بارت 15
بسم الله
-
-
قامت شوق المغرب ومول منهد حيلها من الصياح والتعب شلت فونها وشيكت على الساعه
(شوق): اذن المغرب وانا نايمه...ربي سامحني
قامت شوق وسارت توضت وقامت صلت وهيه تصلي طاحت دموعها مره ثانيه
خلصت صلاتها وكملت صياحها
(شوق): ي الله انا شو سويت له عسب جي يكسرني و يجرحني...اخخخخ بس ضعيت عمري وانا احبه وما حبيت غيره ياربي شسويييي احين؟؟؟ اخخخ يقلبيييي
شوي واندق الباب
(سلطان): شوقق؟؟ نشييي ابوي يقول تعالوا تحت
(شوق) وصوتها يبين انه في انَّ: ها؟...اوك احين بييي
لحظات صمت
(سلطان):....شوق فيج شي؟
(شوق): ها لا لا مافيني شي
(سلطان): تعرفين اني موجود لو في شي صح؟؟
(شوق)ابتسمت: هيه سلطون اعرف
(سلطان): تمام عيل بخليج على راحتج
(شوق): تمام ثنكيو
قامت شوق وسارت الحمام تغسل ويهها وتحاول تخبي ملامح الضيق الي فيها
(شوق): اوففف يوم اصيححح اطلع صدق حلوه....واسي نفسك ليش تتريا غيرك صح؟
غسلت ويهها وطلعت من الحمام بدلت وتعطرت ونزلت تحت الكل طبعا كان موجود
(بو احمد): يا هلا بالزيننن يا هلااا بالحلوين
(شوق): هلااا بابوييي
وباسته على راسه
(شوق): اجوفكم ف مود حلو اليوم
(ام احمد): ان شاء الله دوم
(لطيفة): في سبب تيمعنا ولا بس جي؟
(هزاع): شو هالسوال؟
(لطيفة): خير سالت نعم تبا تتضارب؟؟
(هزاع): خير شو فيج احين؟
(سلطان): خلها شو تبا منها احين؟
(مايد): يدور مشاكل
(هزاع): جبببب
(بو احمد): بسس...ولا لطوف ماشي سبب عسب نتيمع
(لطيفة):...تمام
(احمد): نزيننن شو الدراسه؟
(لطيفة): توا اول يوم
(سلطان): ممكن تبندون موضوع الدراسه؟
(بو احمد): مسرع ما كرهت المدرسه
(ام احمد): معاه عرب ما يبلعهم
(شوق): اوففف التوام معاك؟
(لطيفة): اوووه تعرفين التوام
(سيف): الكل يعرفهم التوام عنود وهنوف
(سلطان): لا تحتكين وايد معاهم احسن لج
(لطيفة): ليش شسالفة؟
(شوق): عنود معروفة بغيرتها على سلطان لانها تموتتتتت فيه ومعروف انه هنوف طيبة عكس اختها الي يمكن تسوي اشياء مينونه
(لطيفة): هيهه عسب جييي سالتني شو العلاقة الي بيني وبين سلطان
(شوق): وهيه جفتي اسلوبها كيف ؟
(لطيفة): كانت طيبة معاي
(سلطان):......
(شوق): طيبه؟ غريبة اخر مره شوي وتاكل دانه
(لطيفة): معرف يمكن تغيرت
تم الكل يسولف بعدها نزلوا العشى وتعشوا وكل حد سار غرفته صلى ونام الا سلطان
(سلطان): متاكد انها مب عنود وان كانوا موت متشابهات هم الثنتين وايد يختلفون مب مهم...المهم ما يقربون من لطوف ولا ياذونها...
