يهزمني الحُب وانا جاهل بدرب المُحبين

البارت العاشر

طلع رعد وهو متشقق من الفرحة وقال بصوت عالي : يالفااارس
فارس ابتسم : يالبيييه يالرعد
رعد : جيب دبابين ودخلهم مخيم الحريم
فارس : ماشاءالله اشوفك وقفت بصفهم مين اللي اقنعك هيام ولا حنين
رعد : هيام والله واخلص بسرعة
فارس اشر ع خشمه : ع ذا الخشم
رعد قرب وسلموا ع خشوم بعض
ماهي الا ثواني وطلعوا صوت ضحك البنات ووناستهم
______••______
عند البنات كانوا كلهم متسدحين من الضحك
هيام كانت تبكي من الضحك : اااااه حسبي الله بطننيي
سلمى ماهي اقل منها : يويلي ويلاه يبنات ابي الحمااام
حنين ضحكت بصوت عالللييي ودوت ضحكتها في مسامع فارس اللي ابتسم اول م سمعها وابعد من المخيم حقهم عشان ياخذون راحتهم
حنين كانت تصفق من الضحك وتضرب هيام
حنين : الله ياخذكم خلااااصص
لين بتألم ودموعها تنزل من الضحك : حسبي الله فيتس انتي وياها
( نجي عند سبب الضحك كانت لين مسوية فاهمة فالدباب واسرعت ولعلها هجت معها وصقعت في حديدة طالعة من الخيام )
بشرى م كانت تضحك بالعكس كان مشهد هيام ورعد يتجدد وينعاد في راسها وقالت بصوت عالي وهي راكبه ع الدباب : هييييام ابععديي
كانت بشرى من القهر والغيرة منعمية وناويتها خلاص
هيام فزت اول م جاتها بشرى بالدباب وبسرعة تخوف وم امداها حتى تبعد ضربتها بشرى بقوة وطاحت هيام ع التراب وراسها ينزف وقالت : الله يبلاتس بالعمى اااه راسييي
ركضوا البنات برعب اول م شافوا الدم يطلع من راسها
( هيام كان عندها فوبيا من الدم واذا شافته غزير يغمى عليها وتتعب )
حنين ركضت وغطت راسها بقطعة قماش لقتها عند الجلسة
هيام استغربت : فيه دم !!!
حنين : لا لا بس ضربة صغيرة
بشرى جات تبكي : اسفه ي هيام والله م شفتتس
هيام بعصبية : خلاص حصل خير
سلمى جات تركض بموية وشنطة اسعاف صغيرة
هيام خافت : حننييين فيه دم صح احس راسي حاار
حنين كانت شوي وتبكي من المنظر : لا يعيوني م فيه لا تخافين بس عشانه انتفخ
هيام : طيب
سلمى ابعدت يد حنين وانصدمت كان كبير بس م شوهه ملامحها كان فوق عند شعرها
سلمى : بسم الله عليتس الرحمن الرحيم هذا ايشش؟
هيام خلاص انتهت : ايييش كبييير ؟
سلمى : تقريبًا ويبي له مستشفى
هيام بكت : والله ؟
سلمى هزت راسها بنعم
حنين سبقتهم ونادت فارس لأنه كان اقرب واحد وشافته
فارس قرب : هلا حنين
حنين : تكفى يالفارس
فارس فز : وشفيتس ؟!
حنين : استعجلل ناد رعد هيام طاحت
فارس كان يحسب فيها شيء وخاف لا مات اصلاً وم يدري ليه وقال : الان
ركض وهو ينادي رعد
رعد ركض له برعب : يوللد وشفيييه !
فارس كان يحاول يلقط انفاسه : هيي..هييا..هيام
رعد مات رعب وم انتظره يكمل انطلق يركض للحريم
فارس للأسف اشتد عليه الربو وعلاجه فالسيارة وطاح ع التراب وهو يشهق ويصارع الالم ويبي اكسجين شافه محمد وركض : فااااررررسس الحقققوواا
فز ابو محمد لأنه يحب فارس وم يحب يشوفه ضايق : وشففيييه
محمد كان يرجف : مدري وين علاااجه !!!
ابو محمد كان دايم مجهز معه علاج بديل في جيبه طلعه وهو يرجف واعطاه وشوي رجع يتنفس طبيعي
ابو محمد وسط دموعه : الله يهديك ي فارس الله يهديك
فارس ابتسم وقال بصوت مبحوح : معليه انا بخير روحوا افزعوا مع رعد
ابو محمد فز : وشفييه بعد !
