يهزمني الحُب وانا جاهل بدرب المُحبين

البارت الثامن

تركها واول م تركه صدت ودخلت عصب رعد من اسلوبها بس نسى اول م تذكر بوسة بشرى
رعد : اف ي بشرى
_____••_____
طلع لمجلس الرجال
واحد من الجماعة تكلم : رعد
رعد لف له : سم
سابر : خطبت الثانية ؟؟
رعد ابتسم : ابشرك
فزوا كل اللي فالمجلس
رعد انصدم : اذكروا الله يعرب !
الكل : ماشاءالله
رعد جلس جنب فارس
فارس : سلامات انت م كفتك وحده ؟
رعد : تعرف لازم ثنتين عشان م اطفش بسرعة
فارس ضحك : ايوه مين احلى ؟
رعد : اعقب !! وش تبي بحريمي
فارس انفجر ضحك : م ابيهم خليتهم لك
رعد ضحك وضربه بخفه : ايه اعقل
فارس : بس جد ليه ؟
رعد ابتسم : طيب بشرح لك هيام اخذتها الاولى لأنها اول من دخل قلبي وعرفني ع الحُب وتعرفني انت الحُب ذا ماني اعرف له المهم اخذت هيام والحمدلله الله يخليها لي اما بشرى قبل نروح نخطب هيام طلعت قدامي واخذت عقلي م بشرح اكثر من كذا المهم كنت اقول بتزوج بشرى بعد هيام بسنة او اكثر بس صار اللي صار واخذتها وزواجي الثاني زواج عائلي فقط وبعد اسبوعين
فارس انخرش : يويلي ي رعد انتبه تدخل فالدوامة وتصير تطلق وتتزوج !
رعد هز راسه : لا لا سلامات حدي هيام وبشرى
فارس تنهد : الله يستر
_______••_______
عند هيام دخلت مجلس الحريم وقعدت
شافت بشرى تحكي اللي صاير لعهود وبيان والباقين
شهقت عهود : اماااانه باسك !!
بشرى بغرور : ايه وشفيتس
عهود : لا بس احس م يصير توكم خاطبين
بشرى ضحكت : لا لا تملكنا بعد وزواجنا بعد اسبوعين
عهود : اوه اشوا
عهود همست لبشرى : شوفي هيام كيف تناظرتس
بشرى لفت لهيام واشرت لها : خير ؟
هيام م ردت وجلست تطالعها وتقول ( وش ناقصني انا وش اللي في بشرى ومو فيني ؟؟ معقولة عشانها تتدلع وتتغنج ؟ مستحييل اسويها اذا كان الموضوع عن دلعها )
هيام استوعبت وابتسمت لبشرى : ولا شيء
بشرى ردت الابتسامة وصدت
هيام قامت تروح للحمام ولحقتها بشرى
بشرى : هيام
هيام لفت : هلا
بشرى ضحكت : وشفيتس كليتيني بعيونتس داخل ؟
هيام : يوه ي بشرى قلت لتس م فيه شيء
وصلت هيام عن المراية وطلعت روجها تجدده
بشرى تبي تغيضها : ولا عشان بوسة رعد ؟
هيام ضحكت : لا عاد مو لذي الدرجة وبعدين اشوفتس تعيدين وتزيدين بسالفة البوسة اول مره تنباسين انتي؟
بشرى انحرجت وتفشلت : هاه ؟
هيام انفجرت : هاه ؟ سمعتيني وطلعت
بشرى استوعبت انها منجد كل م شافت احد قالت له وسكتت
ام رعد بصوت عالي : الله يحيكم ع الغداء كرامة لولدي رعد وزوجته هيام
هيام بأبتسامة : الله يكثر خيركم جميع م تقصرون
دخلوا الحريم يتغدون
وبرضو الرجال بعد م تكلم ابو رعد : اقلطوا ع كرامة ولدي رعد وزوجته واعذرونا ع القصور
فز رعد : مامن قصور جعلني قبلك
رعد : اقلطوا اقلطوا
دخلوا الرجال يتغدون وبعدها طلعوا لبيوتهم وفضت المجلسين
ام رعد مسكت ام هيام : بنت بتروحون لبيتكم ؟
ام هيام : والله مدري ي ناديه
ام رعد هزت راسها بتمام
دق جوال هيام وكان رعد
هيام بدون نفس : هلا رعد
رعد بعصبية : اطلعي
هيام شهقت : سلامات توها بدت الجلسة !