وسار رقد
عند عنود
الي بعد ما تسبحت و كلت سارت الغرفة وصلها مسج
(؟؟؟):[عنود؟]
(عنود):[ قلتلك لا ترمسني ما تفهم؟]
(؟؟؟):[افاا وانا ياي اقلج خنرجع نسوي حركات قبل]
(عنود):[ تعرف اني اكره حركاتك]
(؟؟؟):[ يعني بتترين لين لطيفة تاخذ سلطان منج؟]
هني عصبت عنود وحست الدم الي فجسمها يفور والغيره الي فيها بدت تبين
(عنود):[ لو سمعتك تقول هالكلام بوديك ف ستين داهيه سامع؟؟]
(؟؟؟):[ عنودي لا تحاتين من متى وانا ازعلج؟]
(عنود):[ بسس صخ مابي اسمع حسك بسير انام وعن موضوع لطيفة بينا عقب]
(؟؟؟):[ تمام عيل اترياج]
بندت عنود الفون وسارت وتمت تفكر بموضوع لطيفة وانه شو بتسوي فيها عشان تكسب سلطان دشت عليها اختها
(هنوف): عنودد ليش مب نايمه؟؟
(عنود): بنام بنام
(هنوف): هيهه النوم مهم عسبت جمال الويه يتممم...وانا ابا اختي تكون دايما احلى وحدهه
سارت وحضنت عنود
(عنود): شو فيج؟
(هنوف): معرفف بس ابا احضنج يمكن يزيد جمالي
(عنود): هنوففف شو هالكلام انا وانتي لنا ويه واحد يوم جي تقولين كانج تقولين عني مب حلوه
(هنوف): هيههه عنوديي يلا سيرييي نامي
(عنود): منعيوني
فكت عنود الحضن وسارت نامت نفس الشي مع هنوف
وعدا الاسبوع الدراسي الاول عادي بدون اي مشاكل ولا شي فالويكند تيمعوا الاهل كالعاده عند بو احمد وكانت شوق تبا تستغل هالفرصة عسبت تواجه ذياب
دقت شوق غرفة لطيفة
(شوق): لطوف؟
(لطيفة): شوق؟؟ تعالي دشي
دشت شوق وسيده سارت عند لطيفة وصاحت ف حضنها
(شوق): لطوف انا متتتت
(لطيفة): شوق حبيبي شو فيجج؟؟
(شوق) وهي فيها غصة: ك...كلامج كان صححح
وانهارت صياح مره ثانيه
(شوق): ذياببب...و..و امنهه
(لطيفة): آسفه ياروحيي ما تستاهلين الي ياج منه ولا هو يستاهلج هدي يا امي انتي هدي
مسكت لطيفة ايد شوق وودتها صوب الغنفة ويلستها ويابتلها ماي وتمت تواسي شوق
(شوق): لطوففف انا اسفه على اللي قلتلج اياهه صدقيني اسفهه
(لطيفة): عادي ياماما عاديييي حصل خير
(شوق) وبعدها تصيح: احين شو بسوييي؟؟
(لطيفة): عندييي فكرة بس اول شي مسحي دموعج
(شوق)وهي تمسح دموعها: الي هي؟
(لطيفة): انج تنزلين بكامل حلاتججج خليه يذوب وبعدين بويهه بارد انفصلي عنه وقولي ليش ما فينا بعدين من العصبية يفضحج
(شوق): ما اتوقع اني بروم اكون باردة
(لطيفة): لا لا تروميننن صدقينيي
ابتسمت شوق وحضنت لطيفة
(شوق): عيل بسير اتجهز
(لطيفة): لا لا تعالييي انا بسويلجج
انتبهت شوق على لطيفة وانها رسمت عين وحده والثانيه بعدها وضحكت عليها
(شوق): خلصي انتي اول لانه جي يشكلججج يضحك
طالعت لطيفة شكلها ف المرايه وصدق كانت راسمه عين وعين لا
(شوق): خلصي ما باقي شييي واييي حبيب قلبج غيثثث
طالعتها لطيفة بنظرة
(شوق): اسفه ما كان قصدي
وركضت وطلعت برع
(لطيفة): حبييببب قلبج غيثثث جب لاهه
بس شي فقلبها فز يوم انذكر اسمه وابتسمت لطيفة عليه
خلصت لطيفة وتجهزت ونزلت هي وشوق تحت لقوا عمهم خالد بمعنى عياله موجودين وامها وابوها واخوانها طبعا شوق لفتت انظار الكل لانها كانت بكامل حلاتها خلت ذياب يبطل ثمه ويبتسم
(لطيفة): يع كيف يطالعج
(شوق): سكتي احس برجع
ضحكن هم الثنتين وساروا سلموا على عمهم وحرمته
وقعدوا وقامت شوق تضيف وتصب قهوه ومن هالامور لين ما وصل خالهم زايد
(بو احمد): يلاااا حيههه بوحارث
(بو حارث): الله يحيك يارب
(بو ذياب): تعال تعال
وسارت ام حارب عند الحريم ودانه ركض تحضن شوق ولطيفة
(دانه): اشتقتلكم
(شوق): خيبهه امس جايفتني فالمدرسه
(دانه): ستللل الواحد يشتاق
(لطيفة): اممم انا ما احب الاحضان دانوهه
(دانه): جببب وخلج ساكته
وغيث يجوف دانه تحضن لطيفة وهو فيه غصة من داخل بس تذكر شي وابتسم
شوي ويفكون الحضن وسارت لطيفة المطبخ اتييب الكيك قام وراها غيث
بطلت لطيفة الثلاجه وطلعت الكيك ولفت ولقت غيث فزت شوي
(غيث): بتمين تفزين كل ما تجوفيني؟
(لطيفة): لا بس خرعتني
(غيث): احين انا اخوف
سرحت لطيفة ف ويهه وتمت تتامله
(غيث): لطوف؟
رجعت لطيفة للواقع
(لطيفة): هلا
(غيث) بتوتر:....ابا اخبرج شي واتمنى تسمعيني
(لطيفة) باستغراب: قول
(غيث): انا بكمل دراستي برع ف لندن...