فارس : هيام طاحت عليهم
ابو هيام ومحمد انططلقوا بسرعة
وابو محمد وابو رعد جلسوا عند فارس
اما عند رعد م كان يشوف شيء ولا حتى قال يولد دخل علطول وفعلاً حنين كانت مدخله الحريم كلهم الا سلمى اللي لبست عبايتها وماسكه جرح هيام
رعد قرب من هيام ومدت سلمى هيام له وابعدت
رعد بخوف : هيااام وشفيتس !
هيام وهي تبكي : م فيه شيء طحت بس
بشرى انصدمت فالخيمة وهي اللي كانت تقول رعد بيذبحني خلاص بس م رضت وطلعت وقالت : رعد انا اللي صدمتها
رعد لف لها وجنون الارض كلها فوق راسه : هااااه ؟!
هيام استغربت : عادي عادي بالغلط
بشرى بصوت يرجف : والله م شفتها والله
رعد بعصبية : ادخلي داخل لا اكفر فيتس ادخلي
رعد ابعد الشاش اللي حطته سلمى وشاف الجرح وهو يحلف انه قلبه اللي انجرح وماهو راس هيام
رعد باس راسها : الله يجعله فضلوعي عنتس
هيام : لا بسم الله علييك
رعد شاف الجرح وتمعن فيه صح كان كبير بس مو عميق وم يحتاج خياطة
رعد زفر براحة : حمدلله بسييطط م يحتاج خياطة
هيام بكت وهي تبتسم : حمدلله يارب
رعد ضحك : تخافين من الابرة افا يبنت سيف
هيام قامت : اعقب والله م اخاف منها
رعد انفجر يضحك : ماشاءالله اشوفتس نطيتي يعني م فيتس الا كل خير
هيام شافت الدم في الشاش اللي معه وقالت : رعد امسكني ي رعد
رعد انقلب وجهه ومسكها : وشفيتس بعد !!
هيام بصوت تعب فجأة : ابعد الدم مني ابعععدده
حنين جات واخذت الشاش من يده وهمست له : عندها فوبيا من الدم وتمرض علطول
رعد ضاق انه م كان يدري : خلاص بسيطة عطوني مسحات
جابتها سلمى وجلست تشوفه وكيف كان يداري هيام كانت من اول تدري انهم لبعض
رعد اخذ المسحة ومسح ع خشم هيام وصحصحت شوي
رعد بعد م خلص جرحها وعقمه قال : اجلسي داخل ولعاد تعبين عمرتس !
هيام اشرت بأصبعها ع خشمها : على ذا الخشم
رعد وخر اصبعها وباس خشمها : جعلني والله قبلتس
هيام حضنته وقالت : اسمع خلك قريب
رعد هام فيها وقال : والله اني اقرب لتس من روحتس
هيام بعدت ومسكت يد سلمى ودخلت داخل
رعد طلع برا وسمع وش صار في فارس
رعد : وشذا الليل لا اله الا الله
فارس : يبن الحلال انا بخير وش صار ع حرمتك
رعد : بخير الحمدلله بس انجرح راسها
فارس : لا حول الا بالله كييف وش صار ؟
رعد همس له : بشرى الله ياخذ نفسها
فارس ضحك وضربه : وجع استغفر
رعد طنشه
فارس قام بروح لأمي اطمنها
رعد : ايه والله روح
فارس دخل بعد م شاف امه عند الباب
ام فارس بخوف : وش صار لك يمه ؟
فارس ابتسم وباس راسها : بس عشاني ركضت
ام فارس : خل علاجك دايم بجيبك
فارس : ابشري
راحت ام فارس لف فارس بيروح بس سمع صوت يناديه
حنين : سلامتك
فارس لف لها كانت ورا الباب : الله يسلمتس
حنين كانت تبي تسولف : فارس وش صار لك ؟
فارس ابتسم اول م سمع اسمه : حنين صح ؟
حنين فزت : ايه
فارس : يالبيه ي حنين يالبيييه
حنين انهبلت وهي م كانت تدري بحب فارس لها
حنين : هاه !!
فارس ابتسم : طيب وبخير لاتخافين
حنين : فارس
فارس مشى وقال : يعيون فارس
حنين لفت ودخلت للخيمة وهي وجهها احممررر وم تقدر تتكلم
سلمى كانت هيام منسدحة ع حضنها
سلمى : حنين وشفيتس ؟
حنين م ردت
سلمى صرخت : حنننيييينن ووجع !
حنين لفت : هااه ي سلمى هاااه
سلمى : هويتي في نار جهنم وانا استغفر الله م تسمعين انتي
حنين : حشى توك ناديتي
هيام بضحك : حنين وشفيتس احد مضايقتس
حنين مسكت قلبها : لا بالله غير شوي واطير من الفرحة
سلمى وهيام : عععششششناا
ضحكت حنين : اه يبنات حقييير يلعب بمشاعري
سلمى فزت : من طيب !
