يهزمني الحُب وانا جاهل بدرب المُحبين

البارت الحادي عشر

طلع رعد وهو معصب وقال ( لا لازم اثقل واخليها تجيني ) وجد ثققل رعد وهو ثقله خااايس معاد يطالع فعيونها حتى !
_______••______
عند الحريم كانوا مصدومين من صراخ رعد ع هيام بس م استغربوا صراخه لأنه دايم نار مشتبه
ام هيام : هيام امشي معي
هيام استغربت وطلعت مع امها
ام هيام : وش عنده رعد !!
هيام : مدري عنه امرضني
ام هيام : هو بس يصارخ ولا يضرب بعد ؟
هيام م كانت تبي تخرب بيتها وقالت : لا يخسي يمد يده
ام هيام ارتاحت : ايه اشوا وعادي تحملي صراخه هذي انا تحملت ابوتس وصراخه
ضحكت هيام وراحت للبنات
هيام : عهود وبشرى خييير ان شاء الله
عهود ضحكت : اقل اص لا افضحتس
هيام تكتفت وابتسمت : وش تفضحيني فيه يروحي؟
عهود قربت منها وهمست : رعد ضربتس
هيام انفجرت ضحك : يويلي يبنات اسمعوا وش تقول تقول رعد ضربني حبيبي اذا م تعرفين الرومانسية لا تقولين ضرب
عهود ضحكت : اي رومانسية كان شاد شعرتس بعد
هيام مسكت خدها بيدها وقالت : كان فيه عجين بشعري من لين ورعد شافه وقرب مني ونظفه
عهود تفشللت وقالت : هاه ؟ طيب اسفه والله حسبته يمد يده
هيام ضحكت وهي خايفه كانت تحسبها م بتمشي : لا لا عادي لا تعتذرين
اما بشرى م ردت وبعد كلام هيام ماتت اكثر
لين جات : بنات م سمعتوا اخر الاخبار
الكل لف لها يسمعون وهم يدرون انها تعرف كل صغيرة وكبيرة
لين : طيب بسم الله ابدأ اولاً محمد خطب في بشرى ووافق ابوها وقال ان رأيها من رأيه يعني مبروك بشرى والله يتمم ع خير
هيام فزت : محمد اخوي ؟؟
لين هزت راسها بنعم
بشرى صرخت : كذااااببه !!
لين : وجع قصري حستس !
بشرى دموعها تجمعت وهي عرفت انها خلاص انتهت حكايتها هي ورعد قبل تكتمل حتى
لين : الخبر الثاني فارس خطب
فزت قلب حنين وقالت : ماشاءالله بمين
لين : اخر كلام سمعته انه خطب في عهود
عهود قامت بطولها : هاااااه فاااررس خطبننني !!
حنين انكسرت صدق وقامت وطلعت
لين ضاقت : اصبري حنين
حنين م سمعت وطلعت ولحقوها سلمى وهيام
لين : هييه انتي لا تفرحين جدي اللي قاله يخطب فيتس ولا هو يبي حنين
عهود : طيب ؟ الله يوفقهم بس يعني انصدمت
لين ابتسمت لها : المهم خلصت اخباري كل وحدة تجيب عشرة ريال
البنات رموا عليها العلب والوسايد
طلعت لين وهي تتحسب عليهم وتضحك
اما عند حنين وسلمى وهيام
سلمى ضربتها : اف خلاص لاتبكين يروح فارس يجي غيره ملييونن !
هيام كانت حاضنتها : وسلوم صادقة !
حنين قالت بصوت باكي : بس انا ابيه لي احبه يبنات من وانا صغييرة كنت اشوفه كل شوي واحبه اكثر واكثر ويوم كبرت كبر حبي له يبنات مقدر والله قلبي يوجعني
سلمى بعصبية وهي تحقد ع اللي يعور او يوجع اللي تحبهم : افف اسكتتيي لا اطلع والعن شكله !
