زينه : يمه اخواني بيجون ؟
الجده : اكيد ادق عليهم الحين
زينه : دق ع سعود كمان
الجده : اكيد ، الو صقر
صقر : هلا يمه
الجده : ياوليدي الناس اللي كلمتك عنهم جايين اليوم يخطبون زينه و بغيتكم تجون
صقر : ابشري جايين انتظرونا بدق ع نايف و سعود
الجده : لا سعود انا بدق عليه
صقر : اللي يريحك يمه
زينه : سعود بيرفض ؟
الجده : الحين اشوفه ، سعود
سعود : هلا جده
الجده : اليوم خطبة عمتك و عمانك كلهم جايين بغيتك تجي !
سعود : والله اني مو ف الرياض الحين و اتوقع اقدر
الجده : زينه م بتوافق الا اذا انت موجود ، وينك فيه ؟
سعود : عند اهل امي
الجده ؛ خلي امك تجي كمان
سعود : ابشري بكلمها
الجده وهي تبكي : يايمه شوفي كيف صرنا و كيف كنا ! والله من بعدك ياسعود م عاد لنا دار رحت و راحت ديارنا ومحمد ولدك مات وهو شايل بخاطره عليك ! الله يسامحك ياسعود تركت لنا اثر لك " تقصد سعود" ولا نسيناك
زينه : يمه لا تقولين كذا ابوي بيجي ان شاءالله ! ومحمد الله يرحمه الله كاتب له
الجده : مات من قهره يايمه!
زينه وهي تمسح دموعها : الله يرحمه و يخلي لنا سعود ! محد بشايلنا غيره
ف بيت صقر
صقر : يلا تجهزو بنروح لبيت جدتكم
فاتن بصدمه ؛ جدتكم !
صقر : جدتكم نوره
هُمام : م كنا نجيها الا بالسنه مره !
صقر : قوم البس اليوم خطبة زينه !
ايلين : بروح عندها الحين عشان اساعدها
صقر ؛ نروح كلنا و تجهزو هناك ، هلا هلا تميم
فاتن : نايم !
صقر : صحيه
فاتن : لا يقعد يقروشنا هناك !
هُمام : هاته اشيله عنك
فاتن : حطه ع سريره انتبه لا يصحي !
هُمام : ابشري
فاتن : ايلين خذي ملابس اخوك عشان البسه هناك
ايلين : تمام يمه
سعود وهو حاط يده ع خذه ويتنهد و يتذكر كيف مات ابوه
ليلة موت محمد : ف بيت الجد
سعود : فيصل وش جابك !
فيصل : بيت جدي نفس م هو بيت جدك !
سعود : جاي الحين بيت جدي !!
فيصل : م يهمني انا معاي كلام لصقر و بمشي
صقر : اسمعك
فيصل وهو يبتسم لسعود: بجيب امي و اخطب ايلين لي !
سعود وهو يضحك : م عندنا بنت لك !!
صقر : سعود ! لا تتكلم عني !
هُمام : م عندنا بنت لك !
صقر : هُمام تعاند !
هُمام : لا بس كلنا نعرف انها الكلمه ذي بتنقال !
صقر : اجلس
فيصل : ابشر
سعود وهو يناظر صقر : وش صار ؟
صقر : هُمام صب له !
هُمام : م فيه قهوه
صقر بصراخ :هُمام !
عزوز : انا يصب عادي
فيصل : ف عرسك
عزوز وهو يقرب من اذن فيصل : ع اختك
فيصل وهو يضحك : احلم!!
عزوز : نشوف
صقر : بنسأل البنت اذا هي راضيه نحدد العرس و اذا راضي محمد
محمد : انا راضي
سعود وهو يضحك : ماشاءالله راضين كلكم!
محمد ؛ ولدي !
سعود وهو يأشر ع نفسه : وانا مين !
محمد : ولدي !
سعود : وليه راضي و عاطيني انت وياه وعد !
صقر : قلنا اذا البنت موافقه !! حتى لو عطيتك وعد لو ابي اعطيه عطيته ولا سألت احد تفهم !
سعود : ليه توعد وعد رجال ولا توفي !!
صقر ؛ انتبه لكلامك تفهم !!
سعود ؛ عمي !
صقر : م عاد بها عمي ! كلكم عيال اخواني
سعود : ابوي ! وش قاعدين تقولون انتو !
صقر : هُمام روح اسألها
هُمام : وليه اسألها !! م بنعطيه!
صقر : هُمام!! عزوز ناديها لي هنا
سعود : عمي الشغله مو عناد ! انت واعدني تعطيني !
صقر : وعدتك ! بس قلت اذا البنت راضيه انا م راح اجبرها ع احد
سعود بصوت خفيف : م بتوافق !
ايلين وهي داخله : هلا ابوي
صقر ؛ اجلسي
ايلين وهو تناظر سعود بفرحه"تحسب خطبتها عليه " جلست
صقر : ولد عمك خطبك و قوليها قدامه موافقه ولا ؟
ايلين : اي
صقر: توكلنا ع الله
هُمام : ايلين !!
سعود وهو يجلس عند رجول ابوه : ابوي تكفى لا تعطيها فيصل
ايلين بشهقه : فيصل !
فيصل : مبروك ايلين !
ايلين وهو تدخل داخل و تتنفس بصعوبه : يمه الحقيني
سعود : عمي !! لا تعطيه ياعمي !
صقر : سعود قوم !! هي موافقه الله يكتب نصيبك ع غيرها
فاتن : صقر تعال !!
هُمام وهو يحط راسه ع كتف سعود : سعود قوم
فيصل : انا استئذنكم
سعود : ابوي قسم بالله ان عطيته م عاد تشوفني !