حنين همست : الفارس
هيام صرخت : كذذذااااااببببععه !!!
رعد كان ورا الخيام يكلم قال بصوت عالي : هييياام اقصري حستس !
هيام فزت : يويلي ويلاه
حنين مسكت فمها وشهقت : يويلي ويلاه انا لايكون سمعني
فارس قال بصوت مسموع : رعد اخلص امش
البنات صرخوا كلهم
رعد كان دمه يفوورر كان يغاار وغيرته قويية : وجع يوجعتس انتي وياها !!
فارس : ولعنه خييير ياللي م تستحون
سلمى فزت وطلعت اول م حست انه رعد بيدخل خصوصًا انه الخيمة لها بابين وطاح راس هيام ع الارض وصرخت مره ثانية : اااااه الله ياخذتس ي سلمى
دخل رعد بقوة للخيمة ومسك فك هيام وهمس لها وهو شاد ع اسنانه : هيياام قصري حستس م تفهمييين !
هيام خافت : طيب خلاص اسفه
رعد قرب منها : صوتتس انا الوحيد اللي اسمعه فاهمة
هيام : طيب ترا م فيه احد
رعد شد عليها وقال بعصبية : المخيم مليااان وتقولين م فيه احد !
هيام تألمت : لا لا اقصد محد قريب مننا وبعدين ابعد مني تعورني ترا !
رعد تركها بس حط يده ورا راسها : كلها واحد سواء قريب ولا بعيد وترا اغلبهم يمشون ع المخيم كامل !
هيام هزت راسها : خلاص ابشر
رعد رفع عينه اول م حس انه شاف شيء عن الباب وكانوا بشرى وبيان صد بسرعة وحط وجهه عند رقبة هيام
هيام انفجعت وصارت تتنفس بسرعة وهمست : وشفيييك !
رعد ارتخى اول م شم ريحة عطرها وهمس : في بنات عند الباب
لفت هيام وقالت : بنات ابعدوا رعد عندي
( بيان كانت مصدومة من المنظر كانت تحسب رعد يبوس هيام كانت مفجوعة متعودة ع المناظر ذي في المسلسلات بس ، اما بشرى كانت تحترق صدق وبتموت غيرة وهي ودها تجي وتبعده عنها وتذبح هيام قدام رعد )
بيان قالت بصوت مسموع : والله وطلع رعد رومنسي
هيام انصدمت وناظرت في رعد وحصلته يضحك
هيام ضربت راسه وقالت : وجع ي بيان
بيان ركضت وسحبت بشرى : اسفه ههههههههههههههه
رعد لف لها وعيونه تجذب : انا تضربيني ؟
هيام بقوة : ايه اضربك وش عندك
رعد ناظر م شاف فيه احد وبعد يده وطاحت هيام وكان رعد فوقها كان قريييب منها بشكل يخوف كان المسافة بين وجهها ووجهه شعره كانت هيام تتنفس بسرعة
رعد ضحك : شفيتس تتوترين اذا قربت منتس ؟
هيام لفت وجهها : اجل تبيني اسولف طبيعي
رعد مسك وجهها وثبته : ايه سولفي
هيام كانت خايفة وقالت : جدتتتيي جااات
فز رعد ووقف بطوله وضرب راسه فالخيمة بحكم انه طويييل مسك راسه وناظر في هيام وحصلها تضحك
رعد : اه ياهيامي راسي راااسسي
هيام سكتت وفزت : وشفيييك
رعد ابتسم بخفه : مدري مدري امسكيني
هيام دخلت يدينها ورا ظهره وحاوطته : مسكتك بس تكفى اجلس م بقدر عليك اجلسس
رعد جلس وسحبها لحضنه وهمس : مهو انا اللي تلعبين علي واتركتس بدون رد
هيام توها تستوعب اللي صار وقالت : يووه يسمجك ابعد بس
كانت تحاول تفلت يدينه من خصرها
رعد دخل وجهه في شعرها وشم ريحته وهو كل شيء يخص هيام يقتله قال بصوته الثقييل : هيام خليتس بحضني شوي
هيام لفت عليه وباست خشمه وقالت : صوتك ليه يأسرني
رعد ذاب حرفيًا وقال : انا صوتي بس انتي كل شيء فيتس يقتلني
دخلت ام محمد وصرخت : وججعع يوجعك انت وياها ياللي م تستحون
فزت هيام بتقوم بس شد عليها رعد : انا قلت خليتس !