هني انصدمت لطيفة
(لطيفة)بصدمه: بتسافر؟
(غيث): هيه بسافر بس قبلها ابا اسوي شي
(لطيفة): الي هو؟
(غيث): انا بغيت اسالج قبل لا اتكلم يدام الكل عسب ما تستوي مشاكل
(لطيفة): امممم
(غيث): لطوف اعرف انه بعدج تدرسين وباقي وقت لين ما تتخرجين بس...لو تقدمتلج احين بتوافقين؟
فز قلب لطيفة مليون مره وحست ب فراشات ف بطنها
(غيث) بتوتر: لطوف شو رايج؟....قولي شي
غيث فهم من هدوء لطوف يعني انها ما بتوافق وبغى يتحرك
(لطيفة): ويتتت
لف غيث
(لطيفة): تريا اممم توترت....معرف شو اقلك غيث انا بعدني صغيره
(غيث) الي استوعب كلامه: اوههه صححح قصدي يحيرونج لي
(لطيفة): هيههه وانا اقول بعد ها بلاهه تخبل
(غيث): مفهمت المفروض ازعل ولا كيف يعني؟
(لطيفة): سوري عطني شوي افكر ومن هالامور
ابتسم غيث ابتسامه شقت قلب لطيفة
(غيث): خذييي وقتج كلههه ما عندي مانع....بس لا تطولين علي
ابتسمت لطيفة ونزلت راسها
(لطيفة): تمام
طلع غيث وطلعت لطيفة وحطت الصحون وجي وبدوا ياكلون كيك
وتمت تفكر
(دانه): لطوففف شو ف بالج؟؟
(لطيفة) ابتسمت: ولا شيي
(شوق): نزيننن اقلج الكيكه حلوهه
(دانه): صححح من وين يايبينها؟؟؟
(لطيفة): معرف اسالي احمد هو الي ياب الكيك
(دانه) بصوت عالي: احمددد
(احمد): هلا؟
(دانه): من وين يبت الكيكك؟؟
ابتسم احمد وطالع لطيفة
(احمد): حرمتييي مسوتنه شو رايج؟؟؟
(دانه): اوف عاد حرمتك ما شاء الله فنانهه
(شوق): الكيك 10/10 ويستاهل زود بعد
وبدا الكل يمدح الكيكه واحمد طبعا رافع خشمه والصراحه من حقه
قامت لطيفة
(بو احمد): على وين؟
(لطيفة): بسير الغرفة شوي وبييي
(بو احمد): تمام
سارت لطيفة الغرفة وغيث ابتسم عرف انها سارت تصلي
صلت لطيفة استخارة وارتاحت نزلت وغيث عيونه عليها وهزت راسها بمعنى انها موافقة ومن الحماس غيث كان بيسير بيحضنها بس مسك عمره ردت لطيفة يلست وغيث ما تريا ثانيه ولا ثانيتين
(غيث): عمي سعود بغيت ارمسك بموضوع
انصدمت لطيفة
(لطيفة) بتفكيرها: احيننن؟؟
(بو احمد): تفضل
(غيث): عمي انا بكمل دراستي ف لندن وبقعد فيها فترة وارد
(بو احمد): حلو ناقصك شي ؟ ولا ف خاطرك شي ؟تكلم ما يردك الا لسانك
(غيث): هيه عمي خاطري ف شي طبعا انا ريال ما ينعاب ونفس الباقيين ابا اتزوج
الكل صد صوب غيث ولطيفة نزلت راسها والكل حط ف باله انه يبا يتقدم حق شوق
(بو احمد): حلو والله ومنو بغيت في حد ولا؟
(غيث): عمي البنت موجوده و هني بعد...حاب اخطب بنتك لطيفة
الكل انصدم
(بو احمد): لطوف؟ بس بعدها صغيرة
(غيث): اعرف انه بعدها صغيرة بس انا اباك تحيرها لي واخذها يوم ارد البلاد
(بو احمد): والله انك ريال ما تنعاب ونسبك شرف لنا بس طبعا لازم ناخذ راي البنت
صد بو احمد للطيفة