حنين ابتسمت : تكفين اطلعي له
سلمى رفعت قميصها : ابشري بي يبنت محمد
هيام ضحكت : هيييه اهجدي يالجنية
سلمى لفت بتروح : والله م يوقفني الا الموت
فارس كان يسمع كل شيء وقلبه يتقطع وحلف بالله بعد دموع حنين ان يأخذها سواء رضوا ولا لا وقال بصوت عالي : لا تجيين ي سلمى انا مأخذ حنين يعني مأخذها والله ان يحرم علي كل بنت غيرها
فزوا البنات من صوته
هيام : يويلي ويلاااه هذا الحب ي جاهلييينه
سلمى ابتسمت وقالت : كفو يالفارس هذا العشم فيك يولد الخالة
حنين كانت مصدومة وضحكت بصوت عالي وهي متفشلة : يع يبنات وانا كبيت العفش يويليي صدق
سلمى وهيام انفجروا ضحك بعد م تذكروا كلام حنين وحبها الطفولي لفارس
حنين قامت وقالت : علتبن انتي وياها
وراحت وهم وراها يمشون ويضحكون ويقلدونها
______••_____
الساعة ٥ العصر طلع رعد وفارس المدينة عشان يجيبون ذبيحة ويشّوونها واجواء حلوه
رعد : هاه شرايك في ذي والله انها مليييانه
فارس : اجل نط جبها
رعد ضحك : ابشششر
فارس كان يناظر في رعد وهو هاجم عليها وشكله مرعب حتى الخروف استسلم له انفجر يضحك وقال : الله لايحطني بين يديك
رعد كان شاد بأسنانه ع طرف ثوبه وشال الخروف وركبه فالصندوق حق الموتر وقال : اسكت احسن لك دفعوا فلوسها ورجعوا
وصلوا وشافوا محمد مجهز الجمر وقالوا : ماشاءالله ع القوة
محمد ابتسم : اجمعيين يارب
نزل رعد وركض لمخيم الحريم ياخذ عدة السكاكين عشان يذكي الذبيحة
دخل وقال : يوللدد شوفوا لي طريق للمطبخ
حنين شافت م قدامه احد : ادخل يرعد ادخل
دخل رعد للمطبخ واخذ كم شيء معه وم كان معه مكان للسكين وحطه في فمه وعض عليه وطلع كان شكله هيييبة بشكل مرعب
هيام ركضت ووقفت قدامه : ماشاءالله ع القوة
رعد م رد عشان السكين وهز راسه لها
هيام تقدمت واخذته من فمه وقربت تبي تهمس له بس قاطعها صوته
رعد : هياام اخلصي هاتيه مستعججل
هيام : اصبر تعال اشاورك
رعد كان باقي مقتبس دور الثقيل وقرب واخذ السكين بفمه من يدينها
انصدمت هيام وعطته السكين علطول وهي تقول في نفسها (شفيه ذا كنت بقوله محد يلمس شفايفك غيري واجيب راسه واقطع عليه عرضه الثقيل ذا )
طلع رعد وهو يضحك ووصل للذبيحة وسدحها وقال بصوت مرتفع : بسم الله والله اكبر ونحرها وطش الدم ع ثوبه ووجهه
كل الرجال كانوا يراقبون وهم مستمتعين كان الكل شاهد ع رجولة رعد وشهامته والكل يحبه ويخاف منه حتى اللي يكرهه كان ساكت ويناظر فيه كان رجل !
رعد صلخها وخلص وقال : يالفارس الباقي عليك
فارس : معليك رح بدل وتعال
رعد طلع واتجهة لمخيم الحريم وقال بصوت عالي : يالهيام
هيام فزت وقامت له وتكلمت وهي ورا الباب : لبيه
رعد ابتسم : لبيتي في منى شوفي لي طريق
هيام راحت تدخل الحريم وقالت شوق : اف منه ذا الرعد اشغلنا الله يشغله
هيام : خييير حبيبتي احترمي وجودي طيب !!