ام محمد : رعد قم قم الله لايبارك فيك رح عند الرجال
رعد : طيب ابشري بس شوي بكلم هيام وبروح
ام محمد نزلت حذيانها ورمتها عليهم وصرخت : قممم
هيام بتموت من حضنه وكانت ودها تدفن نفسها
رعد مسح وجهه وقام وقال : طيب يجده خلاص
طلعت ام محمد ورجع رعد يمسك هيام وضحك وقال : عادي ترا مو لازم تفزين كل م شفتي احد م سوينا شيء غلط
هيام كانت حااااره صدق وهمهمت له : هممم طيب طيب
رعد ابتسم ومسك وجهها : يويلي يالمستحيين
هيام ابعدت يده وقالت بصوت يالله ينسمع : خلاص رعد اطلع
رعد حط راسه ع كتفها ولف وباس رقبتها بقوة
شهقت هيام وبعدته وقالت : يحيوااان بتعللمم فينني
رعد ضحك : ماشاءالله مين الحييوان ؟
هيام بهمس : بشرى
رعد : وش قلتي !
هيام : ولا شيء قلت الشيطان
رعد ابتسم وتلطم بشماغه وطلع
اما هيام ضااعت فعيونه اول م تلطم وحصنته في نفسها
طلعت هيام ركض للحمام كان فيه مراية متوسطة الحجم ابعدت شعرها عن رقبتها وشافت مكان البوسة ازرررق وواضح همست : الله حسبي عليك ي رعد ووش اسوي فيها ذي الحين
طلعت ورجعت شعرها ع العلامة وتكلمت وهي حاطه يدها ع شفايفها بدون سبب وقالت : بنات احد معه شال ؟
كلهم هزوا روؤسهم بنفي
سلمى بشك : ليه ؟
هيام م ردت وطلعت
حنين انفجرت ضحك وهمست لسلمى : شكله اللي في بالي
سلمى بصدمة : والله وسواها رعد
حنين سكتت وانصدمت : وووشش ؟
سلمى : يمه ووش !
حنين همست : باسها في رقبتها وعلمت
سلمى شهقت : لااا انا كنت احسبها في مكان ثاااني لأنها كانت مغطيه شفايفها 
حنين صرخت : الله يلعنتس وانا استغفر الله !!
سلمى : وش اسوي هي غبية بعد الكل بيفكر نفسي !
هيام دقت ع رعد
رعد ابتسم : مسرع اشتقتي ؟
هيام بعصبية : اييه وشوي واموت عليك
رعد : جايتس
سكر وجاء عند الباب وفتحت هيام وطلعت يدها وقالت : هات شماغك !
رعد انفجر ضحك اول م تذكر السبب نزل الشماغ من راسه بعد م كان متعصب فيه ومده لها : خذيه
هيام اخذته وقبصت يده
ضحك رعد وقال : ادخلي بس والله لا اسألتس من القبصة
هيام دخلت وسكرت الباب وراها
وحطت الشماغ ع رقبتها وسدلت شعرها من حوله وفاحت ريحة عطرها وبخور شعرها فالشماغ
ام فارس جات تركض : هيام باقي بتسوين فعاليتتس؟
هيام ضحكت : ايه ايه يالله
كانت فعاليتها صحن شفاف مليان اسماء البنات وكل وحدة يطلع اسمها تسأل وحدة سؤال
هيام جمعت الكل حتى الامهات 
هيام : جاهزين ؟
الكل : جاهزيييين
هيام مدت يدها وسحبت واول اسم طلع كان عهود
هيام : عهود
عهود وقفت
هيام : يالله اختاري وحدة واسأليها سؤال
عهود : اختار بيان
بيان وقفت : هاتي
عهود : وش شفتي فالخيمة الصغيرة وجيتي ووجهتس احمر
بيان تذكرت وضعية هيام ورعد وقالت بكل جرأة : هيام ورعد
عهود شهقت : ووش كانوا يسوون !!
