في الصاله عند الجد :
ياسعود تاخرنا ياسعود
سعود باستعجال : جايك جايك
صقر من المطبخ : وراه ما يروحون معاكم العيال ؟
الجد : اي بالله نادهم
سعود وهو يفتح الباب لجده : ماله داعي كلها نص ساعه و نرجع بعدين توهم قاموا من النوم
الجد : يلا يا ايلين
ايلين : يبا انتظر اكلم امي
سعود عقد حواجبه وبنبره معصبه :يالله صبرك
الجده : شفيك ياولدي ؟
سعود : مافيني الا العافيه بس ماحب الانتظار
في غرفة فاتن :
ايلين : يمه تكفين ماني بمطوله
فاتن وهي تعدل شكلها : وين تروحين وسط الشموس
صقر وهو داخل: خليها اساساً ماراح ينزلون من السياره
فاتن بحدّه: البنت ذي بتجيب اخرتي
ايلين وهي تبوسها : بس مره وحده
فاتن : خلاص روحي مدري وش اخرت الدلع ذا
باست راسها و نزلت
قرب الجد بيفتح الباب استغرب بدخول بنت
سعود وهو يلف : يمه تعالي في ضيفه
ساره وهي ترجف : ماني بضيفه
سحبها الجد من عرفها للمجلس و الانظار كلها عليها
سعود ب انزعاج من حريم عمامه و كلامهم : خلاص اسكتوا !
نوال : سعود لا يكون زوجته الثانيه !
سعود وهو يلف لها و نظره عن الف كلمه : مب زوجته
دخلت الجده عندهم و عيت ساره تفك عن وجهها
خلينا لوحدنا يانوره الجده : زوجتك ؟
فز الجد وهو يناظرها : صاحيه انتي ! قلت لك خلينا بلحالنا
الجده طلعت وهي معصبه
الجد : ياسعود
سعود : هلا يبا
جلس سعود و علمه جده بكل السالفه و عرف انها بنت عمه
سعود : دام الوضع كذا اجل منتي بغريبه علينا البيت بيتك
الجد : ماخلصت كلامي !
سعود وهو يجلس : سم
ابوها لا جاء اللي ماعرفت اربيه بتصير سالفه ثانيه
سعود : سالفت وش دامه تركها مامهمته ولا بيدري انها هنا
ساره : و اذا عرف !
سعود : مب بيصير الا كل خير
ساره : لا بيصير شر لا شافني عندكم مهدد امي انها ماتجي هنا ولا انا ولا يبيكم تدرون
الجد : الحين اطلعي عندهم و انا بقول بنت عمك بس كانت مسافره و بدبر الامر انتي لا تخافين ابوك من يومه تزوج امك ماطب هنا
طلعت ساره و في عيونها دموع طلع معاها سعود و راحو غرفة زينه
زينه ب استغراب : مين ؟
سعود بطقطقه : زوجتي !
فزت فاطمه اول م سمعتهم و هي تركض : وش زوجته !!
وبدا الكل يدخل الغرفه
سعود : امزح وربي امزح بس جدي قال خلها مع زينه اطلعوا قبل يجي
ايلين : وريني وجهها
سعود : ابلش ماهي بزوجتي !
ايلين : اجل من !
قرب لها سعود : بنت عمنا الجديده يويلك لو قلتي لاحد
ايلين وهي تشهق :متى صار عندنا.. و مامداه تكمل الا سعود يصرخ : قلت لا تقولين لاحد
ايلين : علمني طيب !
سعود : امشي معاي و اعلمك في المزرعه
ايلين وهي تناظر ساره : تمام جايه
في السياره :
الجد : سعود يابوك كلم عمانك قل بكره ان شاءالله متجهين لديره
سعود باستغراب : ليه
الجد : عندنا كم شغله هناك
ايلين : كلنا ؟
الجد : اي
ايلين : مايمدي
الجد : لا يمدي اول ماترجعون من العزيمه و الكل مجهز اغراض و نمشي
سعود : ورا ما تخليها بكره ؟
الجد : لا الليله
سعود: اللي تأمر فيه
