Unicode
ဘေးနောက်ခန်းတွင် တရှူးရှူးအိပ်ပျော်နေသော အီဂျူးရှိသည်။ ကြည့်ရသလောက်တော့ နာကျင်မှုတစ်စုံတစ်ရာပင် မရှိသည့်အလား နှစ်နှစ်ခြိုက်ခြိုက်အိပ်ပျော်နေလျက်။ မည်သို့မည်ဖုံဖြစ်သွားသလဲ၊ အီဂျူးအဆင်မှပြေသလား မေးခွန်းထုတ်ချင်သော်ငြား နံဘေးရှိကားမောင်းသူက တိတ်ဆိတ်နေ၍ ဘခ်ဟျွန်းလည်း အသံမထွက်ရဲ။
ချန်းယောလ်သည် ကားစမောင်းလာကတည်းက သူ့ထံ တစ်ချက်ပင်လှည့်မကြည့်ပါချေ။ စကားပြောလျှင်လည်း ပြန်မတုံ့ပြန်သလို အေးစက်စက်သာပြုမူနေ၍ ဘခ်ဟျွန်းတုပ်တုပ်မျှပင် မလှုပ်ရဲဘဲ နံဘေးတွင်သာငြိမ်ငြိမ်လေး လိုက်ပါလာရသည်။
ဓားခုတ်ကောင်နှင့်လည်း စိတ်ထဲကနေ အကြိမ်တစ်ရာမက အချင်းချင်းဆဲဆိုပြီးပြီမို့ မောပန်းလှပြီ။ ပိုဆိုးတာ ချန်းယောလ်အပြုအမူတို့ကြောင့် စိတ်ထဲလေးပင်လှသလို၊ သူမှားသည်ကို သိသော်ငြား မတုံ့ပြန်သောသူကို မည်သို့တောင်းပန်ရမလဲမသိ။ ဓားခုတ်ကောင်ကတော့ လမ်းပိတ်ထားသောနှစ်ကောင်ကို ရှင်းလိုက်ပြီဟုဆိုသော်ငြား မည်သို့ရှင်းလိုက်သလဲ ဘခ်ဟျွန်းမသိရ။ သတ်လိုက်သလား၊ အကျိုးအကန်းဖြစ်အောင်ပဲ လုပ်လိုက်သလား။ မည်သို့ပင်ဆိုစေ ၎င်းတို့သည် ဘခ်ဟျွန်းတို့ကျောင်းက ကျောင်းသားများဖြစ်နေဆဲသာဖြစ်သည်မို့ ပြဿနာတစ်စုံတစ်ရာ တက်လာမည်ကို စိုးရိမ်သော်ငြား လောလောဆယ်တော့ ချန်းယောလ်စိတ်ဆိုးနေသည့် ပြဿနာက ပိုကြီးကျယ်သည်။
ဘခ်ဟျွန်းလက်က ပေါင်ပေါ်ရှိလွယ်အိတ်ကို ခပ်ဖွဖွကုတ်ခြစ်နေမိပြီး မည်သို့အိမ်ကို ပြန်ရောက်လာသလဲပင် မသိလိုက်။ ချန်းယောလ်သည် ကားစက်သတ်ပြီးသည်နှင့် ဘခ်ဟျွန်းအားစကားပြောလာ၏။
"အထဲဝင်နှင့်"
မေးခွန်းများထုတ်ချင်နေသော်ငြား ယခုအခြေအနေသည် အချိန်ကောင်းမဟုတ်၍ ဘခ်ဟျွန်းတွင် လိုက်နာဖို့မှလွဲ၍ ငြင်းဆန်စရာမရှိ။ ခေါင်းညိတ်ပြကာ အသာစောင်းငဲ့ခိုးကြည့်တော့ ဘခ်ဟျွန်းကိုမကြည့်ဘဲ ရှေ့တူတူသာကြည့်နေသော ထိုလူကိုတွေ့ရသည်။
YOU ARE READING
The LOEY
Fanfictionတောတောင်ရေမြေတို့၏ သဘာဝတရားသည် စောင့်ရှောက်သူနှင့် ကြင်ရာတော်အပေါ် မူတည်၍ဖြစ်တည်သည်။ ကြင်ရာတော်၏စိတ်သည် သဘာဝတရားဖြစ်ပြီး စောင့်ရှောက်သူက ထိုသဘာဝတရားကို ထိန်းညှိသည်။ [ ဤဇာတ်လမ်းတွင် ပါဝင်သော အကြောင်းအရာများသည် စိတ်ကူးယဥ်ဖန်တီးမှု သက်သက်သာဖြစ်၏။ ] ~ ...
