So, It's You

CHAPTER 3

"I HAVE TO ATTEND another webinar today. May report na hinihingi ang president, tanungin mo si Cherry para sa details na kailangang ilagay so you could draft it. Kailangan ding ipasa ngayon ang reflection from my webinar last week. Make a narrative and send it to my email later," sunod-sunod na utos ni Evil Brenda pagkapasok ko pa lang sa lounge area ng administration building.

Katatapos ng flag raising ceremony. Nanginginig pa nga ang mga paa ko dahil halos one hour kaming nakatayo sa harap ng flag pole. Dapat dederetso na ako sa faculty room para gawin ang tasks ko ngayong umaga. Pero letse! May pa-special mention sa akin si Evil Brenda kanina bago kami fully i-dismiss ni Mr. Vargas—ang president ng Brentwood.

Tapos ni hindi na niya ako pinaakyat sa office niya. Hinintay lang niyang makaalis si Mr. Vargas saka sinimulan ang "pagbabagsak" ng sandamukal na trabaho sa harap ko. It was just the first week of November and I had been insanely busy. Ibang klase rin talaga si Evil Brenda. Pinagpahinga lang niya ako nang very slight noong All Saint's Day tapos ngayon may gana ulit siyang magbato sa 'kin nang pagkarami-raming ancillary works. Nakakainis, wala man lang warning! At pati narrative at reflection niya sa webinar na hindi ko naman alam ang content ay pinapagawa niya!

Punyetang bruha!

It was supposed to be a happy Monday. Maaliwalas ang bukas ng umaga at sumabay pa ang magandang sikat ng araw. Dahil doon magaan ang pakiramdam na lumabas ako ng bahay kanina. Sa sobrang ganda nga ng mood ko binati ko pa halos lahat ng nakasalubong ko sa daan. Pero in split seconds unti-unting inagaw ng madilim na aura ni Evil Brenda ang masiglang morning ko.

Hindi ko pa nga natatapos ang action research na ginagawa ko. May upcoming international contest pa ako at halos kalahati pa lang ng goal namin ang nari-review ng contestant ko. Tapos dinagdagan na namn ng buwisit na principal ko!

"Ma'am..." mahinang simula ko.

Time freeze p'wede? Aba'y punyemas ka! Umagang-umaga sinisira mo'ng araw ko! gustong-gusto kong idagdag pero letse ulit! Inulit ko lang ang mahinang "Ma'am" na sinabi ko kanina.

"What?" mataray na tanong niya. "Tell your concern right away, Miss Guanzon, 'wag mong sinasayang ang oras ko."

I mentally rolled my eyes sa tinuran niya. Ako pa talagang nagsasayang ng oras dito?

My gosh!

Mahinang nagbuga ako ng hangin. "Noted, Ma'am. I'll ask Miss Cherry for the details."

Pagkasabi ko niyon walang paalam na tumalikod siya sa 'kin at umakyat na sa hagdan patungo sa office niya—her usual response kapag tapos ng mag-utos sa mga alipin niya. Ngali-ngaling hilahin ko ang bagong rebond na shoulder length hair niya dahil sa sobrang inis ko.

Nine AM pa lang pero ubos na ang energy ko. Ni hindi ko nga alam kung kaya ko pang i-extend iyon hanggang mamayang five PM. I felt terribly drained! Sa sobrang frustration ko wala sa loob na napasubsob ako sa malamig na table nang marating ko iyon. Mabuti na lang at mamayang hapon pa ang simula ng klase ko. At least may time pa akong magluksa sa full at nakamamatay na schedule ko.

"What's wrong, Kia?"

Agad na nag-angat ako ng mukha nang may magsalita sa tapat ko. Sumilay ang matamis na ngiti sa labi ko nang makita si Jiro. Okay, na-boost ng at least fifty percent ang kanina lang ay negative nang energy level ko.

"Yes?"

Gosh! Mabuti na lang talaga at hinulog ni Lord ang katulad niya sa workplace ko. At least meron akong energy booster dahil sa angelic and handsome face niya. Plus, ang sweet and caring pa.