သော့လှည့်လိုက်တာနဲ့ ကားစက်သံ ဝရူးဝရူးမြည်ကာ စက်နိုးသွားတာကိုစောင့်ကြည့် နားထောင်နေပြီးမှ တမန်ကကျေနပ်သွားကာ ကားစတီရာရင်တိုင်ကို လက်နဲ့တစ်ချက်ပုတ်လိုက်ပါသည်။
"ဘယ်လိုလဲ အစ်ကို... စိတ်တိုင်းကျရဲ့လား..."
" ကျတယ်ဗျို့... "
" ဟဲ..ဟဲ... ကျရမယ်လေ....ကျွန်တော်တို့တပည့်တွေနဲ့တောင် လွှတ်ထားတာမဟုတ်ဘူးဗျ... အစ်ကို့ကားဆိုပြီး ဆရာကကိုယ်တိုင်သေချာအစအဆုံးလုပ်ပေးထားတာ"
"အေးပါကွာ... ကျေးဇူးတင်ပါတယ်.."
ဆီဂျေးပေတူးတူးနဲ့ ရယ်နေသောကောင်လေးက သူ့လက်ထဲက အဝတ်ပိုင်းစနဲ့ တမန့်ကားမှန် ဘောနပ်တွေကိုတစ်ချက်နှစ်ချက်ပွတ်သုတ်ပေးရင်း..
" ဟိုတစ်နေ့က အစ်ကိုတို့အိမ်က အစ်ကိုလေးတစ်ယောက်ကားနဲ့ပါသွားတာတွေ့တယ်... သူကပြန်သွားတာလား..အစ်ကို.."
ဒီကားဝပ်ရှော့က သူတို့ခြံနဲ့သိပ်မဝေး။လမ်းတစ်လမ်းထဲပေါ်မှာမဟုတ်ပေမယ့် တမန်တို့ခြံကိုဖြတ်သွားပြီး လမ်းထိပ်မှာတကွေ့ကွေ့လိုက်လျင် ကားဝပ်ရှော့ခြံပေ။ဒါကြောင့် ဝပ်ရှော့ကဝန်ထမ်းကောင်လေးတွေကော ပိုင်ရှင်အစ်ကိုကြီးပါ သူတို့နဲ့ဖြတ်သွားဖြတ်လာ စကားစမြည်ပြောဆိုရင်းနှီးနေကြပါသည်။အခုလည်း ကားကိုသွားပင်မရွေးရပါ။သူတို့ပဲ အိမ်တိုင်ရာရောက်လာပို့ပေးကြပါသည်။
"ချမ်းကလေးလား... ဟုတ်တယ်... သူ့ကိုသူ့အဖေအမေတွေလာခေါ်သွားကြတယ်...."
"အစ်ကိုလည်း အခုပြန်တော့မှာပေါ့နော်.."
"အေးကွ.. အမှန်က လွန်ခဲ့တဲ့ တစ်ပတ်လောက်ထဲက ချမ်းနဲ့တူတူငါလည်း ပြန်ရမှာ.. ငါကဒီကားဒုက္ခပေးနေတာရယ်... အိမ်စောင့်မရှိတာရယ်နဲ့ မပြန်ရဘူး...အခုမှပဲ"
"အကြာကြီးနေခဲ့ပြီးမှ ပြန်သွားတော့ လွမ်းစရာကြီး... ကျွန်တော်တို့က အစ်ကိုတို့ကိုခင်နေတာ... ပြန်လာလည်ဦးပေါ့ အစ်ကိုရ.."
" လာလည်မှာပေါ့... လာမှာ ... ဒါကြောင့်မို့အိမ်ကိုတောင်မရောင်းပစ်ခဲ့ပဲ အစောင့်ပဲချန်ပြီးထားခဲ့တာလေ...ပြန်လာလည်ဖြစ်ဦးမှာပါ.."
