Elyu Series #1: Drifting with the Waves

Chapter 40

Note: Unedited.

-

"So... what was that all about?"

I turned my head down in shame while my EIC watched me with what I hope is a look of concern instead of disappointment in her face.

"Alam kong may relasyon kayo ni Primitivo Escarra. I figured he'd want to keep it private so I shut my mouth."

Nag-angat ako ng tingin at nakitang seryoso siyang nakatingin sa akin.

"Tapos kanina, in-announce mo sa conference room na ikaw pala ang girlfriend niya..."

Gusto ko nalang magpalamon sa lupa. I can't believe I did it! Sobrang nilamon ako ng selos at hindi ako nakapag-isip nang maayos. Ngayon, halos hindi ko na matingnan sa mga mata ang mga katrabaho ko.

"You know I'd never meddle in a relationship as long as it's not between officemates..." she waved her hand dismissively. "Just make sure that it won't affect your work performance, or your relationship with your workmates, Sereia. I know there's only a month left, but I still believe in a non-toxic, friendly working environment. I don't want tension and drama in my working place, got it?"

"Yes, Ma'am." I said meekly and exited her office.

Alam kong tinitingnan ako ng iba ko pang mga katrabaho kaya yumuko nalang ako at dumiretso sa sariling opisina. I couldn't meet their eyes. Not now. I'd wallow in self-loathing first and then pick up myself and apologize for my behavior. But not now.

Naging abala na din ako sa sumunod na araw para sa birthday ng kambal. Sinamahan ako ni Ivo na bumili ng regalo para sa kanilang dalawa at nag-plano na din kaming kotse niya ang gagamitin patungo sa Elyu. He picked me up on Saturday shortly after the sun has set, and we drove to the city.

"Raya!"

Hindi pa ako tuluyang nakakalabas sa sasakyan ay dinamba na ako ni Avery. Natatawa ko siyang niyakap pabalik. Siya ata ang hindi ko madalas na makita simula nung nakabalik ako dahil masyado siyang busy sa trabaho.

"Buti naman nakapunta ka..." she grinned widely and glanced at Ivo. "Hayup, buhay pa pala 'to..."

Ivo glared at her. Simula nung magtrabaho siya sa kompanya, palagi siyang hindi nakakasama sa galaan ng barkada dahil sa sobrang busy. When everyone else can file their leaves, Ivo had to stay in the office and make sure everything is working well. Walang makakapalit ng posisyong iiwanan niya kahit pansamantala lang.

"Nandito na nga, eh!"

"Nandito ka lang kasi nandito si Raya..." Avery rolled her eyes and linked her arms with me. Si Ivo naman ang may dala ng regalo namin para sa kambal at nakasunod sa likuran namin.

"Dadalhin daw ni Lulu si Lottie ngayon?" tanong ko kay Avery habang naglalakad kami papasok ng bahay. Informal party ang birthday nilang dalawa at nag-set up lang sa garden. May nadaanan pa kaming nag-iihaw ng isda at liempo malapit sa buffet table.

"Oo..." Avery scanned the surroundings and pointed her finger to a table. "Ayun sila, oh!"

Naroon na pala silang lahat. They were crowding a small table because most of them brought their partners. Natigilan si Avery sa nakita. Kasama ni Lulu si Kael at ang anak niya. Si Ravi naman, sa tabi ni Celeste. A woman sat beside Karlo and a tall, Chinese man is talking to Yari. Kaming dalawa naman ni Ivo.

"Pucha, by partner ulit..." bulong ni Avery at parang ayaw nang lumapit sa table.

Hinigpitan ko ang hawak sa braso niya at nginitian siya nang malawak.

"Pwede mo akong partner!"

"Eh ako?" reklamo ni Ivo sa likuran na nakikinig pala sa usapan namin.

I laughed. "Pwede kang babysitter ni Lottie."