Alkia Kingdom: Beyond the Ranking Quest

Chapter 9: Killer Bear's Dungeon

UNEDITED. HINDI KO NA BINASA AFTER KONG ISULAT. TAMAD. PAGPASENSIYAHAN NA ANG TYPO AT GRAMMAR.

DENISE

Second day of the Ranking Quest.

I was walking at the hallway. Patungo na ako sa elevator. Masakit ang ulo ko dahil hindi ako nakatulog nang maayos kagabi. Iniisip ko pa rin ang napag-usapan namin ni Prius. Hinaplos ko ang sintido upang maibsan ang sakit.

Magkikita kami sa isang food chain nina Faye at Frey. I need to talk to Faye. Kailangan niyang mag-behave sa harap ni Zero para hindi kami mabuking. Natigilan ako nang makita sina Prius at Axel sa harap ng elevator. They were talking to each other. I think they're discussing something important. Parehong seryoso ang mga mukha nila. Hindi ko tuloy alam kung lalapit ako. Pero tila naramdaman na nila ang presensiya ko dahil sabay silang lumingon sa 'kin. Medyo nailang ako. Umaga pa lang, minamalas na ako.

Axel greeted me. "Good morning," he cheerfully said. I just nodded. Wala ako sa mood. Seryoso naman si Prius na muling ibinalik ang tingin sa harap ng elevator. Hindi niya ako pinansin. Hindi ko alam kung bakit ako naiinis. Mas dapat nga akong matuwa dahil tila kinalimutan na niya lahat ng nangyari kagabi. Tumigil na ako sa paglalakad at naghintay na sa elevator. Sakto pa na pagbukas ng elevator, walang katao-tao. Kami lang tatlo. I sighed. I wonder why I felt uncomfortable standing and waiting for us to reach the ground floor.

"Saan kayo kakain?" tanong ni Axel nang bumukas ang pinto ng elevator. Sinabi ko sa kanya kung saan.

"I'll go with you," pagpiprisinta niya. 

"No. You will go with me," seryosong sabi ni Prius. He put his arms around Axel's neck and drag him along with him. Umaangal si Axel pero hindi na niya napigilan pa si Prius. Naiwan ako habang tinatanaw sina Prius palayo. Nagkibit-balikat na lang ako at pumunta na sa kinaroroonan nina Faye. Kumaway pa si Faye sa 'kin nang pumasok ako sa fastfood chain. Agad akong lumapit sa kanila.

"Hoy babae! Linawin mo nga sa 'kin ang nangyayari? Hating-gabi na nag-uusap pa kayo ni Prius?" nagdududang bungad agad sa 'kin ni Faye. May malisya sa bawat salitang binibitiwan niya. Hindi na nagtaka si Frey kaya natitiyak kong alam na rin niya.

"It was a long story. At walang malisya sa pag-uusap namin. By the way, magpanggap ka muna na ako. Please! And don't do something weird. Tiyak na maghihinala si Prius," kinakabahang sabi ko sa kanya. Sa totoo lang, kay Faye talaga ako kinakabahan, hindi kay Prius. Baka ipahiya ako ng babaeng ito. Kung anu-ano pa naman ang kalokohang alam niya.

"Bakit kasi hindi mo na lang inamin ang totoo?" naiiling na tanong ni Frey.