ف المستشفى
سعود وهو يركض داخل : وين ودوه !!
هُمام : العمليات اكيد اجلس هنا
سعود : وش اجلس !!
فيصل وهو متغطي بشماغ سعود : ادعو له الصراخ م عاد يفيد !
صقر : كلمتو اهلي ؟
سعود بعصبيه : لاحد يقول لهم !!
صقر : ليه !
سعود : م ابي يخافون ابوي بيقوم ! ، شفتو اللي صدم ابوي ؟
هُمام : سلطان !! و يقول الدم بدم و البادي اظلم !
فيصل : وش سوا ابوي عشان يقول الدم بدم
سعود بتنهيد : يابوي !!
صقر : رد ع امك قول لها انك بخير ع الاقل !
سعود وهو يرد : الو
فاطمه : وينك ! علامه صوتك
سعود : بخير رحت المزرعه انا و هُمام شوي و راجعين
فاطمه : لا تكذب علي ! ابوك وينه ؟
سعود : راح مع عمي صقر اكيد !
فاطمه : لا جاك خبر عنه علمني م يرد ع جواله !
سعود : ابشري
هُمام : لو انك م جيت كان م صار كل ذا !!
سعود : هُمام !! وقته ؟
هُمام : ياسعود !
سعود : م عليكم ابوي بيقوم اعرفه م يموته واحد من الكلاب ذولاك !
فيصل : اذا م رجعنا دم ابوي م حنا برجال و تشوفون
صقر : صلي ع النبي
فيصل : نقدم بلاغ من الحين ؟
سعود : اي
ف البيت
ملاك ؛ خلاص يمه دامه قال سعود انه بخير اكيد بخير !
فاطمه : لا لا انا اعرف ولدي ! اعرف صوته ! سعود يكذب علي
عزيزه : لا تفاولين على الولد !
فاتن : بدق ع هُمام
ايلين : اي احسن !
فاتن : هُمام وينك ؟
هُمام : مع سعود ف المزرعه !
زينه : اي هم قالو اذا تقابلو بيرحون لها يعني م يكذبون !
الجده : والله ان صاير شي قلبي ناغزني !
عزيزه : شوفي عزوز
فاتن : عبدالعزيز معاكم ؟
هُمام : اي اي كلهم
فاتن : لا صار شي دق علي !
هُمام : ابشري
ف المستشفى
صقر :نسيناه !
هُمام ؛ اي والله عزوز بدق عليه
عزوز : عيال ! وش صار
هُمام : توي بدق وينكً !
عزوز ؛ قعدت مع السيارات و خلاص خليت امرها المهم وش قالو له ؟
هُمام : باقي م طلع
سعود : روحوا انا بقعد هنا لا صار شي بدق عليكم
صقر : لا لا بنقعد
عزوز : سألتو عنه ؟
صقر : سألنا و قال دخلوه العمليه !
فيصل وهو يمسح وجهه : الله يستر !
هُمام : لهم بقعد معاهم شوي
سعود : لا رحت بيسألونك عني !
هُمام : بقول لهم اني جاي عشان شغله و بشوفهم م عليكم
صقر : انتبه لطريق !!
فيصل : سعود تعال معاي
سعود : وين !
فيصل : بكلمك
سعود وهو ماسك يد فيصل و طالعين من المستشفى: علامك !
فيصل : تذكر الرجال ؟ اللي يكلمنا كلنا
سعود : اي ؟
فيصل : خالي !
سعود : شفته ؟
فيصل : اي يومنا رحنا عند امي
سعود : بخير ؟
فيصل : م شفتها بس دخلت المستشفى و رجعت !
سعود : ليه ؟
فيصل : م كان لي خاطر اروح لها بعد كل ذا
سعود : روح لها الحين م تدري يمكن يصير لها شي تراضو ف النهايه امك و زي م قال عمي م تركتك ولا دقيقه يومك صغير !
فيصل : سعود انا كنت ابي اخرب عليك بس م توقعت يصير كذا !! م توقعت يزعل ابوي و يطلع و يصير كل ذا ! ان مات ابوي بسببي ؟
سعود : لا م راح يموت ولا هو بسببك !! بس بسألك ليه خطبتها ؟
فيصل : خالي قبل اجيكم قعد يميزك عني ! و يقول لي كلام و يسأل ناس و يعرفونك ! قلت ابي زيك و اول شي اسويه اقرب منهم و قلت اخطبها لانك تحبها !
سعود : اها انا بدخل
فيصل : سعود تراني تركت خطبتي م عادني ابيها ! ابوي راح و امي م قعد لي غيرك ! تكفى ياسعود
سعود : ابوي م بيروح ! وانا معك
فيصل : كله بسببي !
سعود : فيصل ماهو بسببك قضاء و قدر محد يقدر يعتذر بس ابوي بيقوم م عليك !
