ချစ်ခြင်းတို့အလွန်

အပိုင်း(၅၆)

* မိသားစုနှင့်အတူတကွ ငြိမ်းချမ်းပျော်ရွှင်သော သီတင်းကျွတ်လေး ဖြစ်ပါစေ 🙏

" သားတို့ အတူတူနေကြရတော့မှာလား ဒယ်ဒီ"

" သိပ်မကြာတော့ပါဘူး သားရယ်၊ ဒယ်ဒီတို့ အတူတူ နေကြရတော့မှာပါကွာ  ၊ သားငယ် စိတ်တိုင်းကျ ဖြစ်စေရမယ်နော် .... "

သားဆန္ဒကို ဒယ်ဒီက ဖြည့်ဆည်းပေးမှာမို့ ကတိတည်စေရပါ့မယ်။

" ဒယ်ဒီ...."

" ဗျာ...."

" သား...သားသိတယ် "

သူ့ရင်ဘတ်လေးကိုပုတ်ပြီး ပြောနေတဲ့သားငယ်မျက်ဝန်းတွေက အတိတ်က ပင်ပမ်းမူတွေလား ။

" အင်း ....ပြောလေ သား"

ပြောရခက်တဲ့စကား ဆိုနေသည့်ဟန် အောက်နူတ်ခမ်းလွှာလေးကို မသိမသာ ဖိကိုက်ရင်း လက်ညိုးလေးထိုးပြီး ရင်ဖွင့်နေသည်က ကျွန်တော့်ကျေကွဲစရာ အခန်းတွေ။

"ဟို...ဟိုမှာတုန်းက....ပါးပါးက သားအတွက် အလုပ်တွေ လုပ်ရတယ် ဒယ်ဒီ၊ နောက်ပြီး သားနှင့်အတူတူ မဆော့ရဘူး ညနေမှ ပြန်လာရတဲ့ ပါးပါးက ပင်ပမ်းတယ်တဲ့ ၊ သားက ပါးပါးကို အဲလိုတွေမသွားစေချင်ဘူး "

ဝေ့ဝဲလာသော သားငယ်မျက်ရည်စတွေက ရင်တွင်းနေရာက်ုမီးမြိုက်နေ့သည့်အလား ။ သားငယ်ရှေ့ ဒူးထောက်ချပြီး သားငယ်ပါးပြင်လေးနှစ်ဖက်ကို အသာအရာ ပွတ်သပ်၍ ချော့မြူမိပြီ။

ကျေကွဲရိပ်ကို အံ့တင်းလို့ အပြုံးဟန်ဆောင်ရင်း ဆက်ပြောဆိုသည့်ဟန်ဖြင့် ခေါင်းဆက်ပြမိသည်။ သားငယ်စကားလုံးက ဓါးသွားတမျှ ထက်မြက်လှသည့်အသွားတွေနှယ်။

" အဲ့ဒါ...လေ...ဒယ်ဒီက သား...သား..တို့ကို ပစ်ထားခဲ့လို့ ပါးပါးက အလုပ်တွေများကြီးလုပ်နေရတာတဲ့ ဟို ဖွားဖွားကပြောဖူးတယ်  ဟုတ်လား ဒယ်ဒီ"

သားငယ် စကားတချို့က အမှန်တရားမို့ ခါးသက်လွန်းလှပြီ။ ကိုယ့်ကြောင့်ပါလို့ ခံယူထားသော အမှားတွေထဲကတစ်ချက် ကို သားငယ် ဤသို့ပြောလာသည့်အခါ ကြောက်လန့်ခြင်းက မျက်နှာပေါ်မှာ ထင်ဟပ်လျက် မထိမ်းနိုင်။ အနှစ်နှစ် အလလ က ခြောက်လှန့်နေသော အိမ်မက်ကြီးက လက်တွေ့ ဖြစ်လာခဲ့သလို တုန်လူပ်ခြောက်ခြားမိပြီ။ မဖြစ်ချင်သော ဆန္ဒတချို့ ရုန်းကန်ထွက်ပေါ်လာသလို အတိတ်ကအရိပ်မည်းက သားငယ် သိများသွားရင် ဆိုသော အချက်က ကိုယ်ကို လောင်မြိုက်စေသည့်အလား နှလုံးသားတို့ကျွမ်းစေခဲ့ပြီ။ တောင်းပန်ပါတယ် ပြင်မရတဲ့အတိတ်တွေ၊ ပြင်မရတဲ့ ကိုယ့်မိုက်မူတွေ ကြောင့် သားငယ်တို့ နာကျင်ခံစားစေပြီ။ ဒီမိုက်ပစ်တွေကိုအသက်ရှင်နေသရွေ့ ဒယ်ဒီပေးဆပ်မယ်၊ ဒယ်ဒီ ရှိသမျှ ခွန်အား တွေနဲ့ သားငယ်တို့ကို ကာကွယ် ပေးပါ့ကွာ၊ ပြင်မရတဲ့အမှားတွေမို့ ကိုယ်တိုင်လည်း အသုံးမကျသလို ကိုယ့်စိတ်ကိုလည်း လုံခြုံမူကင်းမဲ့နေဆဲ၊ နာကျင်နေဆဲ၊ လောင်မြိုက်နေဆဲ၊ နောင်တ, တရားကို ရင်ဝယ်ပိုက်ထားရဆဲ။