Beneath The Clouds (Passion Series #2)

Chapter 53

Mabuti na lang ay tumahan na si Shekainah bago dumating si Rence na bagong ligo lang. Nilapitan ko kaagad siya at niyakap. Si Shekainah naman ay ngumiti sa kaniya at ginantihan niya rin ng ngiti ang babae.

"Hindi pa 'ko nakapagluto," si Rence 'tsaka ako inakbayan. "Baka gutom na kayo?" dugtong pa niya ay isa-isa kaming binalingan ni Shekainah. "Sige na, magluluto muna ako ng makakain natin."

"Ako na lang ang magluluto," biglang prisinta ni Shekainah. "Wala rin naman akong gagawin, eh."

"Maiwan ko muna siguro kayo dahil uuwi ako ngayon," I said that caught their attentions. "Mauna na lang ako, magpapasundo lang ako kay Han."

"Iiwan mo kami na kami lang dalawa?" si Rence. "Are you sure, Rai?" paninigurado niya pa. "Baka magselos---"

"Wala naman akong dapat pang pagselosan, eh, may tiwala naman ako sa inyo pareho," I said and glanced at Shekainah. "Ikaw na ang bahala rito, Shek."

"Ihatid na lang siguro kita, Rai," Rence insisted. "Umuulan sa labas at baka mapa'no ka."

"Umuulan?" tanong ko pa. "At ayos lang, Rence. Hindi mo na ako kailangan pang ihatid dahil magpapasundo naman ako kay Han. Iingat naman kami---"

"Why he need to fetch you?" Gumalaw ang panga ni Rence. "Nandito naman ako, ihatid na kita---"

"Nasa kay Han ang sasakyan ko, Rence," putol ko rin sa kaniya. "Han and I are just friends and he's already engaged with someone else so you don't have to worry about."

"He's engaged with someone else?" he asked unbelievably.

"Oo nga, unli lang?" natatawang saad ko pa bago siya ginawaran ng halik sa kaniyang pisngi. "Sige na, aalis na muna ako, babalik ako mamaya rito dahil pareho naman tayong walang gagawin. Kailangan ko lang umuwi ngayon para may ipakitang mukha sa kina Mommy at Daddy, baka magtaka na kasi sila, eh."

At kailangan ko ring umuwi dahil alam kong hahanapin ako ni Nero, maaga pa naman at minsan ay tulog pa iyon ng ganitong oras pero mas mabuting nandoon na 'ko. Kaya nang matapos kong pumaalam sa kina Rence at Shekainah ay umalis na kaagad ako at tinawagan si Han para magpasundo.

Naisip ko rin na dadaan muna kami sa kanila para makausap ang parents niya. Kahapon kasi ay hindi ako nakapagpaalam kay Tita na umalis dahil sa sobrang pagmamadali at gabi pa naman. Si Han ay pumayag namang sunduin ako at parating na raw siya.

Natutuwa naman ako kay Han kasi sa isang tawag ko ay nandiyan na siya kaagad. Halos ilang minuto lang akong naghintay ay may pamilyar na sasakyang tumigil sa harapan. Lumabas sa driver seat si Han na may dala-dalang payong. Kumaway kaagad ako sa kaniya, napangiti naman siya at halos takbuhin pa ang pagitan naming dalawa.

Umalis ako sa pinagsisilungan ko at lumapit sa kaniya, sumilong kami pareho sa payong na hawak niya. Inakbayan niya ako para lamang ipagkasya kami sa isang payong. Dali-dali naman kaming tumungo sa kaniyang sasakyan. Pinagbuksan niya muna ako ng pintuan sa shotgun seat, hinintay niya akong makapasok sa loob bago siya umikot sa kabila at pumasok din doon.

Sinara niya ang payong bago sinara ang pinto at kaagad na pinaandar ang makina ng sasakyan. Kaniyang kotse ang ginamit niya ngayon at mukhang iniwan niya yata sa kanila ang sasakyan ko. Tahimik lamang ako hanggang sa matahak na namin ang bahay nila. Nauna siyang bumaba, dala-dala ang payong at umikot na naman sa kabila para pagbuksan din ako pinto.

Sabay kaming pumasok sa loob ng kanilang bahay at saktong naroon pa ang kaniyang mga magulang, kasama nila si Aquisha. Ngumiti kaagad ako kay Aki, gumanti naman siya at nang dumako ang kaniyang tingin sa braso ni Han sa balikat ko ay umiwas kaagad siya ng tingin. Nakaakbay kasi ngayon si Han sa akin at kinalas ko naman iyon 'tsaka lumapit kay Tita at nakipagbeso-beso.