فيصل : هلا ؟
سعود : ولد بعطي هديه عطيني كلام
فيصل : شعرفني انا !
هُمام : وش شعرفك انت ابو الحب !
سعود :يلا فيصل
فيصل :قول لها احبك
سعود : بس ؟
هُمام : لا لا
سعود: خلني افكر
فيصل : اقول اكتبوها و بس !
سعود ؛ طيب م نزيد عليها ؟
فيصل : وش تزيد عليها ؟
سعود : فكرو عيال !
فيصل : هُمام يعرف
هُمام : كذاب ماني بحولها
سعود : اصبر اصبر ذا ثامر !
هُمام : اي هو اقعد وين رايح
سعود : هو اللي يدق علي يشوفه
هُمام : حتى انا احسه هو بس بيجحد
سعود : مالي شغل فيه
هُمام : لا تورطنا انت المهم اسمع
فيصل : عيال لا تسوون شي جدي بيزعل
سعود ؛ م عليك بعدين اكلمك
هُمام : ملاك تقول اول م جيتو بيت جده في سياره نزل منها مندوب و عطاها هديه و تقول الشخص اول م ناظرت فيه يغطي و تقول شافته ف للمستشفى يوم كان عمي محمد فيه و شافته فالديره اكيد هو !
سعود : ملاك!!
هُمام : بس تقول راحو ع طول يعني ذا مب هين دام جاء لاحد بيتنا بيقدر يسوي اللي براسه و بسهوله !
سعود ؛ يخسي بس ملاك م قالت لي
هُمام : حتى انا م كانت تبي تعلمني
سعود ؛ بشوفها بعدين
هُمام : لا اتركها قالت لنا كل التفاصيل وش تبي اكثر بعدين يوم كانت تعلمني كانت خايفه ! من كثر م نبهناها خافت البنت
سعود ؛ وش السوات
هُمام : مدري بس خله يبي يخلينا نشوف هيا نزلنا
سعود ؛ لا تحارشه انتبه
فالمجلس
الجد : وين راحو العيال ؟
فيصل : هنا والحين راجعين
عبدالعزيز: في احد يروح بخطبته ؟ غريب
فيصل : اي هم
عبدالعزيز: لا تدافع !
فيصل : اخوي !
عبدالعزيز: توكم عرفتو نفسكم امس انكم اخوان لا تاخذ دور الاخ
فيصل : م يهمني متى عرفنا المهم انه عندي اخ
عبدالعزيز: وليته من امك
فيصل : عادي كلنا نفس بعض عندك اخت ليتها من امك
عبدالعزيز: امي م تجيبها بلسانك تفهم !!!
فيصل ؛ لا بجيبها وش بتسوي
نايف : عيال !!
الجد : عبدالعزيز ؟ وش ذا اللسان اللي عندك من متى كذا من بعد م رحت و الكل متغير انا اللي ربيتكم وين راحت تربيتي ؟ غبت ثلاث سنين ربوكم كذا!
فيصل : جدي اسمعه وش يقول ! اللي يتكلم ع سعود بيسمع كلام م قد سمعه
الجد : فيصل ! خلاص
عبدالعزيز: اي ابوي "غازي" ولد خال غزل خطبها !
نايف ؛ م جاني
عبدالعزيز: كلم نوال
الجد : من متى الخطبه تكون عند الحريم !!
عبدالعزيز: يعني بس قال لها انه بيجي اليوم و يخطبها
الجد : هاقول له م عندنا بنت لك
عبدالعزيز: وليه !
الجد : خلصنا !
عبدالعزيز: ابوي اسمعه
نايف : ليه ؟
الجد : م عندنا بنت له وخلاص !
عبدالعزيز : عشان ذا ! بس ذا م ابيه غزل
الجد : غزل قالت لك ؟
عبدالعزيز: لا بس واضح !
الجد ؛ قم اطلع برا !
نايف : يبا !
الجد : لاحد يكلمني لا الحقه به !
عبدالعزيز ؛ فيصل لا افكر م راح تاخذها
فيصل : مثل م فكرت تاخذ وحده متزوجه بفكر بس بوحده مو متزوجه
عبدالعزيز: مين تقصد ؟
فيصل : م تعرف ؟
الجد ؛ هيا برا !
عبدالعزيز وهو يدق ع "نواف " : عمي نواف
نواف : هلا عبدالعزيز ؟
عبدالعزيز: يحرام م كان ودي ادق عليك بس لان ودي تاخذ حق بنتك سعود تزوجها و رماها ف الشارع من ثاني يوم كلنا نعرف وش صار ! بس اسمع سعود يلعب ببنات الناس الحين خاطب وحده بعد ! اقول تعال ادبه !
نواف : بنتي ؟
عبدالعزيز: عمي مو وقته الجحد الحين بنتك كل الناس يتكلمون عنها ولا احد تزوجها للحين بسبب اللي صار خذ حق بنتك منه الحين خطب له وحده
نواف : ارسل لي موقعكم ، كفو ولد اخوي م طلعت نفسهم
عبدالعزيز: كفوك ! عاد يشبهوني فيك
نواف : ونعم الشبيه !
عبدالعزيز: اقصد بالافعال دايم يشبهوني فيك
نواف : فهمتك ارسل يلا
عبدالعزيز: نسيت لك هُمام تراه شريك معاه
نواف : ولد صقر ؟
عبدالعزيز: اي
نواف ؛ هين
عبدالعزيز: لا تقصر فيهم
نواف : ابشر
عبدالعزيز: عمي
نواف : وش ؟
عبدالعزيز: بغيت رقم "حسين "
نواف : وش عرفك فيهم ؟
عبدالعزيز: عطيني و م عليك
نواف : لا تتورط معاهم فيها سجن ترا
عبدالعزيز: م عليك فيهم ! م ابيهم لي
نواف : اجل اشوا
عبدالعزيز: يلا