فيصل : بجلس هنا شوي و خلك مع ابوي
سعود : ابشر
هُمام : سعود
سعود : هلا
هُمام : استريح هنا شوي
سعود : لا انا بخير بدخل داخل !
بعد ٣ ساعات الساعه ١ فالليل
الجده ؛ ها يصقر وينكم ؟
صقر بصوت تعب : جايين يمه جايين
الجده : وين محمد ليه م يرد !
صقر : محمد جواله مدري شصار له بيصلحه و يرد
الجده : وين العيال؟
صقر وهو يناظر فيهم كلهم : موجودين !
الجده : لا تتأخرون وانتبه لاخوانك!
صقر : ابشري يمه
الدكتور : انتو قرايبه ؟
سعود وهو يفز : اي حنا عياله !
الدكتور : سوينا اللي نقدر عليه بس قضاء الله قدره و البقى بعمركم عظم الله اجركم والله يغفر لميتك !
صقر وهو يمسك راسه : لاالله الا الله
سعود وهو يستوعب كلامه : يعني مات ؟
هُمام وهو يحضن سعود : قضاء و قدر ياسعود كلنا رايحين بذا الطريق!
فيصل وهو يبكي : بس ابوي م مات !!
سعود وهو يمسح دموعه : قم يافيصل هيا عندي اهلنا مالنا الا الصبر ياخوك !
فيصل : ياسعود لا تخلي قتل ابوك !!
سعود : والله لا اجيبه و اجيب كل عائلته ولا يكفوون عنه ! انا ذباحهم
صقر وهو طايح : وين رحت ياخوك وين !! اوهه يامحمد ياعضيدي !
عزوز : استهدي بالله يافيصل
فيصل : خذو سندي ياسعود م عاد لنا حيله !! م عاد لنا وقفه ياسعود
سعود وهو يتلثم : والله م اخليهم يافيصل و خذه وعد مني! والله م تنزل دمعه مني بسببهم !! ابوي راح مكان احسن من هنا يافيصل ! بناخذ حقه وهو مرتاح و راضي عننا !
هُمام : يابوي قوم هيا عند جدتي حنا سندهم الحين !
عزوز : سعود !
سعود : بروح عند امي
صقر : ان لله وان اليه راجعون دق ع ابوك ياعبدالعزيز
بعد نص ساعه بالبيت
الجده : تأخرو !
زينه : يمه عادي اكيد سهرانين
الجده : لا لا صاير شي
فاطمه : الله يستر !
فاتن : وش فيكم موسوسين ! دايم تسهرون عادي
عزيزه : بس ذا المره راحو و كلهم زعلانين !
فاتن : اكيد تراضو سمعتو صوت السياره ؟
صقر وهو يفتح الباب : سلام عليكم
الكل ؛ وعليكم السلام وكلهم دخلو
الجده : وين محمد ؟
صقر وهو يرقب لهاز: ف مكان احسن من مكاننا
فاطمه : كيف بعني وين راح ابوك ياسعود !!
سعود : يمه هدي ابوي ف مكان افضل من هنا بكثير ! عند ارحم الراحمين
و ماهي الا دقايق و يتنشر البكاء بكل مكان
سعود : ياملاك م يصير نبكي !! ابوي م يحتاج غير الدعاء !
ملاك وهي تبكي وتحضن سعود : ابغى ابوي ياسعود !!
سعود : قضاء و قدر ياملاك !
صقر : يايمه استهدي بالله و ماهي الا ثواني و طاحت الجده
هُمام : عزوز شغل السياره سريع
نايف وهو ماسك راسه : ان لله وان اليه راجعون
ايلين : خاله فاطمه ف مكان افضل من هنا ياخاله!!
فاطمه : لااا ودوني عنده انتو ماخذينه !
صقر : استهدي بالله يافاطمه !
فيصل وهو جالسه بعيد عنهم و ترحم لابوه
غزل : فيصل ؟
فيصل وهو يناظر بمعنى " هلا ؟"
غزل : انادي سعود ؟ فيك شي
فيصل وهو يهز راسه بمعنى"لا "
سعود وهو يجلس جنبه : قوم يافيصل ! شوف اختك و امك ! انت سندهم
فيصل وهو يبكي : انا سبب كل ذا !
سعود وهو يتنهد : ياخوك مب انت !! قضاء و قدر والله المستعان
صقر : شوف جدتك ياسعود
سعود : خذها هُمام و عزوز
فاطمه ؛ وين ابوك ياسعود ! متى بيجي طول !
سعود وهو يقومها : هيا الغرفه يايمه
فاطمه : لا بنتظر محمد !
سعود : يايمه ابوي مات مات !!! هيا ارتاحي ف الغرفه
فيصل وهو يحضن ملاك : خلك مع امك وانتبهي لها ! الله يصبرنا