بيان ضحكت : راحت عليتس قلنا سؤال واحد
الكل انتابه الشك والفضول
ام رعد ضحكت : طيب زوجين وش الفضول له ؟
كل الامهات اتفقوا معها
هيام رجعت تسحب ورقه وهي بتموت احراج : بشرى
بشرى وقفت : اسأل
هيام : ايه بس اختاري وحدة
بشرى : انتي اختارتس
هيام : هاتي سؤالتس
بشرى : وش الغلطة اللي سويتيها وندمتي عليها
هيام فكرت وقالت بمزح : اني تزوجت رعد
الكل ضحك وهم عارفينها تمزح بس بشرى سجلت صوتها وسكتت بخبث وارسلت المقطع بعد م عدلت ع صوتها عشان م يعرف انها بشرى للواتس رعد من رقم وهمي
وقالت في نفسها ( يارب تصير بينهم مشكلة يارب )
هيام كلمت تلعب وكلها كانت ضحك بضحك
بس اخر اسم كان موجود كان اسم هيام واختارت حنين
حنين : هلا
هيام : تتمنين تتزوجين اللي تحبينه ؟
حنين ابتسمت اول م تذكرت كلام فارس لها : ايييي والله
هيام ضحكت : ععششنا ي حنين
حنين سكتت وقالت ام محمد : مين هو يحنين وابشري به
حنين ابتسمت لجدتها : خليه مستور يجده
اما ام فارس كانت تدعي من قلبها ان حنين تقصد فارس لأنها كانت تشوفها زوجة مثاليية له
_______••______
اما رعد ووصلته الرسالة ودخل وشاف المقطع وقال في نفسه بضحكه ( هييين ي هيامي والله لا اندمتس صدق )
بلك المرسل وبدون اي رد حتى
فارس كان سرحان ويتذكر صوت حنين ونطقها لأسمه
رعد : فارس وين وصلت ؟
فارس بصوت خفيف : موجود موجود
رعد : يولد منت ع بعضك مين اللي اخذت تفكيرك !
فارس : احلف ؟ محد الله يصلحك
رعد تنهد : براحتك بس انا عارفها عارفها
فارس ابتلش : طيب اسمع بقولك والله م اقصد شيء واني ابيها بالحلال
رعد فز وسمعه بكل حواسه : انططق
فارس تردد وقال : لا لا مو وقته ابدًا
رعد ضربه : يحيوان كمل !
فارس رجع ينسدح وترك رعد بفضوله
محمد جاء وهو يطفي دخانه
محمد : عيال طفش وشذا الجدول !
فارس قام وراح داخل عشان ريحة الدخان م تكتمه
محمد فهم وتعذر منه
رعد : محمد م ودك تعرس
محمد : الا والله بس م لقيت بنت الحلال
رعد ابتسم : ليه م تأخذ بشرى ؟
محمد ابتسم : عادي والله عاد تصدق م جات في بالي
رعد : اجل بكرا نكلم الشيبان وابشر بوقف معك
محمد خبط كتفه : تم
جاء كاسر يركض : رعد تكفى يخوي
فز رعد : احتزم يخوي
كاسر حك راسه : م جبت فراش وابي فراشك
ضحك رعد : ابشر به شوفه فالسيارة
كاسر تقدم وباس راسه وراح
ناموا الكل ودخل رعد يدور فروته وهو كان بردان
رعد : وجع وين اختفت ذي !
تذكر انه اعطاها ابوه يتغطى فيها
رعد ضرب نفسه : سلامات شفيني صاير جمعية والله مالي الا الله وهيام
دق عليها وردت لين
رعد : هيامي
لين ضحكت وقالت : هيامك فالحمام
رعد : ومين سمح لتس تردين
لين : انا
رعد : اسمعي اذا جاتتس قولي لها رعد ع الباب
لين : ابشر
سكر رعد وماهي الا دقايق وجات هيام
هيام : رعد شفيك ؟
كان رعد بردان خصوصًا انه بس بثوبه فروته مع ابوه وفراشه مع كاسر وحتى شماغه مع هيام كان الهواء يلعب بشعره
رعد : متى بتنامين ؟
هيام استغربت : مدري والله بس بعد شوي
رعد : حلوين ووين بتنامين
هيام : في بيت الشعر مع الكل
رعد سحبها وكانت يده باااردة : لا نامي فالخيمة الصغيرة وحطي فراشتس فيها من الحين وبعدين بطانيتتس كبيرة ؟
هيام شبكت يدها بيده : دقيقة شفيك بردان ؟
رعد : لا لا
هيام : لحظة شفيك تسأل عن فراشي ؟
رعد حضنها : حبيبتس مسوي فيها محب للخير ووزع فراشه وفروته ع ابوه واخوه
هيام حاوطت ظهره بيدينها : يويل حالي والله انك باارد ومعليك فراشي كبيير ودافي
رعد ابتسم : حضنتس ادفى
هيام بعدته : وبعدين معك انت
رعد : وش وانا الصادق
هيام : ادخل الخيمة من برا بنتظرك هناك
رعد ابتسم وراح
هيام استعجلت تبي تتأكد فيها احد ودخلت حصلت بشرى
هيام : بشرى اطلعي بسسرعة
بشرى فزت : خير ان شاء الله
هيام بصوت شبه عالي : رعد دقيقة لاتدخل
بشرى : تفشلين تراه حافظني
هيام بعصبية همست : ايه لأنتس رخيصة وتعرضين نفستس له اوه لو تشوفين وشللون يشكي لي منتس صدق كنتي غاثته حمدلله انه طلقتس بعد !