(بو احمد): تبين وقت تفكرين ولا؟
سكتت لطيفة وما قالت شي
(لطيفة): لا ما احتاج وقت افكر غيث ولد عمي و بيحطني ف عيونه ونفس ما قلت ريال ما ينعاب وانا موافقة
ام احمد بدت تزقرط وام ذياب بعد والكل شق حلجه الا ذياب طبعا
(مايد): اوببب وقفوا وقفوا
الكل صد صوب مايد
(مايد): لطوف بعدها صغيرة انا مب موافق
سار احمد وضربه على راسه
(احمد): جب انت ما يخصك
(هزاع): اسمع يا غيثثث ان يت وهي تصيح وتقول غيث جي جي اني لا ادفنك صحح
(سيف): قبل لا هزاع يدفنك انا بنحرك
(لطيفة): بلاكممم ترا حيروني له ما تزوجنا للحين هدواا
(دانه): هذا وانتي بس حيرونج عيل لو ملجتي شو بيسوون؟
(شوق): غيث راححح فيهااا
سار سلطان وحضن اخته
(سلطان): مبروكك لطوفف تستاهلين كل الخير
ابتسمت لطيفة وردت الحضن وغيث ميتت فك سلطان الحضن و صد صوب غيث وعطاه نظرة تموت
الكل كمل احتفاله فيهم قام بو احمد واشر للطيفة تلحقه
سار غرفته وبطل درج وعطاها فونها
(بو احمد): اعرف اني ضايقتج وايد ولعوزتج وخذي الفون...غلط اني احرمج من امج وهلج
خذت لطيفة الفون
(لطيفة): مشكور.....يبه
ابتسم بو احمد
(بو احمد): مبروك لطوف تستاهلين كل الخير
شلت لطيفة الفون ودقت على امها اول شي
استغربت ام لطيفة يوم رن فونها كانت قاعده فالصالة مع بو لطيفة واخوانها الصغار حميد وحمده
(ام لطيفة): لطوف تدق
(بو لطيفة): ردي ردي عليها بسرعه وحطي سبيكر
ردت ام لطيفة وحطتها سبيكر
(لطيفة): الو؟
(ام لطيفة)وهي فيها غصة: لطوف يروح مامااا ربي لا يحرمني من حسج يارب شحالج ماما ؟
(لطيفة) بصوت مليان شوق: باحسن حال طمنيني عنج وعن بابا والعفاريت
(حميد): اقوللل عن الغلط انتي العفريتهه
ضربت حمده اخوها
(حمده):جب ما ترمس جي عن لطافي
(ام لطيفة): نفس ما تجوفين يا حبيبتي كلهم بخير
(لطيفة): يعله دوممم ان شاء الله
(بو لطيفة): لطوف حبيبتي ابوج ردلج الفون
(لطيفة):..هيه قال انه غلط يحرمني منكم
الكل انصدم
(ام لطيفة):يعني اروم ادق عليج متى ما بغيت؟
(لطيفة):هيه
بدت ام لطيفة تشهق وتموا يسولفون شوي بعدين بندت
(لطيفة): عيل انا ببند بسير ارمس فطامي وصنعوه
(ام لطيفة): تمام حبيبي لا تقطعينا دقي علينا
(لطيفة): منعيوني
بندت ام لطيفة الخط
(لطيفة): نسيتتتت اخبر مامااا....بعدين بعدين
وسارت لطيفة ودقت على فاطمة وبالصدفة كانت مع صنعه
(لطيفة): افااا طالعين بدوني
(فاطمة): جفتي كيف
(صنعه): طلعة كبار ما يخصج فيها
(فاطمة): اقول انتي جب
(صنعه): جببب
(لطيفة): جب حيروني لغيث
شهقوا صنعه وفاطمة
(لطيفة): بس تبون شي ؟
ما حصلت رد
(لطيفة): عيل باي
بندت الخط وردت صوب ابوها ويت بتعطيه الفون
(بو احمد): خليه عندج بتحتاجينه
ابتسمت لطيفة
(لطيفة): نسيت
