اخوان ذاك اليوم بعدما طردتني امي ما چان عندي فلوس مبيت بالفندق ف رحت لبيت عمتي ام زوجتي المهم رحنه و سألوني شكو گتلهم الجهال مشتاگيلكم و جبتهم و الامور جانت تمام ..
و بقينه عدهم يومين بس اليوم بعدما تريگنا اشو كلمن فات لغرفته و عمتي راحت للمطبخ ضليت اني وحدي بالصالة حسيت باحراج و گمت اروح و اجي بالصالة اشو سمعت ابني يكول لعمتي ( بيبي ضربت بابا بنعال و طردتنه من البيت ) رجعت عمتي تكول لزوجتي ( هذا رجلج ابو راس مدوحس طلع يچذب علينا و انتي هم تضمين ع امج ) عاد اني ماتحملت من القهر فتت بفراشي انام إلا شويه ابچي گدما انقهرت و تذكرت الماعنده بيت و اهل و عشيرة اثاري يصير مكفخه للناس ... المهم كعدت الظهر مالي واهس اجت ام الجهال گالتلي شبيك احطيلي گتلها ماكو شيء وهي گامت تلح و تعاركنه و تالي لزگتها براشدي و عمتي شافت و انفلت لسانها عليا تگلي شلون تضرب بنتي گدامي الا اط يح حظك هي من گالت هيچ اني رحت اخذ ابني واطلع من بيتهم وهي متقبل الولد يجي وياي تكلي روح وحدك و كمنا نجرجر بالولد تالي دفعتها علمود تفك الولد و هي وگعت ع راسها بالگاع و كامت تتدعبل و انغمى عليها هيچ و چان يفوت عمي و نسابتي اخوان زوجتي شافو امهم بالگاع و مانطوني مجال افهمهم انه مو بقصدي التموا عليا شبعوني كتل حتى شگو قميصي و حجزوا زوجتي و ابني و طردوني بوحدي من بيتهم .
و هسه مدري وين اروح الدنيا انسدت بوجهي اخوان ياريت تدلوني شسوي و وين اشتكي عليهم علمود ارجع زوجتي و ابني ..؟
و نصيحة لله لحد يتزوج و يصير گعيدي لان مذلة ونبي ..! 💔
