2006 ခုနှစ်၊ August (5)ရက်။
တရုတ်နိုင်ငံ လော့ရန်မြို့၊ ယဉ်ကျေးမှုအမွေအနှစ်တို့ ထွန်းကားရာ၊ မင်းဧကရာဇ်တို့ စိုးစံခဲ့ရာမြို့တော်။
မျက်မှောက်ခေတ်မှာတော့ ခိုးဆိုးလုယက်မှုတို့ ဖြစ်ပွားရာ၊ လူဆိုးလူမိုက်တို့ မင်းမူရာမြို့။
"ပါပါး.. ဒီနေ့ သားသားမွေးနေ့ လျှောက်လည်မယ်လို့ ကတိပေးထားတယ်နော်။ "
"သားသားမွေးနေ့အတွက် ပါပါးခွင့်ကြိုယူပြီးသားပါကွ။
အားလျန်ရေ.. မင်းသားလေးကို ရေချိုးအဝတ်အစားလဲပေးလိုက်ပါဦး။ ကိုယ်တို့ဒီနေ့တစ်နေ့လုံး လျှောက်လည်ရအောင်။ "
ဇနီးသည်ကိုလှမ်းပြောအပြီး ဝမ်ရိဟန် သက်ပြင်းချလိုက်သည်။ သူက လော့ရန်မြို့ကို လူဆိုးလူမိုက်တွေရန်က ကာကွယ်ပေးနေတဲ့ ရဲမှူးအနေနဲ့ တာဝန်ဝတ္တရားတွေ ကျေပွန်ခဲ့ပေမယ့် သူ့ကိုယ်ပိုင်မိသားစုလေးရဲ့ တာဝန်ကိုတော့ လစ်ဟင်းနေတာကြာပြီ။
ကလင်... ကလင်....
"အမိန့်ရှိပါ။ "
" ..... "
"ကောင်းပြီ။ ငါအခုလာခဲ့မယ်။ "
"အားလျန်ရေ ဒီကိုခနလာပါဦး။ "
ဇနီးသည်ရောက်လာသည့်နှင့် သားလေးမကြားအောင် လေသံအုပ်အုပ်ဖြင့်
"ဌာနက ဖုန်းဆက်တယ်။ အရေးကြီးတဲ့ ကွင်းဆက်လူသတ်တရားခံကိုဖမ်းဖို့ သဲလွန်စရပြီ။ အဲ့တာကိုယ်အခု ဌာနကို သွားရမယ်။
သားလေးကို မင်းပဲ ဖြောင်းဖျပြီး ကစားကွင်းခေါ်သွားလိုက်နော်။ ကိုယ် ညအမှီ ပြန်လာခဲ့မယ်။ "
"ကောင်းပါပြီ။ သားလေးကို ကျွန်မကြည့်ပြောထားလိုက်ပါမယ်။ "
"တောင်းပန်ပါတယ် အားလျန်။ "
"မလိုပါဘူး။ ရှင်သာ ဘေးမသီ ရန်မခနဲ့ အိမ်ကိုပြန်ခဲ့ပါ။ "
ဒီကွင်းဆက်လူသတ်သမားက လူ(၁၈)ယောက်တိတိ သတ်ခဲ့တာ။ လွန်ခဲ့တဲ့(၅)နှစ်လောက်ကတည်းက တောက်လျှောက်ဖြစ်ပွားနေတဲ့ ပုံစံတူ လူသတ်မှုတွေကို အမှုမှန်မပေါ်တဲ့အဆုံး ဝမ်ရိဟန်ကိုယ်တိုင် ဒီအမှုကို ကိုင်တွယ်နေတာ။
YOU ARE READING
Guardian Devil [Completed]
FanfictionOf course, I'll protect you. Because you are my favourite living doll. **** Zhanyi . . [Cover photo fully credits to original uploader.]