ضحك بو احمد عليها
(بو احمد): يلا خننزل
نزلت لطيفة وابوها وقعدوا مع الباقيين وغيث ميتتت من حلاتها اما عند شوق وذياب طرشت شوق لذياب مسج انهم يتقابلون ف الحديقة الي برع
وشق ذياب الابتسامه على طول
قامت شوق سارت فوق ونزلت ب جيس وطلعت برع ولحقها ذياب
(ذياب): اجوففف ماسكة الهديه
(شوق): هيهه
(ذياب): ليش ما لبستيه؟ ما عيبتج؟
(شوق): بغيت انت تلبسني اياها
(ذياب): الله وتطورنا
عطت شوق ذياب الهديه ويوم بطل البوكس تغيرت ملامحه
(ذياب): شوق انتي بطلتي الهديه؟
(شوق): ها لا ليش؟
(ذياب) بتوتر: ماشي بس ه الهديه لامي شكله الدريول مكس بينهم
(شوق): ايوااا اوك اوك
(ذياب): هيه باجر بييب مالج
(شوق): نزين تعال خلينا نعطي عمتي هديتها
(ذياب): ها ليش احين؟
(شوق): ولدها انخطب وولدها الثاني يابلها هديه تعرف كيف بتستانس؟
(ذياب): لا ما يحتاي مابي اخرب على لطيفة وغيثوه
(شوق): شو ما بتخرب شي
(ذياب): شوق انتي متاكده ما بطلتي الهديه
(شوق): لا ولا قريت انها حق امنه
وقف قلب ذياب
(شوق): شو سويت لك عسبت جي تردني؟
(ذياب): شوق انا اس-
(شوق): وفر اعذارك الي بينا انتهى
(ذياب): بس شوق
(شوق): لا بس ولا غيره مابي اسمع منك شي خلك على امنه اوه ويت شكلها هي بعد تعرف
عض ذياب شفايفه وقرب من شوق
(ذياب): دخيلج شوق لا تخليني غلطت غلطة سامحيني
(شوق): انسى ما بيكون بينا شي وانا ولأني اصون العشره ما سويت شي ثاني يلا بالتوفيق ف حياتك
مشت شوق وخلت ذياب وراها وردت داخل اما ذياب طرش رساله حق ابوه انه بيدور ف الفريج وطلع
دشت شوق البيت وعطت نظرة حق لطيفة
خلصت العزيمة ويا الكل بيروح قام غيث وسحب لطيفة
(لطيفة): اممم احيد انه حيروني لك بس يالحبيب
(غيث): ها؟ هيه ادري بس حيروج لي يعني مافي حد ثاني
(لطيفة):...
(غيث) بتوتر: هيه....
ضحكت لطيفة
(لطيفة): شفيك متوتر؟
(غيث): انا روحي معرف...شو سويتي فيني؟
استحت لطيفة ابتسم غيث بس بعدين تذكر انه بيسافر وما بيروم يجوفها ولا يجوف بسمتها
(غيث)بضيق: طيارتي بعد كم يوم معرف اذا بلحق اجوفج قبل لا اسافر
(لطيفة): عادي بترد ف الاجازات صح ولا؟
ضرب غيث يبهة لطيفة بصبعه
(غيث): بارده
ضحكت لطيفة عليه ابتسم غيث
(غيث): ابتسمي دايما مابا اجوفج زعلانه وان شاء الله يوم باخذج بعوضج عن كل شي وعن الي كنتي تحبينه قبل وبثبت لج انه الحب موجود واني انا ياس اعيشه معاج
ما ردت لطيفة وتمت تطالعه وقربت من اذنه وهمست بشي خله ويهه غيث ينفجر إحمرار
لف غيث وقبل لا يطلع سمعوا شهيق ام ذياب وبو ذياب شكله متوتر
(بو ذياب): وولدي كيفهه احيننن؟؟؟ ولا اقول اي مستشفى؟؟
(بو احمد): احمد قوممم شغل موترككك بسرعه
-
-
تم بارت 15
To be continued...