بشرى طلعت وهي ميته غييض من هيام
هيام : ادخل
دخل رعد وهو كان يرجف : وين فراشتس
هيام : بسم الله عليك م تشوفه بين يديني
رعد تقدم وخذاه وفرشه وانسدح وغطى نفسه ببطانية هيام كان كل شيء ملياااان بريحتها تخدر رعد ونام علطوول وبدون اي تفكيير حتى
هيام سكرت باب الخيمة اللي من برا كووويس
وطلعت تجيب شوي جمر وحطتها بمنقل صغيير ودخلتها وبعدتها من المدخل وتركت الباب مفتوح نص وطلعت تكمل سهرتها مع البنات
دخلوا البنات ع الساعة ٢ الليل
هيام : يالله تصبحون ع خييير
الكل : تلاقين الخير
سلمى : هيام وين بتنامين ؟
هيام همست وهي عند باب الخيمة م تبي رعد يصحى : هنا رعد عندي نايم
سلمى هزت راسها بمعنى "فهمت"
دخلت هيام الفراش وعطت رعد ظهرها ونامت علطول
رعد حس فيها وابتسم وقال بهمس : جيتي؟
هيام م ردت بس همهمت له
رعد قرب منها وحضنها من خصرها وكانت هيام صغييييرة صدق في يدين رعد
ناموا علطول وصحت هيام ع صوت
فزت هيام وشافت وجهه كبير اسود وعيون حمراء عند وجهها كانت هيام ترمش وتسمي بالله بس م راح كان مررععبب صرخت : ررعععدد
رعد فز وغطى فمها : انهبلتي انتي وشفيتس !
هيام كانت تتكلم وصوتها يرجف : فيييه شيء فوقي
رعد ناظر وم كان فيه شيء حرفيًا : هيام تعوذي من ابليس ونامي
هيام كانت ترمش والشيء باقي م وخر ولا اختفى قالت وهي بدت تبكي : رعد رععدد
رعد فتح نص عين : لبيه
هيام ببكي : فييه شيء والله فيه شيء
رعد حط راسه قريب من راسها وناظر فوق وكانت لمبات الافياش شغالة ضحك بهدوء : مغير الكهرب نامي
أستوعبت هيام وحضنته : والله يخوووف معاد ابي اطالع فيها
رعد حضنها وحقيقي ضاعت فيه
رجعوا ينامون
_______••______
صحت بشرى الساعة ٩ وكانت اول وحدة من البنات
قامت شافت العجز والحريم برا الخيمة قاعدين والجو دافي بحكم ان الشمس حارة ذاك الوقت
اتجهت للخيمة اللي فيها رعد وهيام دخلت وشافتهم
قربت من رعد وضاقت اول م شافته حاضن هيام صدت واخذت شنطتها وطلعت
رعد كان واعي بس م فتح عيونه ولا فكر حتى ولا يدري مين اللي دخل
تكلم بصوت عمييق : هيامي
هيام تحركت بس م ردت
رعد : بنت هيام
هيام همهمت له
رعد ابتسم وباس راسها : قومي بطلع انا
هيام غطت وجهها : طيب اطلع وش تصحيني له
رعد قام وقبل يطلع قال : بكيفتس
هيام صدت وكملت نومتها
طلع رعد وحصل الشيبان صاحيين والنار شبها كاسر لهم
رعد : صبحهم وربحهم
الكل رد : صباح النور
رعد جلس وصب له كاسر كرك
كاسر مد الكرك له : سم
رعد اخذه : اسللم
كان الهواء بارد بس الشمس شوي قوية
جاء محمد ودق رعد : ولد يالله ؟
رعد هز راسه بموافقة
محمد : ياعم ابو ضاري
ابو ضاري : لبيه ي محمد
محمد ابتسم : لبيت حاج بس ابي اكلمك بموضوع
ابو ضاري : خاص ؟
محمد : لا لا
ابو ضاري : اجل اسلم
محمد : والله انا طامعن في نسبك وابي اخطب بشرى منك ع سنة الله ورسوله
كان ابو ضاري يشوف انها خيرة وبيستر ع بشرى وقال : والله وذي الساعة المباركة وابد انا موافق والبنت رأيها من رأي ابوها
ابو هيام تكتف : ماشاءالله ي محمد ع الاقل شاورني
محمد ابتسم : هذاك سمعت يبه وقلته قدامكم
ابو محمد : اجل ع البركة
ابو ضاري : اذا رجعنا الرياض بنتمم
ابو هيام ابتسم : ع خيير ان شاء الله
محمد زفر براحة : والله انك كفو ي رعد
رعد ابتسم : ع البركة يعريس م سويت شيء
فارس نطق : اجل وانا معكم بخطب
فز المجلس كله لأن فارس كان ذو منصب كان دكتور جراحة والكل يسمع بأسمه بأختصار سمعته الطيبة سابقته ورجال كفو والكل يتمناه
وقال ابو محمد بفخر : والله الساعة الطيبة يالفارس
فارس ابتسم : جعلها تطيب حياتك يجد والله يخليك لي سند وذخر
تكلم ابو شوق : فارس والله من اول ودي ازوجك بنتي عهود
ابو محمد : ماشاءالله تبارك الله وعهود تستاهل
فارس ضاق وهو م يحب يكسر كلمة جده : ابد اللي تشوفه يأبو محمد
ابو محمد ابتسم : اجل تم اذا رجعنا الرياض نتمم لمحمد والفارس
فارس قام وطلع من المجلس وهو متلطم كان يحترق داخليًا وهو م عمره رد جده حتى في زواجه استسلم لجده وقال في نفسه ( الحين ليش م رفضتت ؟ بتضيع حنين من يديني والسبب سكوتي ! )
لحقه رعد وقال : فارس
فارس لف له : لبيه
رعد : وشفيك ضقت م تبي عهود ارفض
فارس ضاق وتجمعت دموعه بعيونه : اي والله م ابيها
رعد فز وعصب : شفيييك ساكت طيب !!