رعد كان يفور عصبية وصرخ : بتطلعيين ولا ادخل عليتس !
هيام انخرشت وقامت عشان محد يسمعهم وتأخذ راحتها : خيير رعد شفييك !
رعد انتهى خلاص : هييياام ولعنة اططللعيي !
هيام زفرت : خلاص طيب لاترفع صوتك !
رعد سكر
اما عن سبب عصبية رعد ( طلع رعد فالحوش وجاه واحد من الجماعة يدقه بالكلام وهمس بصوت مسموع : شكله خذا الثانية لسببين الاول زوجته فيها بلاء والثاني الرجال يحب الحريم وبيجلس يطلق ويتزوج ويبلش اهله معه
مسكه رعد وصرخ بوجهه : انت حرمة !!
ذياب : تعقب وتخسى !
رعد انفلت عليه ومسكوهم بصعوبة وفكوهم من بعض
كان رعد مجروح فوق عينه من خاتم ذياب اللي يصير حبيب بشرى وكان يبي يأخذ الاتنشن عشان يبدأ يطلع في حياة رعد وفعلاً خذاها من اول لقاء
طلعت هيام وكان الحوش فاضي ورعد واقف عن سيارته
هيام قربت وشهقت : يمه رعد شفيييك !
رعد لف لها وكان مرررعبب عيونه حمراء وعروقه بارزة تذكرت اول م خنقها وصدت بعيونها للأرض
رعد صرخ : اركبي السييارة !
هيام قربت اكثر ومسكت وجهه بيدها
مسك رعد يدها ولفها ورا ظهرها وهمس وهو شاد ع اسنانه : بتركبييين ولا اكمل عليتس
شهقت هيام ونزلت دموعها : رععدد فك يدي !!
رعد تركها : اركبي !
ركبت هيام وهي ساكته وتناظر الطريق
رعد رفع الجوال لأذنه : الو بشرى
بشرى : يعيوني
رعد ابتسم بألم من الجرح اللي في شفته السفلية : زواجنا حفلة بسيطة وعائلية بين اهلي واهلتس وقفلي ع الموضوع
بشرى : اللي تبيه يروحي
رعد خفت عصبيته : سولفي لي لاتسكتين
بشرى : امم طيب اصبر اجمع سواليف
رعد همهم لها : هممم اسمعتس
بشرى : تخييييل كنت اسولف اليوم ولفيت لقيت هيام تناظرني بنظرة تخوف وسألتها قالت ولا شيء بس انا حسيت انها تبي مني شيء ورحت وراها وقلت هيوومه تبين اساعدتس بشيء وقالت لا يحبيبتي م اخذ شيء ولا اقبل مساعدة من وحدة رخيصة مثلتس وفشلتني قدام الحريم
شد رعد يده ع الدركسون وقال : صاادقة انتي !
بشرى علطول مثّلت الزعل : ايه اجل اكذب
رعد : طيب انا اتفاهم معها
بشرى : تمام يقلبي انت م تقصر والله
رعد سكر والتفت لهيام والشياطين تجمعت فوق راسه : هييياام !
( اما عند هيام اول م دق ع بشرى انكسر قلبها يعني انا جاية اركض لها وامسك جرحه واسأله وشفيك والقى منه الضرب والألم ! وهي وش سوت عشان يقولها سولفي لي ويبتسم لها كانت هيام تتكسر شوي شوي وفزت اول م نادها بصوت عالي )
هيام : هاه وشفيك تصارخ
رعد : وش سويتي لبشرى !!!
