في بيت الجده نوره قبل ٣ سنوات
الجد وهو يعدل شماغه : تأخرنا على الصلاه الحقوا
الجده : سعود يامك تعال تبخر قبل تمشي
سعود وهو يرتب بوكه : يايمه متاخرين شويات و نرجع و بخرينا
عبدالعزيز باستعجال :ياسعود استعجل جدي معصب تحت
ركضوا وهم يروحون لسياره
الجد بحدّه وانظاره على سعود : وينك انت وياه متأخرين
صقر : مشيها يبا ذي المره بنتأخر
الجد : كل يوم ماخرينا لا الله الا الله خلونا باول الصفوف
هُمام : ان شاءالله باول الصفوف لا مشينا الحين
الجد: اعقب انت
هُمام : ابشر
في صالة بيت نوره:
ايلين باستغراب : اليوم بنروح العزيمه ولا ؟
الجده بعصبيه : شرايك انتي ؟
زينه : يمّه لا تعصبين تسأل بس
الجده : مو معصبه بس الناس يقربون لنا
ايلين : وش يقربون لنا ؟
زينه : مو يعني يقربون لنا يعني من بعيد
الجده : هاذا يابنتي ابو جدك الله يرحمه كان له صديق قريب له مره و يعزه و يغليه و يغلي جدك من غلى ابوه و كل سنتين يزورنا و الليله بنروح لهم عشان ماياخذون بخاطرهم مننا
ايلين : اها بس مالي خلق اروح
الجده : قومي ساعدي بنات عمك بس
ملاك من المطبخ : قومي يارفله ما غير تتفلسفين عندك
الجده : خلصي شغلك بس لاحد يغلط على بنيتي الرفاله انتم
غزل : يمه لا تعممين
فاتن : بدون ازعاج يابنات كل وحده تنتبه لشغلها
غزل وهي تتمد على الكنبه بتعب : اوف انا تعبت خلونا نرتاح شوي من الصباح نشتغل
الجده :بس تجهزون الفطور يجون عمانك وعياله وتفطرون
عزيزه بكراهيه : يمه خلي نوال تنزل تساعدنا
ايلين بحدّه: خليها الرفله ما تجي الا وقت الاكل المشفوحه
ملاك: والله انك صادقه
الجده بصوت خفيف : لا تسمعك غزل عيب وانا امك تتكلمين عنها كذا مهما يصير ذي زوجة عمكم !
زينه بنفس النبره : وهي صادقه يمه
الجده: اسكتي انتي ما غير تشيشين البنات على بعض !
زينه وهي تحط يدها على فمها : خلاص سكتنا
بدون مقدمات نزلت نوال وهي تتدلع : ماجهز الفطور للحين ؟
عزيزه بنفس النبره: لا ماجهز لو تحطين يدك معنا يمكن نخلص اسرع
نوال باستفزاز: لا مالي خلق اكل و سوات و شغل
زينه : اجل لك خلق على وش !
نوال وهي طالعه : مالي خلق لشيء لا جهز نادوني
غزل : معليش امي كذا دايم ما تسوي حاجه بس اقدر اسوي عنها
الجده : لا يامك عادي مو قصدهم انتي توفّين و تكفّين بعد
ملاك وهي تسحبها معاه للمطبخ : اساساً حنا كثير ماعليك نقدر عليها
بعد صلاة الظهر :
ايلين بملل: يمه ماكلمتوا الشغالات متى تخلص اجازتهم ؟
الجد وهو يدخل : لا يكون تعبناك لا تعبتي نخلي سعود يطبخ بدالك
تعالت صوت الضحكات من عمامها وعيالهم
سعود وهو يناظرها : من قال لك اعرف اطبخ
عبدالعزيز تمدد على الكنبه : تتعلم ماعليك
ايلين وهي تعدل جلستها: لا شدعوه ما اقصد تعبنا بس طولوا
محمد : يومين كذا و يجون ، ليه ماجيتو تسلمون علينا اليوم ؟
راحوا كلهم يسلمون على راس الجد و عمامهم
سعود وهو داخل المطبخ : يمه مطول الفطور
فاطمه وهي تضرب ايده : لا باقي له شوي لا تلمس
هُمام وهو يحضن امه : شكل اليوم الفطور تحفه
ايلين وهي تعدل لبسها بغرور: يعجبك ولا ما يعجبك لو ماخلصته لعنتك
هُمام وهو يمثل الزعل : لحول الله لا يكون انتي مسويته !
ايلين : ايوه اذا ما اكلت اصابعك وراه
عبدالعزيز : ابلش
ايلين : سد حلقك
فاتن : خلاص يعيال لا تشغلونا و يحرق الفطور
زينه : تعالو عندي لكم سالفه تعجبكم
ركضوا لها كلهم
زينه وهي تعدل ثوب سعود : اليوم بنروح عزيمه ابيكم تطلعون حلوين عشان يقولون طالعين على عمتهم زينه
سعود : عزيمة مين ؟
الجد : ذكرتيني الله يذكرك بالشهاده
ايلين : عزيمة ناس اصحاب ابو جدك زمان
عبد العزيز بارتياح لانه مو جاهز ابد : يعني مو مهمه
الجد : وشو ! شلون مب مهمه
عبدالعزيز وهو يفز : اقصد انه يعني ما يقربون لنا
الجد بحدّه: حتى لو ! لا اشوف واحد مب موجود تفهمون !
نايف :غزل يابوك ازهمي امك للفطور
الجد بعد ماطلعت غزل لامها : يابوك خلي مرتك تساعد الحريم عيب وحده من زوجاتك تشتغل و الثانيه لا
نايف : يايبا كلمتها بس مدري شفيها
عبدالعزيز وهو يبوس راس امه : الله يخليك لنا
الجد: كيف كلمتها من متى البنت ما تسمع كلام زوجها ولا اهله !!
الجده وهي تهدي الجد: خلاص ذي المره و بكلمها انا
نزلت نوال و غزل