فارس : لأن اللي ابيها صعبة علي
رعد بعصبية : م فيه شيء صعب ولا مستحيل عليك انطق !
فارس : ابي حنين
رعد انصدم : حننيين ؟؟؟
فارس انهبل بعد ردة فعل رعد وقال : شفتت ! كيف ردك اجل عمي وجدي وش بيقولون ؟
رعد ابتسم : لا والله ان يحرمون عليك بنات الدنيا كلهم وتحل لك حنين وابشر بها
فارس انبسسط : قل والله تكفى ي رعد لا تعلقني فيها وم اخذها
رعد : اعقل بس هذا انا اخوها الكبير وعطيتك ياها
فارس ابتسم بضيق : وجدي ؟
رعد رفع كتوفه : مدري والله هو خلقة م يكلمني انت كلمه واقنعه
فارس : طيب عطينا ابو شوق كلمة !
رعد ضربه : تستاهل انت اللي سكتت
فارس : يالله يارب تتيسر
رعد قام واتجهه لمخيم الحريم يبي يكلم امه عن فارس وهو متيقن بنسبة ١٠٠٪؜ انها توافق
رعد بصوته الضخم : يووللدد
فزوا الحريم وقالت وحده : لااتددخخل
رعد لف ووقف عن الباب
شوق : هيام روحي لزوجتس ينادي
هيام طلعت تركض من المطبخ
هيام من ورا الباب : رعد شتبي ؟
رعد بجدية : ابي امي ناديها لي
هيام راحت تناديها وجات ام رعد ورجعت هيام تساعد سلمى
ام رعد : لبيه
رعد : يمه اسمعيني زين
ام رعد : انطق وشفيك
رعد : فارس جاي يخطب وطامعن في نسبنا وشاريه
ام رعد بفرحة عظيمة زغرطت : هذي والله الساعة المباركة
ضحك رعد : يمه اصبري بدري عليتس تزغرطين
اول م سمعوها ام محمد وام هيام وام فارس جاو ركض
ام فارس : ماشاءالله وش السالفة ؟
رعد ابتسم : يووه القبيلة جاو اصبروا
ام رعد : فارس خطب عندنا
ام فارس علطول زغرطت وزغرطوا الحريم معها
لين جات تركض وهي تزغرط : وشسالفة ؟؟
رعد بعصبية واحتد صوته : اسممعوننيي طيب !
ام فارس سكتت وسكتوا كلهم
ام هيام : اسلم ي رعد
رعد : جدي ناوي يزوجه عهود
ام فارس بعصبية وهي كانت عهود حقيرة معها وحلفت : لا والله م يأخذها اللي م تستحي
رعد : كلمي جدي طيب المهم اللي عنده وقلته
ام رعد : دقيقة مين يبي هو حنين ولا لين ؟
لين توترت ودعت انها م تكون هي
رعد : حنين
ام رعد حضنت ام فارس وقالوا مع بعض : الله يتمم
رعد قبل يروح قال : يمه وين هيام ؟
ام رعد : مشغولة يولدي
رعد بعصبية واضحة : اعنبو ذا الشغل اللي م يخلص !
