Part (6) Uni/Zawgyi

24.6K 731 34
                                    

ပြန်လိုချင်တယ်

အပိုင်း (6)

အလျား၄ပေ အမြင့်၆ပေ ရှိသောကိုယ်လုံးပေါ်မှန်ထဲမှာ ထင်ဟပ်နေသည့် မိမိကိုယ်ကိုသဘောကျစွာပြုံးကြည့်ရင်း အဖျားကလေးများလိပ်ထားသောဆံပင်ရှည်ကိုပုခုံးတစ်ဖက်တည်းပေါ်သို့စုချလိုက်သည်။ ထို့နောက် သူမဝတ်ထားတဲ့ နေဗီပြာရောင် ခန္ဓာကိုယ်နှင့်ကွက်တိဂါဝန်ကလေးဟာ ဒူးအထက်မှာရှိနေပြီး ဗိုက်နေရာမှာ ဘဲဥပုံစံ ၄လက်မလောက်အပေါက်ကလေးကနေမြင်နေရတဲ့သူမရဲ့ဗိုက်သားကလေးဟာ ဖွေးအုနေသည်။

သူမကိုယ်သူမမှန်ကြည့်လို့ဝတော့ အဆင်သင့်ထုတ်ထားတဲ့မွှေ့ယာပေါ်မှာတင်ထားသော သူမရဲ့Outfit နဲ့လိုက်ဖက်သည့်လက်ကိုင်အိတ်အပြာရောင်ကလေးအား သူမရဲ့တံတောင်ဆစ်မှာကောက်ချိတ်လိုက်ပြီး မွှေ့ယာဘေးမှာရှိသောမှန်စားပွဲပေါ်မှ သူမရဲ့ဖုန်းကိုလည်းကောက်ယူ၍လက်ကိုင်အိတ်ထဲထည့်လိုက်ရင်း သူမဆိုင်ကိုသွားဖို့ပစ္စည်းမစုံသေးတာကိုသတိရမိသည်။ ဟုတ်သည်။ သူမ ကားသော့ကိုရှာနေသည်။ မနေ့ညကဖုန်းနဲ့အတူဒီစားပွဲပေါ်သို့တင်ထားလိုက်တာသေချာသည်။

ခင်သက် သွားခါနီးမှ ကားသော့ရှာမတွေ့သဖြင့် ခေါင်းအုံးတွေစောင်တွေလည်းလှန်လောရှာကြည့်နေစဥ်

"ဒါရှာနေတာလား"

သူမတို့ရဲ့အိပ်ခန်းအပေါက်ဝသို့​ရောက်လာပြီး တံခါးကိုပုခုံးတစ်ဖက်ဖြင့်မှီထားလျှက် သူ့လက်ညှိုးမှာလည်း ခင်သက်၏ကားသော့ကိုချိတ်ထားရင်း နေပိုင်ထွဋ်ရောက်လာသည်။

အညိုရောင်ခပ်ရင့်ရင့်Suit ကို ရှည်သောအရပ် ထွားသောခန္ဓာနှင့် လိုက်ဖက်စွာစမတ်ကျကျဝတ်ထားသော နေပိုင်ထွဋ်ကမျက်ခုံးတစ်ချက်ပင့်ပြီးလက်ညှိုးနဲ့ချိတ်ထားသောကားသော့လေးကိုတမင်သက်သက်လှုပ်ရမ်းပြနေသည်။

ခင်သက်လည်း အကြောင်းမရှိ သူမကားသော့ကိုယူထားသောနေပိုင်ထွဋ်အား စိတ်ပျက်စွာနဲ့ ကျစ်တစ်ချက်စုပ်သပ်ပြီး သူ့လက်ညှိုးမှာချိတ်ထားသောသူမရဲ့ကားသော့ကိုသွားဖြုတ်ယူဖို့ကြိုးစားသည်။

"ပြန်ပေး!"

နေပိုင်ထွဋ်ကတော့ ကားသော့ကိုင်ထားသည့်လက်ကို သူ့အရပ်ကြီးကိုမှအားမနာဟိုးအပေါ်သို့မြှောက်ထားလိုက်သောကြောင့် ၄လက်မ ဒေါက်ဖိနပ်စီးလျှင်မှ နေပိုင်ထွဋ်ရဲ့ခေါင်းကိုမှီရုံလောက်သာရှိတဲ့ခင်သက်သည် ခြေတုံးလုံးနဲ့ဖြေလေရာ ဘယ်ပင်ခြေဖျားထောက်ပြီးယူပါစေမှီနိုင်စရာအကြောင်းမရှိ။

ပြန်လိုချင်တယ် (Completed) OCWhere stories live. Discover now