Unicode
ငါ ကျင်းရှန့်ရဲ့ ဧည့်ခန်းမှာ စိတ်မသက်မသာနဲ့ ထိုင်နေရတယ်။
ကျင်းရှန့်က ဆိုဖာပေါ်မှာ မှောက်လျက် လှဲလျောင်းနေပြီး မလှုပ်မယှက်နေ,နေတယ်။ သူ ဒီလိုနေ,နေတာ သုံးနာရီလောက်ရှိနေပြီ။
လွန်ခဲ့တဲ့ ၃ နာရီလောက်က ငါ သူ့နေရာကို ရောက်လာခဲ့တယ်။ ဒါကြောင့် သူ အဲ့ဒီမှာ ဘယ်နှစ်နာရီလောက် လှဲနေလဲဆိုတာတော့ ငါ မသိဘူး။
သူ့အိမ်သော့ကို ဘယ်မှာဝှက်ထားလဲဆိုတာ ငါပဲ သိတယ်။
အရင်က သူလုပ်ခဲ့တဲ့ သီချင်းမှာ သူ့ရဲ့ဖုန်းနံပါတ်မပါဘူး။ သူ့ရဲ့အိမ်သော့ကို ဘယ်မှာဝှက်ထားတယ်ဆိုတာကိုပဲ ပြောပြထားတာ။
သူ အသက်ရှူတာ ပုံမှန်မဟုတ်ဘူးဆိုရင်တော့ ငါ ဆရာဝန်ကို ခေါ်ရလိမ့်မယ်။
ပြီးတော့ သူ့အိမ်ရဲ့ ကြမ်းပြင်ပေါ်မှာ အမှိုက်ကျနေတဲ့ သစ်သီးခွံတွေက သူ အသက်ရှင်နေသေးတယ်ဆိုတာကို ညွှန်ပြနေတာဖြစ်နိုင်တယ်။
ကျင်းရှန့်က လည်ချောင်းကို ကာကွယ်ဖို့လိုအပ်တာကြောင့် အရက်လည်းမသောက်သလို ဆေးလိပ်လည်း မသောက်ဘူး။ သူက သူ့ရဲ့ပုံရိပ်ကိုလည်း ထိန်းထားရတာမို့ ချောကလက်လည်း မစားချင်ဘူး။ ဒါကြောင့် သူ စိတ်မချမ်းသာတဲ့အချိန်တိုင်း အသီးအနှံနဲ့ အသီးအရွက်တွေကို စားတယ်။
အဲ့ဒါက သူ့သီချင်းထဲမှာ ရေးထားတာတွေ။
အမှန်တော့ ငါ ဒီနေရာကို ဟမ်းခေါ်လို့ လာခဲ့ရတာ။ ဟမ်းက သူ့အတွက် အထူးပြုလုပ်ပေးထားတဲ့ တံခါးငယ်လေးကနေ ပြေးထွက်လာတာဖြစ်မယ်။ သူက ငါ့တိုက်ခန်းကို ရောက်လာပြီး တံခါးကို အချိန်အတော်ကြာအောင် ကုတ်တယ်။ ပြီးတော့ ငါ့ဘောင်းဘီခြေထောက်ကို ဆွဲပြီး ဒီကို ခေါ်လာခဲ့တယ်။
ဟမ်းက တကယ်ကို သစ္စာရှိပြီး ရဲရင့်တဲ့ ခွေးကောင်းတစ်ကောင်ပါ။ ငါ ကြမ်းပြင်ပေါ်မှာ ဆယ့်ငါးမိနစ်လောက် လှဲအိပ်နေခဲ့တဲ့အချိန်တုန်းက သူ ငါ့ကို လုံးဝလျစ်လျူရှုခဲ့တာက လွဲလို့ပေါ့လေ။
ငါ သူ့ကို ကျောင်းကုန်းဇီဆီကို ပေးလိုက်ပြီး, အဲ့နောက် သူ့ကို ကျင်းရှန့်ဆီ အပ်လိုက်တာက အကြောင်းအရင်းရှိတယ်။ သူက ငါ့ကိုမချစ်ဘူးလေ။ ဒါကြောင့် ငါ အတင်းအကြပ်မလုပ်ဘူး။ အနှေးနဲ့အမြန် သူ့နေရာမှာ ငါ့ကို ချစ်မယ့် ကြောင်လေးတစ်ကောင် ရှိလာလိမ့်မယ်။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