ام رعد : وش نسوي البنت سنعة وتحب تتحرك
رعد شد ع اسنانه : ناااادييها وبس
ام رعد ضربت لي وهمست لها : اركضي لا يفجرنا اخوتس
لين ابتسمت وركضت تنادي هيام
لين كانت تحاول تلقط نفس : هيام بنت
هيام لفت وهي تخبز خبز ع الصاج ويدينها ملياانه عجين : هلا
لين جلست : اف تعبت
هيام قالت بصوت مستعجل : للييين تعاللليي امسكي شعري من وجههي
لين ضحكت وقامت تمسكه وقالت : رعد برا بيموت عصبية ويناديتس
هيام طنشت : مو وقته شيبي ؟
لين : مدري م قال لي
هيام استغربت : روحي قولي له هيام مشغولة
لين : قالته امي بس عصب عليها
هيام زفرت بعصبية : يوووه اذلفي قولي له م بجي
لين ضربتها : طيب لا تصارخين
هيام لسعتها الحرارة عشان كذا رفعت صوتها
لين طلعت تركض وجات حصلته متلطم والكل يعرف رعد اذا تلطم يكون مرعب ومحد يقرب منه
لين رجعت ورا الباب : ولد رعد
رعد لف للصوت : خيير وين هيام ؟
لين : مالي دخل ناديتها وكانت تشتغل ورفضت تجي
رعد علطول دخل وقال : يولدد طرييق
الكل فز من دخوله ودخلوا داخل الخيام واللي غطت نفسها بمخدة واللي دخلت الحمام صدق اشكالهم تضحك وهو اصلاً م كان يناظر
رعد دخل المطبخ ومن سوء حظ هيام انها لحالها فيه
رعد صرخ عليها : وجعع م تسمععييينن !
هيام فزت واحرقها الصاج وقالت بألم : ولعنه ي رعد الله ياخذك
ركضت للمغسلة وشغلت الماء البارد وحطت اصبعها تحته
رعد انهبلل : اايشش ؟؟ تدعيين علي !
هيام ناظرته بملل وهي طفشت من صراخه : خلاص استغفر الله بس قصر صوتك ماله داعي كل الحريم يسمعون صراخك علي !
رعد قرب منها ومسك فكها بقوة : اذا م تبين احد يسمع ورا م تجيني اذا ناديتتس !
هيام بعدته بقوة وقالت : حسبي الله احترقت الخبزة
رعد كان يشوف بعيونه انها مشغولة صدق بس مع ذلك كان حب امتلاكه لها معمي بصيرته ويبيها له بكل اوقاتها
رعد بصوت حاد : الحيين فالمخيم ذا كله محد يشتغل الا انتي
هيام تأففت ورفعت صوتها : رعععدد اطللعع بررااا !
رعد جلس ومسك شعرها وشد وجهها لوجهه : خييير خييرر ميين انتي عشان تطرديني ؟
هيام دموعها تجمعت بعيونها اول م شافت بشرى وعهود عن الباب ويضحكوون وسمعت بشرى تقول : يعاملها معاملة الشغالة
هيام نطقت بألم : الله ياخذك ي رعد وياخذني يوم غيرت رأيي وقبلت فيك !
رعد تركها ولف بسرعة البرق وبعيونه اللي كان الشرار يطلع منها وشاف عهود وبشرى وصرخ : خخخيييرر ياللي م تستحين انتي وياها اعنبوتس م فيتس طب ولا حياء !!!
قام وقرب منهم وصرخ في وجيههم : اططللععيي برا عساها تطلع روحتس انتي وهي
ركضوا ركض وهم يرجفووون رعب
رجع لهيام وقال : وانتي يالهانم والله لا احاسبتس ع كلمتتس والله لا اندمتتس عليها سااامعه
هيام كانت مخلصه طفت الغاز ومرت من جنبه ولا كأنها تسمعه ولفت وقالت قبل تطلع : رعد اذا خلصت هواشك وتهديداتك اطلع برا ورح عند الرجال وانا وانت عارفيين مين اللي بيرجع للثاني
مشت وهي واثقة بكلامها ان رعد بيرجع لها غغصصب وفعلاً كان رعد م يقدر يوم بدونها
رعد ابتسم وسط النيران اللي داخله وقال بصوت مسموع : تعرفين يالوسخة اني مييت فيتس واجيتس ع وجههي
هيام ابتسمت بس م ناظرته كملت ودخلت خيمة من الخيام
طلع رعد وهو معصب وقال ( لا لازم اثقل واخليها تجيني ) وجد ثققل رعد وهو ثقله خااايس معاد يطالع فعيونها حتى !
:::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
(البارت طوييييل جدًا وفيه بارت بينزل فالليل ع الساعة ٨ خليكم قريبين ، اكتبوا لي بالكومنت وش اعجبكم ووش اللي زعلكم ترا اخذ منكم افكار 🫣❤️‍🔥 )