Unicode
အခန်း-၅၆ ရေခဲဝိညာဉ်နှင့် သံသယ။
[ဇာတ်ကွက်မှာ... အဖျက်ပိုးရှိနေတာလား?]
"လျှာကိုကိုက်ရမယ်... နှုတ်ခမ်းနဲ့သွားအကြား နေရာလွတ်မရှိစေဘဲ... သွေးမျှဝေရမယ်..."
စုယန်သည် ရေးထွင်းထားသော စာကြောင်းများကို တိတ်တဆိတ်ဖတ်လိုက်သည်။ ၎င်းတို့သည် မည်သည်ကိုဆိုလိုမှန်း သူနားလည်အောင် အချိန်အတန်ကြာခဲ့၏။
စာကြောင်းထဲတွင် ဖော်ပြထားသည့် မြင်ကွင်းက သူ၏မသိစိတ်တွင် ကွင်းကွင်းကွက်ကွက် ပေါ်ပေါက်လာသည်။ စုယန်သည် သူ၏ဦးရေပြား ထုံကျင်သွားပြီး ရင်ဘက်တစ်ခုလုံး ပူလောင်လာကာ အေးစက်သောချွေးများ ယိုစိမ့်လာသည်ကို ခံစားလိုက်ရသည်။
ကုဖေးတိကို အဆိပ်ဖြေဖို့က နှုတ်ခမ်းချင်းနမ်းဖို့ လိုသေးတာလား!
"ညင်သာစွာလက်ခံယူ၊ ပျော့ပျောင်းစွာ ထိန်းကျောင်းပြီး ခမ်းခြောက်စေ.. အဲဒီလိုမျိုး သုံးကြိမ်တိုင်တိုင်လုပ်ရမယ်.."
ဒီဝါကျအရ ကုဖေးတိကို လျှာနဲ့နမ်းရုံတင်မကဘဲ အဆင့်သုံးဆင့်ကိုလည်း သုံကြိမ်တိုင်တိုင် ထပ်လုပ်ရအုံးမှာပေါ့လေ။ ဒါက အနည်းဆုံး ဆယ်မိနစ်လောက်ကြာမှာလို့ ဆိုလိုချင်တာမဟုတ်လား?
မူရင်းစာရေးဆရာရဲ့ ကိုယ်ကျင့်သိက္ခာကို သွားယုံကြည်လို့ မရဘူးပဲ!
သူက မိန်းကလေးတစ်ယောက်တောင် ဟုတ်ရဲ့လား!
သို့သော်လည်း မူလဇာတ်လမ်း၌ ဇာတ်လိုက်ကို အဆိပ်ဖြေရန်မှာ ဇာတ်လိုက်မ၏တာဝန်သာ ဖြစ်သောကြောင့် ဤအဆိပ်ဖြေခြင်းနည်းလမ်းသည် သာမန်မဟုတ်နိုင်ကြောင်း သူ ခန့်မှန်းခဲ့သင့်သည်။
ဒါပေမယ့်... အခု ဇာတ်လိုက်မက ဒီမှာရှိမနေဘူးလေ!
ဇာတ်ကွက်တွေကို အမြဲပြိုကျအောင်လုပ်နေတဲ့ မိစ္ဆာဂိုဏ်းရဲ့သခင်ငယ် သူကိုယ်တိုင်ကလွဲရင် ကုဖေးတိကို အခြားဘယ်သူက အဆိပ်ထုတ်ပေးနိုင်မှာလဲ?
ထိုအတွေးဝင်လာသည်နှင့် စုယန် အနည်းငယ် ကျေးဇူးတင်မိသွားသည်။ ကံကောင်းထောက်မစွာ ဤစာရေးဆရာသည် နှစ်ကိုယ်တူကျင့်ကြံခြင်းကဲ့သို့ ပို၍လွန်ကဲသော အဆိပ်ဖြေနည်းမျိုးကို မရေးမိအောင် ချုပ်တည်းနိုင်ခဲ့သည်။ သို့မဟုတ်ပါက သူ ကိုယ့်ကိုကိုယ် သတ်သေရန် နောက်တဖန် ကြိုးစားမိပေလိမ့်မည်။
YOU ARE READING
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
Historical FictionBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
