ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{5}

                                  Unicode

ကျိချင်းကျိုး နောက်မနက်နိုးလာတော့ ချူချန်ရဲ့လက်တွေထဲမှာတင်းတင်းကျပ်ကျပ်‌အဖက်ခံထားရသည်။သူအခုလေးတင်နိုးလာသည်ဖြစ်၍ နည်းနည်းဇဝေဇဝါဖြစ်နေခဲ့သည်။သူမတုံ့ပြန်နိုင်ခင် ချူချန်ကိုအကြာကြီးကြည့်နေခဲ့မိတယ်။မနေ့က သူဝတ္ထုတစ်ပုဒ်ထဲကူးပြောင်းလာတာဖြစ်ပြီး စာအုပ်ထဲကဇာတ်ကောင်တစ်ယောက်ဖြစ်လာခဲ့သည်။သူ ဖန်ယောင်ရွှမ်းနဲ့ ရှင်းရှင်းလင်းလင်းလုပ်ခဲ့ပြီး ချူချန်နဲ့နေဖို့ရွေးချယ်ခဲ့တယ်။

ဒီသောက်ကူးပြောင်းခြင်းကြီးကိုအော်ဟစ်ဖို့နောက်ဆုံးတော့အချိန်ရှိလာခဲ့ပြီ။
ဘာလို့ သူကိုရွေးချယ်ခဲ့တာလဲ?

သူနဲ့မူလ"ကျိချင်းကျိုး"ကနာမည်တူနေတာကြောင့်လား?

ဒါ့ပြင် သောက်ရမ်းအားကိုးမရတဲ့ရွေးချယ်မှုကြီး!

တစ်ချိန်တည်းမှာပဲ သူအစောကြီးကူးပြောင်းလာမိတဲ့တွက်ဝမ်းသာမိပါတယ်။နောက်ကျပြီးသာကူးပြောင်းလာလို့ကတော့ မူလပိုင်ရှင်နဲ့ဖန်ယောင်ရွှမ်းတို့ တူတူနေပြီးလောက်ပြီဆိုရင်တော့ သူပြတင်းပေါက်ကနေလုံးဝခုန်ချမိလိမ့်မယ်။

ဖန်ယောင်ရွှမ်းနဲ့ရူးရူးသွပ်သွပ်ကားမောင်းတာထက်စာရင် သေရေးရှင်ရေးပေါ် စောစောတည်းက မျှော်လင့်ချက်မထားတာပိုကောင်းတယ်။ သူ စဉ်းစားဉာဏ်ကင်းမဲ့လိမ့်မည်မဟုတ်‌ပါ။ထိုသူနှင့်သာဆို ရုပ်ပိုင်းဆိုင်ရာရော စိတ်ပိုင်းဆိုင်ရာရော ရှုပ်ထွေးလာလိမ့်မယ်။

ကျိချင်းကျိုးသည် ကွာရှင်ထားတဲ့မိသားစုမှာကြီးပြင်းရပြီးကလေးဘဝတည်းကသူ့အမေနဲ့ဘဲနေရတယ်ဆိုရင်တောင် သူမိသားစုက အခြေအနေကောင်းကြသည်။ ဒါ့ပြင် သူကအမြဲတမ်း စိတ်ကောင်းထားသူတစ်ယောက်ဖြစ်ပြီး အကောင်းဘက်ခြမ်းကိုထိန်းသိမ်းနိုင်သည်။ကိစ္စတွေဆိုးဝါးရင်တောင်မှအကောင်မြင်ကြည့်ပေးနိုင်သည်။

အခုတော့ သူကူးပြောင်းလာခဲ့ပြီဖြစ်သည်။ပြန်သွားဖို့ကလည်းမဖြစ်နိုင်လောက်တော့ပေ။ကံကောင်းချင်တော့ သူအမေက သူမနောက်လိုက် ဦးလေးလီနဲ့ လွန်ခဲ့နှစ်နှစ်အစောပိုင်းလောက်ကမှလက်ထပ်ထားခဲ့သည်။သူ မရှိရင်တောင် တစ်စုံတစ်ယောက်က သူမနှင့်အတူရှိပေးပြီး သူမကိုစောင့်ရှောက်ပေးလိမ့်မည်။ဒါကလည်း နှစ်သိမ့်မှုပေးနိုင်တဲ့အရာတစ်ခုပါပဲလေ။