هيام استغربت : وش سويت ؟
رعد : انزلي بسرعة
هيام نزلت وشافت بيت م تعرفه
رعد فتح باب البيت
هيام : هذا بيتنا ؟
رعد : ايه بيتي وبيت بشرى وبيتتس
هيام ضاقت انه حطها اخر وحدة ودخلت
رعد : ايوه ؟؟ وش سويتي
هيام : يبن الحلال تكلم وش سويت ووش قالت لك هي
رعد كان مصدق سالفة بشرى عشان هيام نادته بالرخيص
رعد : قلتي لها الرخيصة قدام الحريم م تستحين ع وجهتس انتي اعنبوتس م فيتس طب !!
هيام فزتت : والله العظيم اني م قلته
رعد : لا قلتيه مو قلتي لي الرخيص اكيد بتقولينه لبشرى
هيام بكت اول م مسك فكها بقوة : والله م قلته يرعد انت تؤمن بالله ومن حلف فصدقوه وقسم بالله م قلته
رعد صرخ عليها : بس خلاااص ! لاتحلفين بالله ي كذابة !
هيام انهارت : رعد انا كذابة ي رعد اناا !
رعد شد شعرها : لا انا ؟ ايه انتي
هيام انفجرت عليه وهي تبكي : رعد وقسم بالله لا اندمك ع كل مره مديت يدك علي فيها والله لاتندم
رعد دفها ع الكنب : وقسم بالله اني لا اندمتس ع كلامتس ذا
وكان جايها بشكل مرعب بس فزت وركضت غرفة من الغرف وخذت شنطتها وتسكرت وهي تشهق : انا اوريك والله لا ادق ع العايلة وافضحك عندهم اجل انا تضربني كل م عصبت تجي تحط حيلك فيني !
رعد دق الباب بقوة : هيااام افتحي احسن لتس
هيام طلعت جوالها وكان طافي وعضت اصبعها : اه يالقهر وشاحن م معي شاحن
رعد كان صامل يدق الباب وانصدم اول م انفتح الباب وطلعت هيام وقالت بكل قوة : وقف! وقسم بالله لو تمد يدك اني لا اكسرها لك ! طااللت وشمخّت وبشرى ذي بزر وتلعب براسك واذا هي تشوف نفسها رخيصة بكيفها مو تجي تحطها فيني !
رعد ضحك : احلفي ؟ تكسرين يد من ؟
هيام : اف خلاااص اذا كنت تبي تتزوجني عشان تضربني ليه خذيتني من بيت اهلي !!!
رعد : انتي عارفة ليه خذيتتس
هيام بعصبية : الصراحة م صرت اعرف
ومرت من جنبه وقالت بصوت عالي : رعد
رعد لف لها : نعم
هيام بجدية : رجعني بيت اهلي بسرعة
رعد انصدم : نعمم!
هيام : سمعتني ! انا م اجلس بمكان انام ع ضرب واصحى ع ضرب والاتفاق اللي بيني انا وانت اني م اعاندك وانت م تمد يدك وانا م عاندتك اول م جيتك خايفة عليك واللامس جرحك بأصابعي واسأل وشفيك ومع ذلك لفيت يدي وكنت بتكسرها والحين اتهمتني بشرى وماله دخل بعنادي وكنت بتموتني قبل شوي خيير رعد خييير مريض انت !
كانت تتكلم ودموعها تنزل
رعد قرب منها : هيام
هيام مدت يدها توقفه : م ابي اسمع منك ولا شيء ودني بيت اهلي
رعد : طيب اسمعيني اول
هيام كانت رايحة تلبس عبايتها بس تذكرت بشرى ( لحظة انا بخليها تخرب بيتي من اول خطة ؟ لا والله م اخليها وان م اهجد الا اذا طلعت بلاويها كلها )
هيام : خلاص لاتقول شيء بطلع انام وين غرفتي
رعد استغرب بس اشر بيده فوق يعني فالدور الثاني طلعت هيام وقالت جيب اغراضي فوق
رعد ابتسم : ابششري
رعد جاب شناطها وفزت تطلع الشاحن و شحنت جوالها وانتظرت اول م اشتغل اخذته هو والشاحن ودخلت الحمام وتسكرت ودقت ع سلمى
سلمى : ياهلا بالقلب
هيام : هلا هلا سلومتي
سلمى : امريني
هيام تكلمت بجدية : اسمعيني زين ادري انها اختتس بس ترا زواجها من رعد غلللط بغللط ورعد م يبي يتراجع ف ابي منتس تفتشين جوالها البنت واضح تحب احد غير رعد وانا من اول اراقبها كانت تكلم كثيير وتراسل
سلمى : ابشري بشوف وش وراها مع اني م ادري
هيام : كفو عليتس شوفيها وردي لي خبر وبصور وادلة طيب ؟
سلمى كانت تشوف الزواج بكبره غلط : ابششري بعزتس
هيام : واسمعي ترا الزواج بعد اسبوعين حاولي تكشفينها بسرعة
سلمى شهقت : يويلليي مسرع !!
