၃၃။ ရှင်သန်ရာနေရာသစ် (U+Z)

1.2K 113 12
                                    

Uni

အချိန်စက်ဝန်းဟာ နွေမှ မိုး၊ မိုး မှ ဆောင်း သို့ကူးပြောင်းသွားသည်။ အချိန်စက်ဝန်းဟာ ထိုကဲ့သို့သုံးကြိမ်တိတိလှည်ပတ်ပြီးသည်အခါမှာတော့ နှစ်တစ်နှစ်၏ အစဖြစ်သည့်နွေဦးရာသီဥတုသို့အစပျိုးချိန်ရောက်လေခဲ့ပြီ။

တောင်တန်းတွေကို ကိုယ်တိုင်ရှူစားလို့ရသည့်တစ်နေရာ၊ တိမ်တိုက်တွေကို မိတ်ဆွေဖွဲ့လို့ရသည့် ‌နေရာ၊ မြေပြန့်ဒေသမှာမရနိုင်သည့် စိတ်အေးအေးချမ်းနေထိုင်လို့ရသည့်နေရာကို အမျိုးသမီးငယ်‌ေလးတစ်ယောက် ရောက်ရှိနေခဲ့သည်မှာ သုံးနှစ်သုံးနှစ်မိုးကြာခဲ့လေပြီ။

သည်က ရာသီဥတုဟာ ဥတုသုံးခုလုံး ချမ်းစိမ့်စိမ့်ဖြစ်သည်ကြောင့် သည်မှာနေထိုင်သူတွေအားလုံးဟာ အမြဲတမ်းအနွေးထည်ထူထူကိုဝတ်ဆင်လို့ထားရသည်။ မြေပြန့်သူဖြစ်သည့်သူ့အတွက်တော့ အနွေးထည်ကိုသူများတွေအတွက် နှစ်ဆလောက်ပိုဝတ်ရပေသည်။

အဝတ်ထူထူပိန်းပိန်းတွေဝတ်ဆင်ရသည်မှာအဆင်မပြေလှသော်လည်း စိတ်ချမ်းသာမှုရသည်ကြောင့် ဤပြသာနာအသေးလေးကို ခေါင်းထဲထည့်မထားတော့ပေ။ သည်နေရာလေးဟာ ရှမ်းပြည်တောင်ပိုင်း မိုင်းပွန်မြို့နယ်မှာရှ်ိနေသည့်ရွာစွန်ရွာဖျားကရွာငယ်လေး မြို့မကျတောမကျနေရာလေးပေမို့ နေ့အလင်းရောင်ကိုသာအားကိုးရသည်။ သည်အရပ်မှာမိုင်းပွန်ကန်ကြီးသည်သိပ်ကိုရှုစားဖို့ကောင်းသည့်နေရာပေဖြစ်သည်။ ဤအရပ်ကလူတွေအကုန်လုံးသည် ရှမ်းလူမျိုးတွေစော်ဘွားမျိုးတွေအများဆုံးနေထိုင်သည်နေရာဖြစ်သည်ကြောင့် ကိန်းကြီးကမ်းကြီးနိုင်လှလေသည်။ သို့သော်လည်း ရှမ်းစော်ဘွားတချို့သည်သာ ဂုဏ်အင်မောက်မာကြသည်ဖြစ်ပြီး အများသောရှမ်းစော်ဘွားတွေ၊ ရှမ်းလူမျိုးတွေကတော့ ဖော်ရွှေလှပေသည်။

သူမနေထိုင်ရာအိမ်လေး၏တည်နေရာကတော့ တောင်တန်းကြီးတစ်ခုကို မျက်နှာမူထားပြီး အနောက်ဘက်၌လည်း တောင်တွေခြံရံထားပေသည်။ သည်နေရာလေးမှာသက်ကြီးရွယ်အို ၊ တစ်ကိုယ်တည်း သမားတွေနေထိုင်သည်များလှသည်ကြောင့် ဆူဆူညံညံရှိမနေပဲ အေးချမ်းလွန်းလှသည်။

သစ္စာနွယ်တော်ပျော်မွေ့ရာ[ ‌Completed]Where stories live. Discover now