာလေသည်။ သူသည် ရှီယွင်နန်ရဲ့ နိုင်ငံခြားက အခင်ဆုံးသူငယ်ချင်းဖြစ်၏။
ရှီယွင်နန်သည် သူ့ရဲ့ ရောင်ရမ်းနေသော နားထင် များကို ပွတ်သပ်လိုက်ကာ ဖုန်းကိုင်လိုက်သည်။နောက်တစ်စက္ကန့်မှာပဲ တစ်ဖက်မှ ကျယ်လောင်သော သီချင်းသံများ ထွက်ပေါ်လာလေသည်။
"မင်း ဘားရောက်နေပြန်ပြီလား? အရမ်းဆူညံနေတာပဲ။ "
"ခဏလေး" ဖုန်းက တိတ်ဆိတ်တဲ့နေရာမရောက်ခင် ထိ အတော်ကြာအောင် ဆူညံနေသည် ။ တစ်ဖက် တွင် ဖုကျစ်ယွီကပြောလာလေသည်။ "ငါ မင်းကို စာတွေ အများကြီး ပို့ထားတယ်၊ ဒါမယ့် မင်းက တစ်စောင်မှ ပြန်မပို့ဘူးလေ။ သခင်လေးရှီ အဆင် ကော ပြေရဲ့လား?"
ရင်းနှီးတဲ့ သူငယ်ချင်းအနေနဲ့၊ ရှီယွင်နန် ပြန်သွားပြီဖြစ်ကြောင်း ဖုကျစ်ယွီသိထားလေသည်။
"ဘာတွေ ဖြစ်လို့လဲ? ငါမြင်တာတော့ လူအိုကြီးကကျန်းမာရေးကောင်းနေတာပဲ၊ နောက်နှစ်ပေါင်း ခုနစ်ဆယ်၊ ရှစ်ဆယ်လောက်တောင်နေနိုင်မယ်ထင်တယ်။"
ရှီယွင်နန် မနေ့ညက ညစာ စားပွဲမှာ ကြုံခဲ့ရတဲ့အဓိပ္ပာယ်မရှိတဲ့ အကြောင်းကို သူ့သူငယ်ချင်းကို ဟာသအနေနဲ့ ပြန်ပြောပြလိုက်သည်။
ဒါကို နားထောင်ပြီးနောက် ဖုကျစ်ယွီချက်ချင်း ညည်းညူတော့သည်။
"မဖြစ်နိုင်တာ၊ သူတို့ ဦးနှောက်တွေက ဘာဖြစ် သွားတာလဲ?"
"သူတို့က မင်းကို နိုင်ငံခြားမှာ နှစ်တွေအကြာကြီး ပစ်ထားတာ။ အခု ကုမ္ပဏီမှာ ပြဿနာတက်လာတော့ အကျိုးခံစားခွင့်ရအောင် လဲလှယ်တဲ့နေရာမှာ မင်းကို အသုံးချချင်ကြတယ်ပေါ့ ? ဖွီ !"
"ငါပြောရမယ်ဆိုရင် မင်းအစ်ကိုလို အရင်တုန်းက ဝမ်မိသားစုဆီ လိုက်သွားသင့်တယ် ၊ဒီဒေါသတွေ ခံစားရအောင် ဘာလို့ ရှီမိသားစုမှာနေနေတာလဲ?"
ရှီယွင်နန် ငြင်းဆန်ခြင်းမရှိဘဲ မျက်ခုံးသာပင့်လိုက်သည်။
တကယ်တော့ သူ့မှာ အမြွှာအကိုတစ်ယောက်ရှိ၏။ မားမားရှီဆုံးပါးသွားသောအခါတွင် ညီအကိုနှစ် ယောက်မှာ အသက်ခုနစ်နှစ်ရှိနေပြီဖြစ်သည်။ ခမည်းခမက်ဟုထင်ရသည့် ရှီနှင့် ဝမ်မိသားစုသည် ထိုအချိန်တွင် အငြင်းပွါးမှုများစွာ ဖြစ်ပွားခဲ့ပြီး ညီအစ်ကိုနှစ်ယောက်ရဲ့ အုပ်ထိန်းမှုအတွက်ပင် ရန် ဖြစ်ခဲ့ကြသည်။
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.