هيام ضاقت : اه حسبي الله عليه
سلمى : اسمعي بشرى جات بسكر
هيام : يالله يعيوني
سكرت وطلعت هيام تمشي فالبيت كانت مستنكرته وتتعرف عليه وتعبت ورجعت تحت للصالة
كان رعد يتجهز لدوامه طلع لها بالبدلة : وين كنتي انتي
هيام م ردت
رعد : هيياام
هيام لفت له وهي ساكته
رعد : اسمعي بطلع انا للدوام وبرجع الليل لاتفتحين الباب لأحد طيب
هيام هزت راسها بنعم وراحت
رعد استغرب : يبنت شفيتس ساكته
هيام م وقفت حتى كملت مشي وجلست ع الكنب
رعد قرب منها : زعلانه ؟
هيام بعدت وم ردت
رعد : افا والله م اروح الا وانتي راضية
هيام كانت تبيه يطلع من البيت صارت تخاف من وجوده واضطرت تتكلم : م فيني شيء خلاص ؟
رعد : الا والله فيتس شيء وواجد بعد
هيام انفجرت : رعد انت مريض ؟؟ يعني ضاربني وتبيني ارجع اسولف طبيعي اصحى ع نفسك تراني مو بشرى وقسم بالذي رفع سبع ونزل سبع اني م اخليك تلمسني وفي كل ضربة ومدة يد ببتعد منك وبيصير من المستحيل انك تقرب مني ووالله اني لا احرم علييك !
ارتعد رعد من كلامها : هيييام وشذا الكلام
هيام صدت : وصلك الكلام !
رعد قرب منها ومسك يديها وحطها وراها وباس خدها بقوة : هاه شوفيني المستس
هيام انجلطت بس كان رعد قوي وثقيييل ومستحيل تقدر عليه بس صرخت في وجهه : رععد ابعد منيي
رعد ابتسم بخبث وباسها مره ثانية وكان قريب جدًا من مبسمها : يعيون رعد
هيام بكت علطول : وش تسوووي انت !
رعد خاف وتركها وحضنها : يعيون رعد لعاد تبكين تكفين وشفيتس
هيام بعدته وركضت لغرفتها وسكرت عليها
رعد تنهد وقال ( كنت على بعد شعره من النبيذ الحلال * يقصد شفايفها * اه بس  )
وضحك وطلع برا البيت للدوام
اول م طلع فتحت هيام الباب وقلبها يرقع داخل صدرها وكانت ترجف وتتذكر بوساته : يويلي مو صاحي ذا وبعدين شفيني انا اكيد زوجي وش بيسوي
شوي ووصلها اتصال وكانت حنين ردت هيام
حنين : والله وجبتيها ي هيام
هيام م كانت معهم وهي كل شوي تتذكر رعد
حنين : هيييام !
هيام : بسم الله نعم
حنين : بشرى طلع عندها حبيب !
هيام شهقت بفرح : قولي والله !!!
حنين : وقسم بالله
هيام : ارسلي لي كل شيء من فويسات واتصالات ورسايل وصور كل شيء !!
حنين : لا وازيدتس من الشعر بيت طلع ذياب ولد عمتنا ام شوق !
هيام : اسألتس بالله !