حنين ولين فزوا مع هيام : ووجودنا
شوق ضحكت : م اقصد شيء بس ازعجنا
هيام : مالتس شغل فيه
وطلعت تنادي رعد يدخل
دخل رعد وهو كله مليان نقاط دم منتشرة في كل مكان
هيام انهارت من جماله كان شعره ع وجهه وبسمته وهو يمشي وكيف كان رافع الثوب بيدينه وقال : هيام الحقيني
هيام لحقته وهي هايمه فيه وقالت : وشذا كله
رعد : دم الذبيحة بدخل اتروش وجهزي لي ثوبي الأسود
هيام بخقة : بعد ثوب اسود ؟ الله يرحمني
رعد ابتسم وطلع للحمام
هيام استوعبت ان رعد يطلع من الحمام وهو حاط المنشفة ع خصره وم يهتم اذا فيه احد ولا لا احتررققتت علطول من الغيرة وركضت للحمام وقالت : رعد
رعد كان تحت الدش وهو منزل راسه من طوله كان اطول من الحمام نفسه وقال : هااه يهيام
هيام : اسمع شرايك تلبس داخل الحمام
رعد : تستهبلين انا يدوب اتروش
هيام زفرت بحرقة : اف يخي طيب لا تطلع منه !
رعد م كان مستوعب : يخي وش تقولين انتي ؟
هيام : ررععدد
رعد : يالبيييه ي هيامي يالبيه عيوني لتس قولي
هيام تكتفت وهي تناظر كانت الخيمة بعيدة من الحمام وقالت : ياربي وش اسوي فيه ذا وحتى لو قلت بغطيه م بغطي الا رجوله و بطنه ااففف
رعد خلص وجفف شعره بمنشفته ولفها ع خصره وطلع من الحمام والبنات كلهم كانوا واقفين عند باب الخيمة وهم يعرفون ان رعد عريض فالثوب وكانوا متشفقييين يشوفون عضلاته
( اما رعد فكان مفتول العضلات بس مو لذيك الدرجة كان جسمه مثالللليي وطوله محلييه )
رعد كان يسمح وجهه من الماء ووقف في نص الحوش وناظر وشاف البنات كلهم يناظرونه وهم متغطين واللي حاطه ع وجهها شيء وتناظر من ورا ضحك في نفسه وقال ( اف ذول كلهم خاقيين مع جسمي ؟ )
هيام كانت فالخيمة وطلعت تركض اول م سمعت صوت باب الحمام انفتح
هيام احتررققتت اول م شافته يلعب بشعره ويمشي ببطيء وقالت : رعد امش ادخل بسرعة قبل تبرد !!
رعد م رد وكمل يمشي بنفس السرعة
هيام كان قلبها يدق من منظره كان مُغري وفي نفس الوقت يوجعها من الغيرة ركضت ووقفت قدامه
رعد صدم فيها وهو م انتبه لها ولف يده من ورا رقبتها وقال : شفيتس خرشتيني !
هيام لفت للبنات وقالت : خييير ياللي م تستحين انتي وياها اعنبوكم استحوواا ع دمكم !!
اول م صرخت هربوا ومعاد بقى احد
هيام لفت له وعيونها تحترق وقالت : عاجبك ؟؟
رعد كان متخدر وم يحس حتى بالبرد وقال : انتي ؟ اي والله انتس ماخذتني كلي
هيام راحت وراه ودفته للخيمة وقالت : لا يعيوني مو انا عاجبك نظرات البنات لك !
رعد كان متقصد يزيد نارها حطب وقال : اعترفي تزوجتي واحد الكل يحلم فيه عشان كذا تحملي والله يقوي قلبتس
هيام تكتفت وقالت بصوت عالي : ننععمم ؟؟ اعنبوك انت م تستحي !
