My Cherry Will Explode in the Apocalypse 《Myanmar Translation》

𝙲𝚑𝚊𝚙𝚝𝚎𝚛 𝟹𝟼《 အသက်ကယ် ကျေးဇူးတရား 》

My Cherry Will Explode in the Apocalypse

Chapter 36

Author: Drunken Light Song
Source: Jostena M
Translator: オタク

【 Unicode 】

“ဒါဆိုရင် ညီလေးရေ တိုက်ပွဲ၀င်ဖို့ကူညီပေးစမ်းပါ! အစ်ကိုကြီးဖြစ်တဲ့ ငါကတော့ အဲ့မကောင်းဆိုးဝါးအုပ်စုကို အရင်ဆုံးသွားတွေ့မယ်။ ”

ကျန်းမောင့်ရုန်သည် သူ့အင်္ကျီများကို သူရဲကောင်းဆန်ဆန်အမိုက်စားချွတ်လိုက်ပြီး သူ့ရဲ့ အပေါ်ပိုင်းဆောင့်တောင့်ဖြောင့်ဖြောင့်ကိုယ်ဗလာကို ပြသနေလေတော့သည်။ သူသည် သံတုတ်တစ်ချောင်းကို ကောက်ယူလိုက်ပြီး သံတံခါးကြီးဆီသို့ လျှောက်သွားလေတော့သည်။

ကျန့်ယွင်နှင့် တခြားသူများသည် တိတ်ဆိတ်နေကြ၏။ ကျန်းမောင့်ရုန်တွင် ချို့ယွင်းချက်များစွာရှိနေပြီး သူတို့ဘယ်ကနေစပြီး သူ့အားစော်ကားရမှန်းကို မသိကြတော့ပေ။

ကျန့်ကျားဟယ်ကတော့ မရေရွတ်ဘဲ မနေနိုင်တော့ပေ။

“ဘယ်သူက မင်းရဲ့ညီလေးလဲ? မင်းကိုယ်မင်း ကျန့်ကောရဲ့ အစ်ကိုကြီးလို့ပြောရဲရအောင် မင်းမျက်နှာဘယ်လောက်ကြီးနေလို့လဲ? ယုံချင်ယုံ မယုံချင်နေ သူကမင်းကို မိနစ်ပိုင်းအတွင်း ဒူးထောက်ပြီး ငိုယိုတောင်းပန်သွားအောင်လုပ်နိုင်တယ်နော်။ မင်းကိုယ်မင်း ရှေးခေတ်ကစစ်သူကြီးတစ်ယောက်လို့ထင်နေလား? ပြဿနာကောင်! မင်းရဲ့အ၀တ်အစားတွေကိုဘာလို့ချွတ်ပစ်နေတာလဲ? မင်းရဲ့ အသွေးအသားအနံ့ကို ဖုတ်ကောင်တွေ အနံ့မရမှာစိုးနေလို့လား? ”

စုန့်ချန်ရှုနှင့် သူနှင့်အနီးအနားရှိတခြားသူများကတော့ ရှင်းရှင်းလင်းလင်းကြားလိုက်ရလေသည်။ သူတို့သည် သူတို့ရယ်သံများကို မျက်နှာများအနီရောင်ပြောင်းလာသည်အထိ ချုပ်တည်းထားကြရလေသည်။ ခပ်မှိန်မှိန် မီးရှုးတိုင်များနှင့် အလင်းရောင် ခပ်ပါးပါးကြောင့်သာ သူတို့ထံအာရုံအစိုက်မခံရခြင်းပေ။ သို့သော်လည်း ကျန့်ကျားဟယ်၏ ရေရွတ်သံက ပြင်းထန်သောစိတ်အခြေအနေကို ထိခိုက်စေခဲ့လေသည်။ ကျန့်ယွင်၏အတွင်းစိတ်ထဲမှ ပြင်းပြသောတိုက်ပွဲ၀င်စိတ်ဓာတ်ကိုတောင်မှ လုံး၀ပျောက်ကွယ်သွားစေလေတော့သည်။