حنين : والله العظيم اصبري ارسلتس كل شيء
هيام : سلمى عندتس
حنين : ايه بس راحت المطبخ تسوي اندومي
هيام : بنات تعالوا عندي انا فالبيت لحالي
حنين فزت : ابشري اعتبري اني تحت عند بابتس
ضحكت هيام وسكرت وماهي الا عشر دقايق والباب يدق
هيام بحذر : مين ؟
حنين : خطاف جيت اخطفتس يالمزيونه
هيام فتحت : يالبيييههه وشذا الخطاف اللي جاي بالعشاء
حنين دخلت وحضنتها ولفت : سلمى
سلمى دخلت تزغرط : وافتكينا من سالفة بشرى ورعد الحين ذا البيت كله لتس ؟
هيام : ابشرتس
سلمى بمزح : اذا ع كذا بتزوج رعد وانا اكبر منتس يعني تحترميني غصب
هيام ضربتها : كنت بقول عادي بس م احب اشوف رعد مع احد غيري !
سلمى : يع اصلاً مو جوي رعد
حنين : ععششننا تراني اخته !
هيام : وانا زوجته !
سلمى : ولعنة فيتس وفيه انتي وياها !
ضحكوا البنات ودخلوا وجلسوا بالصالة وصارت هيام تنقل كل الصور لجوالها حرفيًا كل شيء م خلت حتى النقطة والفاصلة !
سلمى ضحكت : اسفه لبشرى ان عندها اخت زيي
حنين : خيير يحبيبتي الا اسفه لتس انها اختتس
سلمى : هيام عندتس سماعة من زمان عن رقصتس
هيام نطت : ابشري بها
سلمى : كفففووو
هيام وهي عند باب غرفتها : كفوتس الطيب
وماهي الا ثواني وبدوا البنات يرقصون ويتمايلون ع الدق والنغم
سلمى قامت تشيل المواعين وتوديها المطبخ عشان تغسلها بعد م حلفت ع هيام م تلمسها حنين جات
حنين : هاتي انا بالصابون وانتي بالماء
سلمى ضحكت : يالله
حنين بصوت عالي : عاااااشت بنت سيف
هيام كانت تفتن صدق
فتح الباب رعد وهو يسمع نغم وصوت اغاني دخل ووقف اول م سمع صوت سلمى لف بهدوء وم شاف احد
دخل داخل ووقف عند مدخل الصالة وشاف الصوت فالمطبخ وهو يعرف انه المطبخ مو مفتوح ع الصالة دخل وشاف هيام تتمايل قدامه وترقص
هيام كانت فاتنه بكل معنى كان شعرها ع وجهها ورابطه الطرحة ع خصرها وتهز بخفيف
رعد انجن وانهبل وكان يتأمل بكل قوة وقال : يويل حالك يالرعد ذا وش !
دخلت حنين ودقتها في خصرها : يلعن شكلتس تفتنننيينن يحظ اخوي والله
هيام وقفت وهي تلقط نفس وقالت بنرجسية : اي والله يحظه فيني
رعد بصوته الرخيم : انشهد بالله يحظي فيتس
لفوا حنين وهيام بقوة وصرخوا : بسسسم الله !!!!
سلمى صرخت معهم ورجعت ركض للمطبخ
ضحك رعد : يوللد لحد يطلع
مر من جنبهم وقال : هيامي تعالي
هيام كانت مغطية وجهها بمخدة صغيرة ووجهها كان يحترررقق من الاحراج وهمست : طيب جايه
دخل رعد الغرفة وهو م في راسه الا خصر هيام وتمايلها
هيام لفت للبنات : يويلي ويلاه الله ياخذ عدوتس ي سلمى يارب م شافني يارب
سلمى ضحكت : والله انه قد شافتس وخلص
هيام قامت وراحت لغرفتهم : نعم رعد ؟
رعد ابتسم وم كان يبي يحرجها وهم موجودين : جهزي ملابسي بطلع عندي عشاء
هيام : بجي معك ؟
رعد هز راسه بنفي : لا لا اخوياي بس
هيام : طيب
اتجهت للدرج تطلع ملابسه وهي انتهت من ترتيب كل شيء اول م طلع
جاء من وراها ومسك خصرها وهمس : خصرتس ذبحني بدون اي مجهود
اقشعر جسمها ولفت له : هاك ملابسك
ضحك رعد واخذ ملابسه ودخل الحمام ياخذ شور
طلعت هيام ووجهها الوان : بنات
كانوا يلبسون ردت حنين : لبيه
هيام : خير خير وين رايحين
سلمى : بنرجع لبيوتنا
هيام : لييييه !