رعد ابتسم ومسك منشفته وفك العقدة حقته وهو باقي ماسكها ع خصره وقال : عاجبتس المنظر ؟
هيام لفت بسرعة وطلعت وسكرت باب الخيمة
ضحك رعد بصوت عالي ولبس وخلص وتعطر وقال : يهيام الجمر وينه
جات هيام ومعها الجمر وقالت : اتحداك تفرق بين الجمر وقلبي
فز رعد وضحك وهو حاضنها : بسم الله على قلبتس
هيام بعدته : لا لا كمل دور الثقيل والحيوان واللي م يستحي والنسونجي
انفجر رعد يضحك والكل كانوا هايمين في ضحكته كان بكل صفاته فاتن
اخذ الجمر وحط عليه عوده واول م دخنت قرب ولبس شماغه وغطى راسه ولصقه في راس هيام وقال : تبخري معي
هيام كانت تطالع فيه وهي خلاص ودعت قلبها منزمان من اول م اخذه رعد
ابعدت وخذت عطر خفيف ومنعش وعطرته
رعد بأبتسامة عذبه : طاب طيبتس عاش حبيبتس
هيام نزلت راسها وقالت : عشت ي حبيبي و ي كل اهلي وسنيني
رعد قرب ورفع راسها وسرق اول بوسة منها وقال : جعل عمرتس طويل وجعلتس معي فكل ايامي ي كل ايامي و ي هيامي
هيام انصدمت وحمر وجهها وحطت يدينها ع شفايفها
ضحك رعد وقبل يطلع قال : العنبو غيرتس حرام انها خمرٍ حلال
هيام كانت تموت صدق من الاحراج وقالت : رعد والله م اخليك
رعد ابتسم وتلطم وقال : يولد طريق
كل البنات التفتوا وقالت شوق : يويل قلبي لابس اسود بعد
بيان : تشوفييين
بشرى : اف بسم الله عليه يشد الواحد له يحظ هيام
طلعت هيام وقالت : انشهد يحظي
الكل التفت لها وهي تضحك كانت اجمملل من رعد بكثييير وقالت حنين بصوت عالي سمعها رعد وهو عند الباب يكلم امه : لا بالله الا يحظ رعد فيتس
رعد ابتسم : انششهدد بالله
هيام استحت وهي للحين ماسكه شفايفها وجلست
رعد كان متلطم عشان روج هيام وم كان ناوي يمسحه لأنه دايم اذا تلطم يطول عادي محد يسأله
ام رعد : خلاص ؟
رعد : ابشري والله باللي يرضيتس وانا والله كنت معصب اليوم ولا م قصدت ارفع صوتي ع هيام وهي تعرفني
ام رعد : خير شر لعاد ترفع صوتك عليها م تدري انت انك تحط لك ع قمر !
رعد ابتسم : الا بالله ادري
ام رعد : اجل يالله لعاد اشوفك مزعلها
رعد اشر ع خشمه : ابشري والله وعلى ذا الخشم
ام رعد ابتسمت ودخلت وراح رعد للرجال
فارس : تروشت ؟
رعد هز راسه بنعم وهو يدفي نفسه عند الضو
فارس : اجل لاتشيل لطمتك من وجهك
رعد : م فكرت اشيلها اصلاً
فارس م شك وكمل يشّوي
رعد قام وجلس فالمجلس عشان م تخرب ريحته بالشّوي
ابو محمد : رعد
رعد ابتسم وهو اول مره جده يكلمه وقال : لبيه يعيون رعد وتاج راسه
ابو محمد ابتسم : رح جنب فارس وقومه انت ومحمد وكملوا ولا نسيتوا ان فيه ربو
فز رعد : ابشر وسحب محمد بيده
محمد : من الحيم وقسم بالله ان تقوم
فارس : لا يخي والله كنت مستمتع ليه تحلف !
محمد ابتسم : قم بس
قام فارس وجلس جنب رعد ومحمد تشمر وكمل يشّوي
طلعت بشرى تبي تكلم اخوها ذيب شافت محمد وكان شكله يفتن وجلست تتأمله وقالت : يويل حالي ذا محمد !