محمد : ابوها عطاه مب انا ياسعود !
سعود و دموعه بعينه : انت وافقت يابوي !!! لا تكسرني بظهري يابوييي
فاطمه : شفيك يمه !
سعود : ابوي يمه
فاطمه : وش سويت يامحمد !
محمد وهو طالع : م سويت حاجه !
سعود : شوفني حلفت ان عطيتها والله م تشوفني !! عمي انت وعدتني تكفى عمي ارفض هُمام كلم ابوك !
هُمام وهو يحضنه : تعال برا
سعود وهو يصارخ : بعدو عني !!!!
فاطمه وهي تبكي : سعود لا تروح !
سعود : عمي ليه تودعني !
صقر : ايلين قومي
سعود : كلمني !!!
صقر وهو يضربه كف : م عندنا بنت لك !!
سعود وهو طالع : لا تنتظروني ارجع !!
فاتن : نوره تعالي شوفيها
الجده : شفيكم شفيكم !!
فاطمه وهو تبكي : سعود راح
ملاك وهي تمسح دموعها : يمه لا تقولين كذا بيرجع بيرجع !
زينه ؛ بيتركنا نفس م تركنا ابوي !!!
صقر : سعود راجع راجع !!
هُمام : تنتظره يرجع الحين !!
صقر : الحقه !!
عزوز : هُمام انتظرني
صقر : ايلين وش فيك ؟
ايلين وهو تفتح عيونها : وش صار
صقر : بخير ؟
ايلين : ليه تبكون بعدو عني
صقر : وش طاحك !
ايلين وهي ماسكه راسها و تتذكر وش صار : م ابيه !
صقر ؛ ليه وافقتي!
ايلين بنبرة بكى : احسبه سعود
صقر : ليه تبكين م يصير الا اللي يرضيك !
ايلين وهو تقوم : بروح الغرفه
ملاك : الله ياخذك يافيصل !!
زينه : بدق عليه ، سعود
سعود ؛ لا تدقين!!!
زينه : ايلين رفضت تعال
صقر وهو ياخذ الجوال و يقفل المكالمه : حتى لو رفضت سعود م له بنت عندنا
ملاك ؛ عمي ليه تكفى
صقر وهو يدق ع فيصل : وينك
فيصل : توي طالع من الحاره
صقر : م عندنا بنت لك
فيصل ؛ ليه
صقر وهو يقفل : محمد وين راح !
ف سيارة محمد
محمد ؛ وين راح الجوال ذا ! اوه طاح !! ، سعود وقف !!
فيصل وهو يرجع عكس الطريق : يليل !!!
و ماهي الا دقايق وصدمو بعض سعود و فيصل
محمد وهو يناظر بصدمه : سعود !!!! فيصل !
هُمام وهو نازل من السياره و يركض : سعود سعود !
عزوز ؛ عمي وقف
محمد ؛ بعد عني !!!
سعود وهو طالع من السياره : بعدو عن السياره !
فيصل ؛ سعود !! ساعدني
هُمام وهو يمسك سعود ؛ خله !
سعود : لا وش خله !!
هُمام : سعود بتنفجر السياره بعد
محمد : اخوك ياسعود اخوك !!!
سعود وهو يبعد يد هُمام و يركض : امش بسرعه !!
فيصل وسعود بصوت واحد : ابوي انتبه !!
و ماهي الا ثواني و تصدمه سياره
سعود ؛ ابويييي
عزوز : عمي قوم ! عمي تسمع !
هُمام وهو يناظر راكب السياره : ياكلب !!
سلطان وهو يرجع بسيارته : الدم بدم و البادي اظلم !
سعود وهو يناظر ابوه و سلطان : لا تهرب وقف
فيصل وهو يركض وراه : وقققفف ،تعرفونه ؟
هُمام : ذا سلطان !!
عزوز وهو يدور جواله : بدق ع عمي
سعود : ابوي تسمع !
هُمام وهو يمسك سعود : عايش عايش !
سعود وهو يغطي وجهه بشماغه : تكفى ياهُماااممم تكفى
هُمام : دقو ع الاسعاف !
فيصل : سعود !!
سعود : ايششش
فيصل : قلبه
سعود ؛ شفيه يافيصل شفيه !!!
فيصل : م ينبض !
سعود وهو يحط راسه ع صدر محمد : ابوييي تكفى !!
فيصل وهو يبكي و يبعد بعيد عنهم : مات ؟
سعود يبكي : م يموت !! م راح يموت
هُمام ؛ قوم ياسعود قوم
صقر وهو يركض : محمد !!!قوم ياخوك قوم
سعود : ابوي !
هُمام : دقيتو ع الاسعاف !!!
فيصل : دقيت جايين
ماهي الا دقايق و جاء الاسعاف
محمد : وش صار له !!
هُمام : عايش عايش صدمه ابن الكلب سلطان !!
فيصل وهو يبكي بعيد عنهم سعود : فيصل ابوي م مات
فيصل : كله بسببي !!!
سعود : لا مو بسببك !!
فيصل وهو يبكي و يحضن سعود : بسببي والله بسببي !
سعود ؛ مو بسببك قوم نروح له
هُمام : سعود مشو الاسعاف هيا المستشفى!
سعود وهو يركض لسياره و بيده فيصل : اركب نروح له
هُمام : انا بسوق
سعود وهو يمسح دموعه : لا انا !
هُمام : سعود تكفى انا
سعود : لا تعلمون امي !
صقر : بمشي معاكم
هُمام : عزوز انتبه لسيارات