حنين : حبيبي زوجتس جاء !
هيام ضحكت : لا لا عنده عشاء بيطلع الان
حنين : احلفي
هيام : والله
سلمى نزلت عبايتها : دامه كذا السهرة صباحي
رعد تنحنح : يولد
سلمى فزت ودخلت المطبخ
حنين : ادخل
دخل رعد : ماشاءالله حنين عندنا اليوم
حنين : اقول توك شايفني يالله معسلامة
رعد ابتسم : انتبهوا لأنفسكم واذا صار شيء دقوا علي
حنين : ابشر
هيام : معليك م بيصير الا كل خير ان شاء الله
رعد قرب وهمس لها : الساعة ١:٣٠ برجع لا احصل احد عندتس
هيام همست له : تمام اصلاً الوقت بيكون متأخر حتى انا بنام وقتها
رعد احتدت نظرته : لا لا يويلتس تنامين !
هيام م ردت وقالت بصوت عالي : يالله الله يحفظك
رعد ابتسم وطلع
وبدت سهرتهم من جديد تابعوا فلمين ونامت حنين وصحت ع سلمى
سلمى : بنت كاسر برا امشي !
حنين طلعت وهي فاتحه عين ومسكرة عين وكانت الساعة ١٢:٥٤
ركبوا وراحوا وسكرت هيام الباب ونظفت الحوسة وبخرت الصالة وراحت تتروش ونامت قبل يجي رعد وهي متعمدة
______••______
دخل رعد البيت الساعة ٣:٣٠
وهو يفرك عينه والنوم مليييون دخل الغرفة وشاف هيام في سابع نومة
ضحك : وش منتظرها تنتظرك !
دخل الفراش بهدوء ونام علطول
صحت هيام اول م حست فيه وشافت الساعة : من وين جاي ذا الوقت !
راحت الحمام ورجعت ونامت
:::::::::::::::::::::::::::::::
صحى فارس وكان مجهز مخيم بما انهم في بداية الشتاء والرياض صايرة بااااردة
ارسل رسالة ع قروب العايلة فيها كل تفاصيل المخيم وانهم بيبيتون فيه ٣ ايام ولازم يجهزون كل شيء
اتفقوا البعض والبعض رفض
فارس : يمه يالله بطلع انا للدوام
ام فارس : يالله يعيوني الله يحفظك
طلع فارس لدوامه
والكل مع الصباح طلعوا يخلصون اشغالهم
صحت هيام واخذت جوالها تشوف الساعة وكانت ٧ الصباح قامت تصلي الفجر ودعت بعد صلاتها قايلة ( يارب م اقصد اخرب بيتي بس يارب قلبي يحترق كل يوم والبنت مررره م تصلح لرعد )
اخذت جوال قديم عندها وارسلت كل شيء لجوال رعد وقالت وقف تظلم نفسك معها وتظلم زوجتك وانت م تدري عن بلاويها هي وذياب ولد عمتها !
صحى رعد ع صوت هيام اللي تغني وهي تطبخ الفطور
رعد : يالله صباح خير وشذي الرسايل كلها
فتح قروب العايلة ووافق عالمخيم ورجع للرقم حق هيام وشاف كل شيء وكل الأدلة تدل انه بشرى تخونه حتى وقت خطوبتها فيه كانت طالعة مع ذياب !!
كان يرجف من العصبية وشوي ويكسر الجوال بين يدينه
لبس ملابسه وطلع بسسرعة
هيام عرفت انه شاف كل بس قالت : رعد شفيك تعال افطر
رعد م رد وهو عارف لو بيرجع بيوجعها عشان كذا طلع من البيت واتجهه لبيت عمته ساره بسرعة جنونية
نزل وهو يدق الباب بكل قوته
فتح ابو ضاري : رعد خيير ؟
رعد بعصبية : وييين بششرى !