محمد حس بنظرات ولف وشافها وابتسم ع جنب وصد وقال في نفسه ( اوهوو بشرى تطالعني ! )
بشرى فزت اول م طالعها وقلبها دق بحُب حقيقي هالمرة وقالت : يويل قلبيي صدق
ذيب من وراها : من ايش ؟
بشرى : لا بس كنت اشوف محمد
ذيب : شفتي هذا عوض الله الجميل والله يتمم ويوفقكم
بشرى ابتسمت برضى : امين المهم رح اسأل فارس فيه عصيرات غازية ؟
ذيب هز راسه بنعم وقال بصوت عالي : فارس رعد
لفوا الاثنين وكانت بشرى داخل
رعد بصوته الرخّيم : ارحب
ذيب ابتسم : البقى بس بسأل فيه عصيرات
فارس بصوته الثقيل : اييه ايه فيه كل شيءٍ طيب
كانت حنين مع بشرى وهامت في صوته وقالت بصوت يادوب ينسمع : انا م اهلكني الا صوتك
بشرى لفت : هلا حنين قلتي شيء ؟
حنين لفت بتروح وقالت : لا لا وامشي خلاص عرفنا
بشرى : اي والله صادقة
دخلوا للمطبخ يساعدون سلمى
سلمى كانت اكثر بنت سنعة ولا يهونون الباقين بس كانت صدق تبرد الخاطر وم تتخلى عن هيام
سلمى : ياهيام شلي الصحن ذا ووديه عند الباب رعد وكاسر هناك
هيام هزت راسها بنفي : سلاامات كاسر فيه خلي خواته يشيلون وانت بكمل احضر معتس
حنين ولين جاو وشلوا الصحون ووصلوها للعيال واخذوها وهيام شلت صحون الحريم هي وبشرى وتساعدوا وخلصوا مع سلمى وجلسوا يتعشون
اما العيال فرشوا السفر ونزلوا الصحون الصوصات والسلطات كان رعد حاط الصحن فوق راسه وطاحت لطمته وصد علطول بوجهه
فز فارس واخذ منه الصحن وطلع رعد لمخيم الحريم
فارس بصوت عالي : يولد العشاء
رعد رد بدون م يلتفت : جاييك اصبر
رعد وقف عند الباب وقال بصوت عالي : ياهيام
هيام قامت وراحت له وقالت وهي مستحية وكل شوي تتذكر الموقف وكانت ورا الباب : هلا
رعد : جيبي لي منديل وتعالي مسحي روجتس بغيتي تجيبين فيني العيد
هيام احترقت خدودها وقالت : تستاهل محد قالك
دخل رعد وسحبها عند وجهه وقال : تبيني اعيدها
هيام كانت متخدرة من شكله وصوته وقالت : اصبر طيب بجيب المنديل ومزيل المكياج لأن روجي م يروح
رعد ابتسم : تكفين قبل تمسحينه هاتي وحده
هيام بعدته وقالت : تحلم كثير انت ؟
رعد : والله لا اجيتس
هيام راحت وصبت شوي مزيل فالمنديل ورجعت ركض
مسكت بيد وجهه وكانت قريبه منه ومسحت بخفيف وقالت : اسمع اذا اوجعتك قل لي
ضحك رعد وقال : جعلتس توجعيني دايم والله م اشكي
هيام قوت يدها وراح اللون الاحمر اللي كان مغطي شفايفه وقالت : يويل حالي صدق
رعد ابتسم : شفيتس ؟
هيام همست قريب من وجهه : همت فيك
رعد باس خدها وقال قبل يطلع : يكبر الحب ياهيام الرعد
هيام ابتسمت وهي تحب الاسم ذا وكيف صار اسمها مربوط في اسمه وكيف صار كل شيء بحياتها
كملوا يتعشون وقاموا يتساعدون ع المواعين وخلصوا وجلسوا حول النار جلسة سوالف واغاني
هيام بدت تغني وكان صوتها يجنن !
حنين : يا ماشاءالله صدق
الكل كانوا يسمعونها ومستمتعين
هيام استحت وسكتت
الكل صفقوا وهم يضحكون
وانتهت اخر ليلة فالمخيم بسلام واقل المتاعب .
::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت قصير نوعًا ما يعني الفين كلمة وزيادة ، بقطع فترة بسيطة عشان الجامعة ادعوا لي اقدم البرزنتيشن عدل😭🤌🏻 )