Unicode
ငါ့မှာ အပြင်ထွက်ပြီးတော့ စျေးဝယ်ရုံကလွဲလို့ ဘာမှလုပ်စရာမရှိဘူး။ ငါ အိမ်ပြန်ရောက်တော့ ဗိုလ်မှူးလေးဟောင်က ငါ့တိုက်ခန်းရဲ့ ဧည့်ခန်းထဲမှာ ရပ်နေတာကို တွေ့လိုက်ရတယ်။ သူက ငါ့ရဲ့ ကော်ဖီစားပွဲအသစ်ပေါ်မှာ သူ့သေနတ်ကို ပြင်းပြင်းထန်ထန်ပစ်ချလိုက်ပြီး ကျင်းရှန့်ကို ခြိမ်းခြောက်နေတယ်, "မင်းက ဘာကို အတိအကျလုပ်ချင်နေတာလဲ?"
ကျင်းရှန့် ဘာလုပ်ချင်တယ်ဆိုတာကို ငါ မသိဘူး။ ဒါပေမယ့် ငါ အသစ်ဝယ်ထားတဲ့ ကော်ဖီစားပွဲလေးကို သနားပါလို့တော့ သူ့ကို တောင်းပန်ချင်တယ်။ ငါ အဲ့ဒါကို ဝယ်ဖို့အတွက် အချိန်ပိုလစာကို သုံးလလောက် စုဆောင်းခဲ့ရတာ။
ဒီအချိန်တွေအားလုံး ပြီးသွားတဲ့နောက် ကျောင်းကုန်းဇီဟာ အရာဝတ္ထုတွေကို မြတ်နိုးတန်ဖိုးထားတတ်လာပုံရတယ်။ အစက သူ ဆိုဖာပေါ်မှာထိုင်ပြီး ဘာမှမပြောဘဲ သတင်းစာဖတ်နေပေမယ့် အခုတော့ သူက သတင်းစာကို ကော်ဖီစားပွဲပေါ် ပစ်ချလိုက်ကာ "လောင်ဇီရဲ့ ကော်ဖီစားပွဲနဲ့ ခပ်ဝေးဝေးနေပါ" လို့ အော်လိုက်တယ်။
ဗိုလ်မှူးဟောင်က သူ့ကို ဂရုမစိုက်ဘဲ မကြားချင်ယောင်ဆောင်နေခဲ့တယ်။ သူက ကျင်းရှန့်ကိုပဲ ဆက်လက်စူးစိုက်ကြည့်နေတယ်။
ကျင်းရှန့်က ငါ့ကို တစ်ချက်ကြည့်လိုက်တယ်။ သူ့ပုံစံက စိတ်မသက်မသာဖြစ်နေပုံရပြီး နောက်ဆုံးမှာတော့ သူက ပြောလိုက်တယ်, "ဗိုလ်မှူးဟောင်, အပြင်မှာ စကားပြောကြမယ်, ကျောင်းကုန်းဇီနဲ့ မစ္စတာကျူးကို အနှောက်အယှက်မပေးပါနဲ့"
"မင်းသာ ဒီနှစ်ယောက်ကို အနှောက်အယှက်ပေးမှာကို စိတ်ပူတယ်ဆိုရင် ဒီကို လာနေမှာမဟုတ်ဘူးလေ", ဗိုလ်မှူးဟောင်က ကော်ဖီစားပွဲပေါ်ကသေနတ်ကို ဆွဲယူလိုက်ပြီး ကျင်းရှန့်ရဲ့လက်ထဲကို ထည့်ပေးလိုက်တယ်, "ဒီနေ့ မင်း ငါ့ကို ထားခဲ့မှာလား, ဒါမှမဟုတ် မင်း ငါ့ကို ပစ်သတ်မလား"
အဲ့ဒါကြောင့် ကျင်းရှန့်ဟာ ကျောင်းကုန်းဇီရဲ့ စိတ်အနှောက်အယှက်ဖြစ်စရာမကောင်းတဲ့ ရှားရှားပါးပါး သူငယ်ချင်းလို့ ငါ ပြောခဲ့တာ။ ကျောင်းကုန်းဇီရဲ့ သူငယ်ချင်းတွေက "မင်း __ ကို လုပ်, မဟုတ်ရင် မင်း ငါ့ကို ပစ်သတ်ရမယ်" ဆိုပြီး အမြဲပြောလေ့ရှိကြတယ်။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