ابو ضاري : داخل صل ع النبي شفيك ترجف
رعد دخل بقوة وناداها : بشششرى !
بشرى جات تركض : لبي..
الجمها كف رعد اللي غير ملامح وجهها
لفت له بصدمة وهي تبكي : رعد شفييك
رعد تذكر كلمة هيام في كل مره يمد يده عليها ورجع يعطيها كف ثاني
رعد بصوت يخوف وعميييق : اناااا رعد بن محمد بن قااضي تخونيني مع ابن الكلب ذياب وتتهمين زوجتي !!
ماتت بشرى رعب : هاااه
خنقها رعد وكان كل هذا قدام عيون ابوها اللي كان يمشي ع قانون اذا البنت وقعت كتاب وتملكت تطلع من ذمتي ويسوي فيها زوجها اللي يبي
رعد بعصبية : تكلللمميي !
بشرى بخوف : كيييف..كييف عرفت !!
رعد انهبل انه م انكرت : الله ياخذتس وياخذه معتس انتي طاللقق بالثلاث طالق طالق ططاااالق !
دفها وطلع علطول من البيت
بشرى طاحت وهي تبكي وتقول في نفسها ( الله ياخذتس ي هيام يحيوانة الله لايوفقتس لادنيا ولا اخره )
ابو ضاري بعصبية وهو يدري ان رعد مستحيل يتبلى ع احد الا وهو متأكد : بشرى قومي اطلعي غرفتس بسرعة !
ام ضاري جات : شسالفة !!
ابو ضاري عصب : م فيه شيء بنتتس تطلقت وهي صغيرة وكله من فعايلها
شهقت ام ضاري ورفعت بشرى عشان تعرف السالفة زين وهي اللي كانت تسمع كل شيء بس م تبي تطلع قدام رعد لأنه بيكمل عليها
رجع رعد البيت دخل داخل وشاف هيام تفطر بهدوء
هيام فزت اول م شافته يرجف : رعد شفيك بسم الله عليك اقعد
قعد رعد ومسك راسه وهو يتذكر كل صورة ورسالة ومكالمات بين بشرى وذياب وقال بصوت مبحوح : هيام
هيام جات ومعها كاس ماء : لبيه ؟
رعد اخذ الماء وشربه كله وقال وصوته متغير من الصراخ ع بشرى : بوديتس لبيت اهلتس
هيام انفجعت تحسب انه مصدق بشرى عليها : اايشش ولييه ؟
رعد قفل عيونه من صوتها وصرخ : بس كذا قولي رعد سافر عنده عزيمة فالقصيم وبيرجع فالليل
هيام زفرت براحة : طيب
رعد قام وطلع وركب السيارة
وماهي الا دقايق وطلعت هيام وركبت وقالت : اسمع اجيب معي ملابس ؟
رعد ناظرها بصدمة : ليه ؟ قلت لليل وبس
هيام ضربت راسها : اصلاً عندي ملابس عند اهلي يع يالغباء
رعد ابتسم : اندري عنتس
وصلوا ونزلت هيام ودخلت ووقف ينتظرها وطلع محمد وانصدم : هيام ؟
هيام : ايه وشفيك انت بعد
محمد دخلها : لا لا ادخلي
وطلع محمد لرعد
محمد : رعد سلامات عسى م شر ؟
رعد ابتسم : افا وانا اجيب الشر
محمد بمزح : ممكن
رعد نزل عقاله : والله لا اجيك
محمد ضحك : معزوم بعيد ؟
رعد صفق : الله علييك والله رايح القصيم وهيام في امانتكم لين ارجع
محمد : شكلك نسيت انها بنتنا
رعد : لا م نسيت بس نحرص عليكم
محمد : في حفظ الرحمن طمننا اذا وصلت
رعد : ابشر
راح رعد وهو يحترق ع هيام وعلى كل مره مد يده فيها عليها صح انها مرتين بس كانت تنسف داخل قلب رعد
::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ✨
( رأيكم فالكومنت البارت حريييقة منجد ونقول الحمدلله افتكينا من بشرى ؟ 🤣🤣 )