حسين:- وصلت من وصلت دخلت للموقع مالهم وشنو شفت نصدمت بي ..???
عباس:- سـ سيدي هسه شنو
حسين:- هنا بهذي اللحظة زال كلشي وكلشي نتهى
كلت لعباس
اعتقلهم كلهم
عباس:- سيدي شنو كلهم
حسين:- كتلك كلهم حته هاي
عباس:- حاضر سيدي
حسين:- زيوني وينك خابر الفريق الطبي كللهم عدنا مصابين خل يجهزون نفسهم بس كللهم كسور مو رصاص
،،،
طلعنا ركبوهم بالهمرات وركبت ريام يمي
ريام:- اول ماوصلت لمكان ماهر
رادو يربطون ادية وتامر وهشام وسام وعلاوي اقتحموا المكان من غير باب ماعرف منين دخلو المهم اجو من غير جهة كتلو اصدقاء وحماية ماهر واني استلمت ماهر دگ دگ جلاليق بوكسية موته ضل كوة يجر النفس سمعنا صوت سياره الشرطة كلت لعصابتي بسرعه روحو اكيد هذول عرفو انو اني مخطوفة اكدر اطلع نفسي انتو روحو هسه
وصدك راحو جماعتي بقيت بس اني واكفة بنص ذول كلهم متجطلين بالكاع يونون من الوجع واني واكفة دخل حسين تعجبت بي نصدمت رفعت راسي ع كيف عليه اعاين بعيونه مثل الذيب ماخاف بقة صافن عليه ورفع حاجبة بغضب هذا عباس اخو ساره وياه عرفته وعرفني هم كال لعباس اعتقلهم عباس عارض بس بعدين اعتقلني وياهم
صعدني يمة بسيارته الما احبهن هذن الهمرات
بقينة ساكتين اني وياه وهوة ساد قبضة ايدة حييل واني اعاين عل ايدة واحك بالصبغ مال اظافري اوكع بي جرحت اصبعي باظفري لن احك بالاظفر صار اظفري عل لحم الاصبع ونجرح صحت اااخ
عاين عليه لزم ايدي بحركة سريعه وكام يحجي عليه
النقيب حسين:- يعني صالج صاعه تحكين باظفرج شهالحالة النفسية العندج شكو شبيج انتي مريضة يعني
لا ونوب ايدج كلها ورم ،،، شوفي وراج تحقيق طويل بس خل يضمدون ايدج هسه
ريام:- بقيت صافنة عليه ماخايفة منة بس ضجت حيلل ماعرف شعور تملكني فجئة ردت ابجي شنو اني ياخذني هذا التافه لمركزة وماعندي سند ولا اب ولا اخ وصلنا هنا نزلني گبل لمكتبة عافني بالمكتب وراح للخطفوني
دقايق وكمت اسمع صوته يصيح عليهم رج المكان بصوته بعدين اسمع صوت تكسير ونوب همة كامو يتوسلون بي بقيت ارجف هنا من هاي الكلمة شفايفي ترجف وبردت حييل اعصابي تلفت
ماكول اني ماخايفة اني اول مرة هيج اتوتر بسبب شخص اسمع صوت تعذيبة للمجرمين الي بالسجن يتوسلون بي سيدي فدوة فدوة اني سديت اذني من هالكلمات ختنكت
اريد اطلع الباب مقفول اريد اشم هوة ماكو الشباك مينفتح لن بلاستك بي قفل يفتح عل مفتاح فقط واني مختنكة كمت اضرب بالكزاز اريد اكسره علمود اتنفس اكره كلمة فدوة اكرهاااا ليش يتوسلون ردت ابجي بس لزمت نفسي. هاي الكلمات الي كلتهن للمجرمين القتلو اخوي شهاب مارحموه اكره هاي الكلمة اكرهااااا
شوية
ودخل يرعد رگع الباب وراه بقوة
عاينت عليه بحقد
لزمني من زندي وسحبني ورگعني بالحايط
،،،لجج اطيح حظج ذا تحاولين تنهزمين منا
لجج شنو انتي عبالج تلعبين علينة
منو انتي
،،قاطعتة بكلامي وكتلها بصوت عالي وشموخ
انيي رياااااام
عاين عليه بغضب ورفع ايدة وعيني بعينة مااكسرها
أنت تقرأ
الذيبة ورائد التحقيق
Mystery / Thrillerماكول اني ماخايفة اني اول مرة هيج اتوتر بسبب شخص اسمع صوت تعذيبة للمجرمين الي بالسجن يتوسلون بي سيدي فدوة فدوة اني سديت اذني من هالكلمات ختنكت اريد اطلع الباب مقفول اريد اشم هوة ماكو الشباك مينفتح لن بلاستك بي قفل يفتح عل مفتاح فقط واني مختنكة كمت...
