سعود : هلا عمي صقر
صقر : سعود ديور و تعال لنا
سعود : ليه ؟
صقر : قبل يجي نواف
سعود : عمي نواف جاي !!
صقر : اي
فاطمه : شفيك ياولد !
سعود : يمه بنرجع
فاطمه : لا م راح نرجع
سعود : في مصيبه اكبر نلاقي حل اوديك ع طول م بيأذن المغرب الا وانتي عندهم
فاطمه : ليه
سعود : عمي نواف جاي
ملاك : وليه ؟
سعود : م قالو السبب بس بنروح نشوف م بعدنا
ف البيت
هُمام : عمي نواف هو وينه ؟
عزوز : بالرياض !
هُمام : من متى ف الرياض اذكره برا السعوديه
عزوز : مدري بس هو فيها قال لابوي انه جاي ساعتين كذا
هُمام : سعود بعد (بعيد عنا) ؟
صقر : لا لا توهم طلعوا من الديره
عزوز : م يمديه يبعد
هُمام : ما جربت سرعته اجل
محمد :سعود م يتركها
صقر : خلكم من سعود !! الحين نايف بيعلم !
عزوز : وش يعلم
صقر : ان ساره عندنا
عزوز : هو بيجي يشوفها اساساً
ساره : ابوي جاي !!
صقر : لا
ساره : الا انا سمعتكم !!
هُمام : مب ابوك واحد من اهل الديره بيجي يشرب قهوه
ساره : خوفتني
الجده: بسم الله عليك
عزوز : سعود طول !
محمد : م اتوقع امه بترضى
صقر :قال لي انه جاي
غزل : ابوي امي تقول هيا
صقر : قولي لها انتظري
نايف : لا تتكلم عني !
صقر : سويت مصيبه و بتتركها و بتروح !
نايف : بقعد عبدالعزيز يوديها !
عزيزه : عبدالعزيز م بيوديها
نايف : م اسألك !
عبدالعزيز: ماني فاضي
نوال : وش عندك من اشغال !
عزيزه : مالك دخل !
الجده : بس انتي وياها !!
عزيزه ؛ مو سامعه ولدك وش يقول ! عبدالعزيز مب سواق
نايف ؛ بيودي خالته م فيها مشكله !!
عزيزه : ذي مب خالته !
نوال : خالته و غصباً عنك بعد
عبدالعزيز: خالتي عمتي ماني بموديها !
نايف وهو متجهه لعزوز: تروح وغصباً عنك بعد
صقر وهو يمسكها : ماله داعي تقعد هنا لين نخلص و تروح
هُمام : عمي معليش بس عبدالعزيز ماله شغل فيها !
نايف وهو يبعد يد صقر : سكت ولدك لا امردغك انت وياه
صقر : كانك رجال مد يدك !
محمد : عيب وش ذا الحكي !! ورعان انتو تتهاوشون ع قصص حريم !
صقر : مب عليها يبي يضرب ولدي وانا موجود اللي يلمس واحد من عيالي اقص يده قبل يفكر يمدها
نايف : لا بغيب امدها مديتها عليك و عليه
صقر : تعال اجل
الجده ؛ بس يعيال !!!
نايف : سكتي الورع ذا لا يحترم كبير ولا صغير و عياله ماشاءالله الواحد لسانه اطول منه !
سعود : عمي نواف جاء ؟
ساره : ابوي بيجي ؟؟
صقر : هلا سعود اسبقنا ع المجلس
نايف: امش قدامي
صقر: امش انت
محمد ؛ ورعان انتو !!امشو اثنينكم !
نايف : روح وديها
عبدالعزيز: امي ؟
عزيزه : لا
عبدالعزيز: لا
نايف : تمشي على كلام امك ياولد امك !
عبدالعزيز: ايوه
نايف : عبدالعزيز روح
عبدالعزيز: هيا هُمام
هُمام : وين ؟
عبدالعزيز: المجلس
نايف : تتجاهلني ياقليل الادب !!
عبدالعزيز وهو رايح : م تجاهلت بس عطيتك ردي
نايف : اوريك ياعبدالعزيز
عزيزه وهو تناظر نوال و تضحك
نوال : ولد امه
زينه: ونعم
عزيزه : الله ينعم عليك
غزل ؛ ها امي نروح ولا نقعد !
نوال : نقعد
فاطمه : ملاك هاك عباتي حطيها هناك
ملاك : تمام
نوال : وراك رجعتي يافاطمه !
زينه : بيتها حبيتي !
نوال : صدق ؟
زينه : توك تدرين !
ايلين : زينه خلينا نطلع
زينه : هيا الجو بدا يكتم
ساره : ليه م تردون علي !!
الجده : وش بلاك ؟
ساره : ابوي بيجي !
زينه ؛ وش بيجيه !امشي معنا بس
