Unicode
အခန်း-၅၂ စကားလုံးဖြင့် ဖော်ပြရန်မှာ ခက်ခဲလှသည်။
[သရုပ်ဆောင်မှုအား စွဲလမ်းခြင်း... ]
စုယန်၏ စိတ်ဓာတ်ကျနေသော အမူအရာကို မြင်လိုက်ရသောအခါ ကုဖေးတိသည် စုယန်၏နားသို့ ကပ်ကာ တိုးညှင်းစွာ ပြောလိုက်သည်။
"မင်းငါ့ကိုအဆိပ်ဖြေဖို့ တစ်နေရာရာဆီ ခေါ်သွားမယ်လို့ ပြောခဲ့တယ်နော်။ ပြီးတော့ ဒီနေ့ကျ မင်းက မြေမျက်နှာပြင်ကို ဂရုတစိုက် စောင့်ကြည့်နေတယ်... ငါ့အထင် မင်းပြောတဲ့နေရာက သခင်ငယ်ဖြစ်တဲ့ မင်းကိုယ်တိုင်တောင် ဆန္ဒရှိသလို မသွားနိုင်တဲ့ တားမြစ်နယ်မြေတစ်ခု ဖြစ်နေတာများလား"
ကုဖေးတိသည် အလွန်ထက်မြက်ကြောင်း စုယန်သိသော်လည်း အချိန်အတိုလေးအတွင်း ဤမျှလောက် မှန်ကန်စွာ ခန့်မှန်းနိုင်လိမ့်မည်ဟု မမျှော်လင့်ထားခဲ့ပေ။
သို့သော်လည်း သူသည် ၎င်းကို ဖုံးကွယ်ထားရန် အစီအစဉ်မရှိပါ။ မည်သို့ပင်ဆိုစေ မိစ္ဆာဂိုဏ်း၏ တားမြစ်နယ်မြေထဲသို့ ဝင်ခြင်းသည် သူတို့နှစ်ဦး အတူတူ လုပ်ရမည့်အလုပ်ပင်။
စုယန်က ပေါ့ပါးစွာရယ်မောလိုက်ပြီး အတွင်းအား သုံးကာ သူ့အသံကို ကုဖေးတိထံသို့ တိုက်ရိုက်ပို့လွှတ်လိုက်သည်။
"ငါတို့သွားမယ့်နေရာက ဂိုဏ်းချုပ်နေတဲ့ ဝါးဥယျာဉ် ကျွန်းဆွယ်ရဲ့အောက်ပဲ။ ရေမျက်နှာပြင်နားမှာ လှိုဏ်ဂူတစ်ခုရှိတယ်။ အဲဒီလှိုဏ်ဂူထဲမှာ မိစ္ဆာဂိုဏ်းရဲ့ ရှေးဟောင်းကျမ်းစာတွေ အများကြီးရှိတာကြောင့် ကူအဆိပ်ဖြေရှင်းနည်း မှတ်တမ်းတွေလည်း ရှိလောက်တယ်"
ကုဖေးတိက မေးလိုက်သည်။
"ရှိလောက်တယ်?"
စုယန်က သူ့နှုတ်ခမ်းတွေကို ပွတ်သပ်ရင်း ပြန်ဖြေ၏။
"ရှိမှာပါ"
"မင်းငါ့ကို ဒီခေါ်လာတာ နှစ်ညတောင်ရှိသွားပြီနော်" ကုဖေးတိက ဆိုသည်။
"မိစ္ဆာဂိုဏ်းချုပ်ကို တစ်ခါမှ မတွေ့မိသေးဘူး။ သူက တံခါးပိတ်ကျင့်နေတာလား?"
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
