ကားရပ်သံကြောင့် ဒေါ်ချိုက အိမ်ရှေ့သို့အူယားဖားယားထွက်လာလေသည်။
"ဟော.... ချမ်းကလေးကပြန်လာပြီ.... ကိုမန့်ဆီက အခုပဲဖုန်းလာသွားတယ်...."
"ဟင်..."
ချမ်းသည် အိမ်ထဲဝင်ဝင်ချင်းကြားလိုက်ရသည့်သတင်းကြောင့် မူးဝေနုံးချိနေသည့်ကြားထဲ ပိုအားပြတ်သွားသလို ခြေကုန်လက်ပန်းကျသွားလျက် အိမ်အဝင်ဝနဲ့အနီးဆုံးဆက်တီတစ်ခုစီ ခန္ဓာကိုယ်ကို ဖြစ်သလိုပုံလျက်ထိုင်ချပစ်လိုက်ပါသည်။ချက်ချင်းပင် ရင်တလှပ်လှပ်တုန်လျက် ဝမ်းနည်းလာရ၏။
" ဘယ်တုန်းကလဲ ဘယ်တုန်းကလဲဟင်...ဒေါ်ချို"
အငမ်းမရမေးမိလေသည်။
"အခုလေးပဲ...အခုလေးပဲဖုန်းချသွားတာ ချမ်းကလေးတို့ ခြံအဝင်ဝလောက်ပဲရှိတုန်းဖြစ်မှာပေါ့.."
ဪ..ဖြစ်ရလေ.. လွဲချင်တော့လည်း ကြံဖန်လွဲတာပါလား....ဒါလောက်တစ်ချိန်လုံးစောင့်နေတုန်းကတော့ မဆက်ပဲနဲ့ကိုကိုရယ်။
" ကိုကိုကဘာပြောသွားလဲဟင်..."
" ဟို.... သူနှစ်ရက်သုံးရက်ကြာဦးမယ်ဆိုလားပဲ....လူစားမရသေးဘူးဆိုလား..ဘာဆိုလား.."
" ဟင်....ဒေါ်ချို့ဟာကလည်း .... သေချာတာကို မရှိပါလား.."
" အို..ချမ်းကလေးရယ်.... ဖုန်းကကိုမသဲကွဲတာကွဲ့.... ဟိုမှာမိုးတွေအရမ်းရွာနေတယ်တဲ့.... ဖုန်းလိုင်းတောင်လုံးဝမမိလို့ မြို့ထဲထိဖုန်းလာဆက်ရတယ်တဲ့... မိုးသံတဝေါဝေါနဲ့ တဂျစ်ဂျစ်မြည်နေတာ..မနည်းနားထောင်ရလို့ပါ.."
"ဟုတ်တယ်... မိုးတွေရွာနေတာ ပြန်လာတဲ့နေ့ကတည်းကပဲ.... ကျွတ် အဲ့ဒီ ကိုကိုက ကျွန်တော့်ကိုတော့မဆက်ဘူး.."
"ဆက်တယ်တဲ့... ချမ်းကလေးကဖုန်းမကိုင်ဘူးဆို..."
ချမ်းသည် ဒီတော့မှပင် မျက်လုံးပြူးကာခါးကလေးမတ်လျက် ဘောင်းဘီအိတ်တွေထဲလက်ထိုးနှိုက်ကာဟိုစမ်းဒီစမ်းရှာဖွေသည်။ဟုတ်ပါရဲ့..ဖုန်းကမပါပါလား.... အိပ်ခန်းထဲမှာကျန်ခဲ့ပြီထင်တယ်။စိတ်ညစ်လိုက်တာ.. ကိုကိုဖုန်းဆက်မယ့်နေ့ကျမှပဲ။
" ကိုကို့ကိုပြန်ဆက်လိုက်ဦးမယ်.."
" ရမယ်မထင်ဘူး ချမ်းရဲ့... ကိုမန်က အခုပဲဖုန်းပြောပြီးတာနဲ့ပြန်တက်တော့မယ်တဲ့... မြို့ထဲကထွက်တာနဲ့လိုင်းကမမိတော့ဘူးပြောတယ်..."
