💵Big Boss 💵
💸Part 1 💸
-----------------------------------------------------------------
အစည်းအဝေးခန်းထဲရှိ လူတွေအားလုံးဟာ တိတ်ဆိတ်နေကြသည် ။ နားထင်မှာချွေးတွေဟာလဲ နားထင်မှ တစ်ဆင့် တစ်ဖြည်းဖြည်းကျဆင်းလာခဲ့ကြသည် ။ သေချာတာတစ်ခုက သူတို့အားလုံးကြောက်နေကြခြင်းသာ ဖြစ်၏ ။
သူတို့မည်သူ့ကိုကြောက်နေကြပါသနည်း ။
" ကျွီ "
" ရှယ်ယာရှင်တွေတောင်စုံနေပါရောလား "
တံခါးဖွင့်သံနှင့်အတူ အသက်အရွယ် ၅၀ ကျော်ခန့်ရှိမည့် အမျိုးသမီးတစ်ယောက်က စကားစလာပါ၏ ။
" sorry ပါရှင် အားလုံးကို တစ်စုတစ်စည်းတည်းခေါ်လိုက်ရတဲ့ အကြောင်းအရင်းကတော့ ကုမ္မဏီ လွှဲပြောင်းရေးပါ "
ထိုအမျိုးသမီးသည် U ပုံသဏ္ဌာန် စားပွဲ ကြီးက အလယ်ဗဟိုတည့်တည့်မှ နေ၍ ပြောနေခြင်းဖြစ်၏ ။
ထို့ပြင် သူမဝတ်လာသည် အနီရောင် မြန်မာချိတ် ဝမ်းဆက်က သူမ ၏ ရဲ ရင့်မှုကိုပေါ်လွင်စေပြီး သူမ၏ အရွယ်တင်နုပျိုမှုကိုလည်းထောက်ပံ့ပေးနေသယောင် ။
သူမ၏ စကားကြောင့်ရှယ်ယာရှင်တွေ လှုပ်လှုပ်ရွရွဖြစ်ကုန်ကြလေပြီ ။
" ခဏလောက် ကျွန်မပြောတာနားထောင်ပါဦးလား ဟင်းဟင်း "
သူမက ထပ်ပြီးစကားဆိုလိုက်ပြန်ပေသည် ။ သူမ သိပ်သိသည်ပေါ့ ။ ရှယ်ယာရှင်တွေက ယခု သူပြောလိုက်သည့် ကိစ္စကိုသဘောမကျဘူးဆိုတာ ။ ဒါပေမယ့်လည်းသူမ လုပ်ရမှာပါပဲ ။ နိုင်ငံခြား ရှိ ကုမ္မဏီ ခွဲ တွင် သားဖြစ်သူက အရမ်းအောင်မြင်နေတဲ့ စီးပွားရေးအကျော်အမော်တစ်ယောက်ဖြစ်နေပြီ ။
ထို့ကြောင့် သူမ၏ သားကို မြန်မာနိုင်ငံရှိ ကုမ္မဏီ ကိုသာမက သူမတို့ဘိုးဘွားစဥ်ဆက်ပိုင်ဆိုင်သည့် အမွေတွေအကုန်လွှဲပြောင်းတော့ မည် ။
" ကျွန်မသား သတိုးရှိန်နောင်အားဒီကုပ္မဏီ ကိုသာမက ကျွန်မ ပိုင်ဆိုင်သည့် လုပ်ငန်းတွေအကုန်လွှဲပြောင်းဖို့ ကျွန်မရဲ့ရှေ့နေ ကို ပြောပြီးပါပြီ.. ရှယ်ယာရှင်တွေဖက်က သဘောမတူ ရင် လက်လေးထောင်ပြပါ "
